ISAIAH 55
55
Bawipa In Ninghiohnak Pe I
1 Bawipa in,
“Kawi tu ih, ti a hal mi zongzong kawi tu ih,
heta ah ti um i,
Kawi tu ih, paisa a nai lotute
rong lai tu ilai ai tu ih;#Thup 21:6; 22:17
Kawi tu ih cabit le kawlpawhnawi lai tu ih.
Man loin ngah tuh i si.
2Zaimanin rong hrang lo ah paisa hmang tlang i si?
Zaimanin rong khamruai lohnak thil hrangah nihlawh pe i si?
I ngai tu ilai i relhnak bangin bawn tu ih;
Rong lakai a pha ber ai tlang tuhai
nun ning nuam tuh i.
3I minungte, i ngai tu ilai i hnenah kawi tu ih;
i hnenah kawi tu ilai nunhnak ngah tuh i si.
Ningmah thawn kumzangza a kho thukhamhnak bawn tuhai,
David hnenai thu i khamhnak hmuifu khiah pe tuh ing.#Nal 13:34
4David tu hotu le miphun tampui konghoitu ah bawn awng ai amah caah i hathnak larruai awng zo ing.
5Tunah miphun tampui ko tuh i si;
Ning ling awng lomi ita inkhai
ningmah lam ṭang tuhin ning ben tuh betbo i.
Israel ai Pathian Thianghlim, Bawipa ning Pathian
Kaimah in he bangin cangruai tuh ing.
Upathnak le songloihhnak na pe tuh ing,”
ti i.
6Tawk a thil laiah Bawipa si tu ih,
A nong laiah amah ko tu ih.
7Mihrokhrawl in a ziaza hlum in a ruatdan thleng tuseh.
Bawipa kin Pathian hnenah let tu selai,
ngaithiam tuh vut i.
Amah tu mi ninghiotu i.
8 Bawipa in,
“I ruathnak tu ning ruathnak bang ilo i.
Kin lampui le ning lampui tu a dang dun i.
9Vante khai laivum tahin a sang sawn bangin
i ruathnak le i lampui tu ning ruathnak le
ning lampui tahin sang sawn i.
10“I ponkam tu van in laivum behruai tuhin
a tlahnak vur le ruahti bang i,
Naidawh le ruahti in hlairong khangruai i;
Cing tuhin hlaici poruai in aih tuhin rong suakruai i.#2Cor 9:10
11I ka songin a suakhnak ponkam tu ciabang i tuh i;
Zaikhai bawnsuak loin i hnenah let tuh lo i;
Bawn tuhai i tumhnak hmuahhmuah
bawn tuh sio ing.
12“Lungawi ngai in Babylon an suak tuh i si;
Lungmuang ngai in fehpuihnak i tuh i si.
Ning hmaiah tlang sang ituseh tlang niam ituseh
la sa tuh dekdo i.
Thingkungte khai lungawi in au tlang tuh dekdo i.
13Hlingkung pohnak hmunah farthing po tuh i;
Hlingbur pohnak hmunah hlenhmui kung po tuh i.
Hemi tu Bawipa kaimah in i bawnhnak
lingruailehtu hnikhnaihhnak i tuh ngio i,”
tiin ti i.
Currently Selected:
ISAIAH 55: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
