MARIKO 15
15
1Kyasia ngamenyi kilawo wakohanyi wanene wakaruwa kyama hando hamu na wasongoru na walosha wa wuwawaso na walya wa menge Sinedrio wose wakapfunga Yesu na shiwoho wakamduo wakamdambikya Pilato. 2Na Pilato kawesa Yesu “Iyo nyi Mangi ya Wayuda?” Nao kamhaluo kahamba, “Na ikyo ohamba.”
3Wakohanyi wanene wakamkumbya Yesu na shifoi. 4Pilato kawesase Yesu, “Ohaluo-ho idedo? Ambuya, chandu waihamba shindo shifoi wakukumba nasho.” 5Kyaindi Yesu nalamhaluo-se ma kindo, Pilato kaṟihio.
Yesu aanduyo kya opfu
(Mat 27:15-26; Luk 23:13-25; Yoh 18:39–19:16)
6Kyasia orio mfiri mnene fo Pasaka Pilato nawekewapfunguya umu o walya wa wapfunge ulya wamemterewa. 7Kyasia kuwekeri-pfo umu elaho nyi Baraba, ampfunge handu hamu na walya waṟiingya wanene wawo, sa wawahie mndu ipfo wuṟinginy wowo. 8Kituṟu kya wandu kikahenda ko Pilato wakawooka imterewa nawawutye chandu ekewawutya lingi. 9Pilato kawawesa “Mokunda, njimpfunguye Mangi ya Wayuda?” 10Kipfa nyi aweichi, na pata ke wakohanyi wanene wamdambikye Yesu koke kipfa kya wunenyi.
11Wakohanyi wanene wakatsutsuma wandu, kundu wakunde Pilato nawapfunguye Baraba. 12Nao Pilato kawawesa-se, “A kindo mokunda, njiwutye ichu momhamba, nyi ai Mangi ya Wayuda, nyi kiki?” 13Wakawuya ifahya, “Umbambye msalabehu!” 14Pilato kawawia, Kitewe nkiki? “A kindo kiwicho alekiwuta nyi kiki?” Wakaengeṟa ifahya, “Mbambye msalabehu!”
15Pilato kyekikunda ichihiṟa kituṟu kilya kya wandu kawapfunguya Baraba. Kawuta Yesu, nakapo na ngowa itso tsinjitochie msha, kamdambika nawambyo msalabehu.
Wasikari waisalucha Yesu
(Mat 27:27-31; Yoh 19:2-3)
16Kyasia waskari wakawuta-ho Yesu wakamduo ipfo osehu, lo Praitorion, wakalaha naho siṟi ya waskari yose. 17Wakamṟika nguwo ya king'aring'ari wakaoka oṟo ya msha wakamhekya mdonyi. 18Wakawoka imiṟikiṟa, “Lokwiṟikiṟa iyo Mangi ya Wayuda!” 19Wakamkapa mdo na iṟeṟe wakamiselya mnyeri wakampfiria ndi wakamolokya ndenyi. 20Nahong'u wamemtaluo, wakambuta nguwo iya ya king'aring'ari wakamṟika nguwo tsake amonyi. Wakamduo, kundu wambambye msalabehu.
Yesu awambio msalapenyi
(Mat 27:32-44; Luk 23:26-43; Yoh 19:17-27)
21 Wai njienyi wechihenda, wakaitikia mndu aida-ho, elaho Simon o Kirene, awuka demenyi. Nyio ndeye o Aleksandria na Rufo, wakamwitikya nakudike msalaba fulya fo Yesu. 22Wakaduo Yesu handu halaho nyi Goligota, ikyo kikahaluo nyi “Handu ha Mbuonyi.” 23Wakamwinenga mvinyo fu mlonge-longe na manemane, nalaambye. 24 Wakambambya msalabehu; wakahawana nguwo tsilya tsake, wechiwika kuṟu kuhya kyatso, chando wechitsiduo. 25Nyi kuwei ngamenyi saa tsiṟaṟu, ili walembambya msalabenyi. 26Na kiṟehyo kya owingo loke nyi kiṟehye-ho ke “Nyi Mangi ya Wayuda.” 27 Naho kuwei-ho weala njia wawi wakawawambya msalabehu handu hamu nao, ulya umu kakaa ora loke lo kulyo na ungi kakaa ora loke lo kumoso. [ 28Kukaawutsyo-ho kilya Maṟehyo Maele hahambie “Aii msanzie kambenyi lyimu na wanyamaṟi.”]
29 Na walya, waida-ho, wakamruma wesingitsasingitsa mdo yawo na ihamba, “Iyo kui mosanja hekalu koliwika lya kawi mfiri iṟaṟu, likawa. 30Kyekukiṟe-ng'u kumonyi, ochisoka ipfo msalabehu!” 31Na wakohanyi wanene na wudo wakawemtaluo hamu na walosha wa wuwawaso wehamba, “Nalekiṟa wengi indi nalaidime ikukiṟa o amonyi. 32Kye wai ai Kristo, ichu Mangi ya Israeli, Nasoke-ng'u o msalabehu wulalu kundu lochiwona na idikya.” Na walya wawawambye msalabehu handu hamu nao wakawemmina.
Yesu apfa msalapenyi
(Mat 27:45-56; Luk 23:44-49; Yoh 19:28-30)
33Wokya saa ya kaṟandaṟu mfiri, kukaho meema kulya orukenyi kose itane foshika saa kenda. 34 Na kiheri kya saa kenda mfiri Yesu kakoṟoṟoma ilaha na ṟu ling'anyi, “Eli, Eli, lama sabakitanyi?” Ikyo kohaluo, Ruwa oko, “Ruwa oko, nyi kili omenjida?” 35Walya maata wahoṟoki-ho wakaicho wakahamba, “Ambuya nyi alaha Elia.” 36 Nahong'u ulya umu-ho kahenda, kedicha, kaichuṟa ipfupfu mṟinga fotarang'a kawika iwalehu kamrutsa nalyo, kechihamba, “Lekyenyi luambuye, kokoya Elia kechicha imsotsa o msalabenyi.” 37Nao Yesu kakoṟoṟoma na ṟu ling'anyi, kanenuka.
38 Nahong'u isulia lilya lyeshingya ipfo hekalunyi likaranduka njora tsiwi, likawokia huye likashika tsindenyi. 39Mnene ulya o waskari awehoṟoki-ho sumhana nao, kekiwona chandu Yesu ailia kechinenuka ado, kahamba, “Na lohi mndu chu nyi awei Mana o Ruwa.”
40 Kuwekeri-pfo na waka waweambuya wakeri kuleshe, na Maria o kulya Magidala; Salome, na Maria, mae o Yakobo ulya mtutu na o Yose hondo wawei. 41Sa wawei itumana na Yesu na impfuṟukanya, kiheri awei kulya Galilaya, na wengi wafoi, sa wadoe na Yerusalemu warianyi nao.
Yesu aṟiko
(Mat 27:57-61; Luk 23:50-56; Yoh 19:38-42)
42Nalyo komshika kyukanyi ili kuwei mfiri foṟeheṟa nyi mfiri fusongoe Sabato. 43Kukacha naho Yosefu o kulya Arimatia, nyi mndu o mmenge ang'anyi. Nao kawewa mndu aweiwedia Wumangi wo Ruwa, kakarya Kahenda ko Pilato alawodo nyi wuowu katerewaho nainengo mbihu fo Yesu. 44Pilato kaṟihyo, amiicho ke Yesu amepfa, Kakulahya mnene ulya o waskari kambesa, koka Yesu awempfa kiheri kileshe. 45Pilato amewio nyi mnene ulya o waskari ke Yesu amepfa, kaenengya Yosefu momu naireho mnying'a fulya. 46Nao Yosefu ahuṟye nguwo tsa owiṟo, kasotsia wanda mbihu fulya kamoṟowya nguwonyi tsilya tsa owiṟo Kambika opangenyi loṟika mpfu, lulya lu utorongoche kulya ihonyi, kapiṟinyitsiaho iho oo momu fo opanga lulya. 47Nao Maria o Magidala na Maria (mae) o Yose waleambuya handu alaṟo.
Iṟuka lya Yesu
(Mat 28:1-8; Luk 24:1-12; Yoh 20:1-10)
Currently Selected:
MARIKO 15: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
