1 THESALON 5
5
A Hlenglehhnak Hrang Paicia Tu Ih
1U le naute, Bawipa hleng tuhhnak ni le can zaikom fang tuh i, tihnak thu ah ning hnenah laikuat kul lo i. 2Zaimantifangin ningmah rori in Bawipa hleng tuhhnak Nia tu zan ai ruko hleng bangin hleng tuh i, ti fiang ngai in ling i si.#Mat 24:43; Luk 12:39; 2Pet 3:10 3Mi in, “Daphnak le himhnak um i,” ti tlang lakah nupang in naukai ur a tuar bangin mangrinlo in hnophnak amahte vumah hleng tuhai aisu khai luat tuh lo i. 4Ikhalselai u le naute, ning tu khuathim songai umtute ilo manin cia Nia in zan ai ruko bangin ning rin lo laiah ning man maseh. 5Ning veksen in tleuhnak songah umtute i si; sun minung i si. Thimhnak songai um mite ilo ising; zan ai minung khai ilo i si. 6Ciamanin midangte bangin mitmu tuh lo ising; mitmu loin fimniu in nung tuh ising. 7Minung tu zan ah mitmu i; zan ah zu ri i. 8Ikhalselai kin tu sun ai minung ising ai fimvar niu in um tuhhnak ising. Ciamanin sanghnak le ithnak heh kangphaw hrangah hmang in kin umlamhnak nunohnak heh thir lukhuk ah hmang tuh ising.#Isa 59:17; Eph 6:13-17 9Pathian in a thinrawhnak tuarruai tuhin kin ril lo i; ikhalselai kin Bawipa Jesuh Khrih songin nunohnak co tuhin kin ril i. 10Kin Bawipa tu a hleng leh fangin kin nung lai inkhai ituseh, kin thi inkhai ituseh, amah thawn nung tlang tuhin kin caah thi i. 11Ciamanin tunai ning bawn hnelhno zo bangin pakhat le pakhat thazang pe dun in bawm dun tu ih
Thucahhnak Le Hnuksathnak
12U le naute, Khristian nisiar ning nunhnak ah ning hotu le ning zirhtute, ning lakah napertute heh upat hmaizahhnak pe tu ih, tiin ning forh ing. 13Ning caah naper tlang manin hmaizahhnak a sang ber le ithnak pe tu ih. Ningmah lakah dap niu le rem dun niu in um tu ih.
14U le naute, thazawngte heh ralringhnak pe tu ih, thinnau mite ralpharuai tu ih, a thanau mite bawm tu ilai mi zongzong vumah thinsau in um tu ih, tiin ning forh ing. 15Aisu inkhai phatlohnak heh phatlohnak in rulthun tuhhnak ilo i; ikhalselai pakhat le pakhat vumah ituseh, mi zongzong vumah ituseh, phathnak bawn tum tu ṭio ih.
16Catloin ang tu ih; 17Sawngen tu ṭio ih. 18Zaibang dinhmun ahkhai anghnak thu rel tu ih. Ciami tu Khrih Jesuh ah Pathian in ning daihsahhnak i.
19Rauhla Thianghlim heh hmit mah ih; 20prophet thurel thiamhnak khiah nautat mah ih. 21Zaizongza heh cu hmasa tu ih; thilpha lekhaw pom tu ilai, 22thil sual hmuahhmuah heh hnawl tu ih.
23Daphnak kin petu Pathian in semkhim liang in ning thianghlimruai tu selai, kin Bawipa Jesuh Khrih a hleng leh fangin ning rauhla, ning thinlung le ning taksa, ning zaizongza in mawhhnak nai lo in ning bawn tu hram seh. 24Ning kotu heh rinsantlak imanin ciami tu bawn tuhhnak i.
25U le naute, kin ca ahkhai saw kin nget tu ve ih. 26Sangtu unaute heh a thianghlimmi thuthnak thawn hnuksat tu ih.
27Kin Bawipa ai thunaihnak in he laikuat heh sangtu hmuahhmuah hnenah siar sah tu ih tiin ning forh ing.
28Kin Bawipa Jesuh Khrih ai ninghiohnak ning hnenah um tu hram selaw.
Currently Selected:
1 THESALON 5: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
