I TIMOTE 3
3
Pawlpui Konghoitu
1Aisusu inkhai pawlpui konghoitu cang nuam lekhaw naper pha daihtu i,” tihnak tu thudik i. 2Pawlpui konghoitu cenin sawibang lomi i tuh i. Nupui pakhat lek a naitu, #3:2 Nupui pakhat lek a naitu tihnak tu Nupui vel khat lek a naitu tikhai i thai i. ri thai thil a sup benmi, a uk dun benmi, felfai mitsih mawi ai a nungmi, mikhual a sikthiam mi le mi zirh a thiam mi i tuh i.#Tit 1:6-9 3Zuri hmang i tuh lo ai, thinsup ben lo, midang thawn a tawng dun detu khai i tuh lo i. Ikhalselai mi lungnem le daphnak a daihtu i tuh i. Tangka a daih zemi i tuh lo i. 4A innsang phatak niu in a ho bentu i tuhai a fate tu mi thu a ngaitu le mi upat thiammi i tuh i. 5Amah ai innsang rin phantak in kilkhawl ben hlah lekhaw akontih in Pathian ai pawlpui kilkhawl ben tuh i. 6Sanghnak lamah thinthleng sawngniu i tuh lo i; ciahlah lekhaw hngal pang tuhai Satan khiah hnawlhnak a tuar bangin hnawlhnak tawk pang tuh ve i. 7Pathian sang lo mizapui ai upathnak i tuh i; ciabang ihlah lekhaw mi ai relsiahnak tawk tuhai Satan ai thang songah awk tuh i.
Pawlpui Upa
8Pawlpui upate tu ziaza pha a naimi le pong tam lo thinlung tluangmi ituseh. Zu ding le tangka a daih zemi i maseh. 9Pathian in a phuanghnak thutak heh a hnawm le pha thiathiamhnak thinlung thiangniu in kho ngai ai a pomtu i tuh i. 10Upa a per nuamtute tu cu hmasa tuhai sawibang hlah lekhaw per tuh i. 11A nupuite khai#3:11Amahte nupuite khai tihnak tu Nupang Khrihfa upa ti khai i thai i. ziaza phami i tuhai mi relsia ai pong tammi i tuh lo i. Zu ding lomi i tuhai zaizongza ah mifel i tuh i. 12Pawlpui upa tu nupui pakhat lek a naitu#3:12 nupui pakhat lek a naitu tihnak tu nupui vel khat lek a hoitu tikhai i thai i. i tuhai a innsang le a fate phatak niu in a uk bentu i tuh i. 13Amahte naper felniu in per bentu upate heh upat co ai Khrih Jesuh sanghnak thu khiah ralpha ngai in phuang ngam i.
Thuthup Lianpui
14Na hnenah he laikuat i ngan laiah a rai hlanah ning tawk tuh ing tiin ruat ing. 15Ikhalselai khua i hnua pang lekhaw Pathian ai innsang a pawlpui songah zaibang in um tlang tuh ising, ti khiah he laikuat in ning rel tuh ing. Pathian innsang tu kumzangza in a nungmi Pathian ai pawlpui i ai ciami pawlpui tu thudik hamtohhnak ah kho ngai ai a dingruaitu khuam i. 16Kin biahnak songai thuthup heh a lian ngai i, ti khiah aisu inkhai kin el thil tuh lo i:
Ani tu minung taksa
in suak i,
a dikmi a ihnak thu
Rauhla in larruai i;
Cen vancungmi inkhai
hmu i;
A thula tu miphun cang
hnenah phuang i ai
Laivum khuahacang ah
sang tlang i.
Cen songlawihnak ah
hon dang teu i.
Currently Selected:
I TIMOTE 3: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
