ZEKARIA 5

Kiwonesio kya kaṟandaṟu: Kitapu kekerunduka

1Ngawuya ngawona kitapu kirunduka nginehu. 2Malaika ulya kanjiwesa, “Nkiki uwonyi?” Inyi ngawehaluo njiwonyi kitapu kirunduka nginehu - uleshe wokyo mawoko kenda na wulandari mawoko haana na keenga. 3Kyasia kanjiwia, “Ipfo kiidi kya kitapu kyo kukuṟehiye pfo oseso lochihoya oruka loose. Ora lumu luluṟehiye ke waiwi wose wechiwingio na ifuno orukenyilu, na ora lungi wose wekelya nyamu tsa wongo nawo nyi wechiwutyo wado. 4Mndumii Menyi Matorito nahamba ke nechidika oseso lu ko orio mba na mṟi fo waiwi na walya welya nyamu tsa wongo wechisenda rina lyake kya maai. Oseso lu lochirumatsa mba tsa maho na mashidi.”

Kiwonesio kya mfungade: Mndu mka kikunjenyi

5Malaika ulya alededa na inyi kacha kanjiwia, “Iriya meso hapfo wulalu uambuye kechiwutika. 6Inyi ngawesa nkiki ikyo? Nao kanjiwia ikyo nyi kikunja kiichuwo madeko ha oruka loose.” 7Kikunja ki kiwode sooṟo ya menya njisalaṟe; kikapfunuyo ngawonapfo mndu mka adamyepfo. 8Malaika ulya kanjiwia - “Mndumka-chu nyi akeri imrutsa wukika.” Malaika ulya kamtsindikia kulya kikunjenyi kakipfinyikia. 9Ngairiya meso hako ngawona se waka wawi wainjichea, waweirundutso nyi otanu, wawewode makungo cha ha mamtonyi. Wakawo wakairia kikunja kilya nginehu. 10Kudi ngawesa Malaika ulya alededa na inyi. Nku wakeri iduo kikunja ki? 11Nao kanjihaluo wakiduo orukenyi lo Sinari. Wechiwika pfo hekalu likamemarisa wawikepfo kikunjaki.

Currently Selected:

ZEKARIA 5: KIM2

Highlight

Compare

Copy