ISAIAH 52
52
Pathian In Jerusalem O Tuh I
1Aw Jerusalem, a thawmlian ai a hatmi khua cang leh tu!
Aw Pathian ai khuapui thianghlim,
A mawimi in thuam dun tu!
Pathian ling lotute tu na kotka songah
lut leh tuh nawn lo i.#Thup 21:2, 27
2Aw Jerusalem, luat tuhang!
Laivut lakin tho tulai na tohkham ah to tu.
Aw sal ai a tangmi Zion mite!
Amahte penhnak cikcinte tu hawk tuhang.
3 Bawipa in a minungte hnenah,
“Ningmah laihnak tuhin paisa zaikhai pe lo i,
Ikhalselai sal ah cang i.
Ningmah tlanhnak tuhin zaikhai pe tuh lo i,
A lovang in ning luat tuh i.
4A hlanah Egypt ramah um i si ai mikhual ah ning cang i.
Leh hnuaah zai thula rin um loin
Assyria in ning cawh i.
5Tun tu Babylon ah ciabang thotho in cang leh i;
Ziang thu um loin salpom mi ah ning cang i.
Ning uktute tu puarthau in tluangkhawng ai
Kaimah zohsuamtute i.#Rom 2:24
6Ikhalselai can hleng tuhai
Kai tu Pathian ngaingai ing ti ling tuhin
ning hnenah a pongtu heh kaimah ing ti khiah
ling tuh i si,” tiin ti i.
7Tlang vuman kawi ai,
Luathnak le daphnak thuthangpha
a phuangtu ai ke tu zaitlukin mawi i?
Zion hnenah nehhnak thuthan ai
“Ning Pathian tu Kumpibawi i!” ti i.#Rom 2:24
8Khuapui a kiltute tu au tlang i,
Lungawi in hmunkhat ah au dekdo i!
Zion ah Bawipa kawi leh zo i,
ti khiah amahte mit rori in hmu i!
9Aw Jerusalem ai hnawmborhte,
Lungawi aipuang in au tu ih!
Bawipa in a khuapui tu hup i,
A minungte tu hnem i.
10 Bawipa in a huham
thianghlim suah tuh i,
A minungte o tuh i.
Laivum pumpuhluk in hmu tuh sio i.
11Suak tu ih! Babylon tu hlum tu ih!
Biakinn thilri a awhtute!
Thil zarh zaikhai dai mah ih;
Thianghlim niu in um tu ilai
Hemi khuapui khiah hlum tu ih.#2Cor 6:17
12Tun ṭum tu ngaihhlah in tlan kul tuh lo i si;
Raltlan bangin tlan kul tuh lo i si.
Bawipa ning Pathian in ning hoi tuhai
ning hnua ning hmai in ning kil tuh i.
Bawipa Ruaihtu Tuarhnak
13 Bawipa in,
“Sik tu, I ruaihtu khiah
a naperhnak ah hlawhtling tuh i.
Mi ai upat bermi i tuh i.
14Ikhalselai a hmuihmel hnawm ai
minung rin a bang lo fangin tu
mi tampui ngaihsunur tlang i.
15Miphun tampui in a sik fangin ngaihsunur tuh i,
Kumpibawi tampui khai khuaruahhar in
pong tuh zaikhai ling tuh lo i.#Rom 15:21
A sik tlang fangin a hlanai amahte
ling awng lohnak
ling tuh i,” tiin ti i.
Currently Selected:
ISAIAH 52: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
