HEBRU 9
9
Lai Le Van Ai Pathian Biahnak
1Hmasaber thukhamhnak in Pathian biadan nai ai minung ai bawnhnak biakkhawm hmun khai nai i. 2Biakinn tu pon in sa ai a pualam khan tu Hmun Thianghlim tiin ko i. Ciata ah maikhuat le cabuai le Pathian hnenah selhnak sangte dah i.#Luat 26:1-30; 25:23-30, 31-40 3Ponzar pahnihhnak ai hnua lamah Hmun Thianghlim Ber tihnak khan um i.#Luat 26:31-33 4Ciata ah rimhmui taihnak sui puleng le sui ai khuthnak Thutiam Kuang khai um i.#Luat 30:1-6; 25:10-16; 16:33; Mip 17:8-10; Luat 25:16; Danp 10:3-5 5Ciami Thukham kuang songah manna sang dahhnak sui bel le hnah dawn a cerhnak Aaron ai faikiang le thukhamte nganhnak lung tlephnih khai dah i. Ciami Thutiam Kuang vumah Pathian songlawihnak larruaitu Cherub tihnak ko nai zuk dah tlang ai sualngaithiamhnak hmun vumah amahte ko pharh kawm i. Tun tu hebang thu semkhim in relhnak can ilo i.#Luat 25:18-22
6Ponhlam song thil bawndan tu hetihin i. Suangbawite tu a naper tuhin nisiar in a pualam deuh khan ah lut tlang ai, #Mip 18:2-6 7Suangbawi Sang lek a songta khan songah kum khat vel khat lut i. Amah ai sualhnak le midang in lin loin sualhnak a bawn panghnak hrangah thisan koih ai Pathian pe i.#Sua 16:2-34 8Hebang amahte bawnhnak songin Rauhla Thianghlim ai fiang ngai in a larruaihnak tu: ponhlam puata deuh ah a um laiah tu Hmun Thianghlim Ber a fehhnak lampui hong lai lo i, tica i.
9Hemi tu santehhnak i ai tunai kin san heh a sawh hiamhnak i. A sullam tu, Pathian hnenah pehnak lehsawng le hibawlhnak sumhnam in Pathian a biatute ai thinlung semkhim in som ciang thil lo i, tihnak i. 10Zaimantifangin ciami hibawlhnakte tu rong le ti le cianghlimruaihnak ai bawnhnak hibawlhnak thawn a pehzom i. Ciamite tu a pualam dan lek i ai Pathian in zaizongza a thar in a rem hlan song lek hmanghnak i.
11Ikhalselai Khrih tu thil pha a umciahnak ai vumah Suangbawi Sang i tuhin hleng zo i. A naperhnak ponhlam tu lian sawn ai semkhim sawn i. Minung ai bawnhnak ponhlam ilo ai he laivum ai bawnhnak thil songah a telhnak khai ilo i. 12Khrih tu ciami ponhlam songah lut ai Hmun Thianghlim Ber ah kumzangza hrangah a hleng fangin me thisan le kawlpawcang thisante heh hibawlhnak hrangah keng lo i; amah ai thisan sawn keng ai kin caah kumzangza nunohnak kin bawn sah i.
13A cianghlimlo mizapui vumah suangbawi in me thisan le kawlpawcang thisan le kawlpawla mai taihnak ai vutkuangte heh phiah ai ciami in biahnak lamah amahte cianghlimlohnak hmuahhmuah cianghlimruai i.#Sua 16:15-16; Mip 19:9, 17-19 14Ciatih bangin cianghlimhnak um thil lekhaw zaitlukin Khrih ai thisan in cianghlimruai tuh amam i! Kumzangza in a nungmi Rauhla songin a semkhimmi hibawlhnak ah amah veve Pathian hnenah pe dun i. A nungmi Pathian na kin ruaih thil tuhin, santlai lo dan hlunhnak in kinmah ai a hnawm a pha thiathiamhnak thinlung heh a thisan in somciang i.
15Ciatih imanin Pathian ai a kohnak mite Pathian ai a thukhamhnak kumzangza hmuifu co thil tuhin thutiam thar a remruattu heh Khrih i. Ciami a cangthilhnak heh Khrih a thihhnak manin i. A thihhnak in a hmasa thutiamhnak hniaah a um laiah amahte sualhnak songin luatruai i.
16Ro thucah kin tifangin ro cahtu a thi hnua fang ian in hlun tuhhnak i; 17zaimantifangin a nun laiah a ro thucahhnak heh hmang thil lai lo i; a thi hnua fang ian in hmang i. 18Ciamanin i thutiamhnak#9:18 Greek in thutiamhnak tihnak le thucah tihnak pongfang bang dun i. hmasa deuh hrangah rin thisan thawn ian in sullam a naihnak heh! 19Moses in a hmasaber ah dan laibu songai a ummi thupehnakte heh mizapui hnenah than i. Cia hnuaah kawlpawcang thisan le me thisan lang ai ti thawn a roih hnuaah, hissop thingkak cikniu le tuuhmul san pencihhnak hmangin, dan laibu le mizapui heh phiah de ai, #Luat 24:6-8 20“Ning hlun tuhin Pathian in a thupehnak thutiam a khoruaitu heh he thisan i,” tiin ti i. 21Ciabang thotho in Moses in thisan heh Thukham ponhlam le Pathian biahnak ai amahte hmanghnak thilrite ah phiah i.#Sua 8:15 22Dan songai a umhnak bangin zaizongza heh thisan ian in somciang ai thisan luang lohnak ahcen ngaithiamhnak um lo i.#Sua 17:11
Hibawlhnak In Sual Somciang I
23Vancung a ngom ber ai thil a ummi amahte cungfawmhnak tepawl tu ciatih bangin cianghlimruai kul i. Ikhalselai vancung ai ummi a ngaingai inkhai hibawlhnak pha amam kul i. 24Ciami a ngaingai cungfawmhnak thil, minung ai bawnhnak Hmun Thianghlim songah Khrih heh lut lo i. A luthnak tu vancung i ai tunah kin aiawh Pathian hmaiah um i. 25Judah mi Suangbawi Sang heh kum siar in sumhnam thisan keng in Hmun Thianghlim Ber songah lut i. Ikhalselai Khrih tu amah veve hibawlhnak ah sel tuhin vel tampui lut lo i; 26ciatih ihlah selai lailung sempan in vel tampui tuar kul tuh i. Ciatih bang ilo in tun san hnuataber a bo lamah, amah veve hibawlhnak ah sel dun in sualhnak a somciang thil tuhin kumzangza hrang in vel khat ian lar i. 27Minung tu aisu khai vel khat thi kel i; cia hnuaah Pathian in thukhan tuh i. 28Ciatih bangin Khrih khai minung sualhnak somciang tuhin hibawlhnak hrangah vel khat pe dun i. Cen vel hnihhnak lar leh tuhai ciafangin tu sualhnak thu ah i nawn loin amah a iangtute nunohnak pe tuhin i.#Isa 53:12
Currently Selected:
HEBRU 9: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
