YONA 3
3
Yona aosha ndumi ya Ruwa
1Idedo lya Mndumii likachea Yona lya kawi, lyehamba, 2“Kure, nohende Niniwe, mṟi fulya fung'anyi, uonguopfo mbonyi njechikuwawasia.” 3Kyasia Yona kakure kahenda Niniwe, chando Mndumii alehamba. Mṟi fo Niniwe fuweng'anyi mnu, fung'anyi hando ochichumia mfiri iṟaṟu. 4 Yona kawoka iida na kulya mṟinyi mfiri fumu mfi, kakoṟoṟoma kechihamba, “Kukamsia mfiri makumi haana Niniwe fochirumatso.” 5Nahong'u wandu wa Niniwe wakaidikia Ruwa, wakakapa ombe, ke orio mndu nakuotoe, naṟae nguo tsa makunyia tsii masaṟa wokia ang'anyi itane mtutu. 6Mbonyi tsikashikia Mangi ya Niniwe, nao kawuka loṟikehu loke lo wuitoṟi, kaatuo ṟao lyake, kaṟaa masaṟa, na makunyia, kadamya ifunyi. 7Nao kakapa ombe, kawawasa wandu wa mṟi fose fo Niniwe, kui iwawaso lya Mangi na wachili wake ke wandu wose, na orio mndu, shuma shose, mbe, mburu, machondi, nzoi walalye kando ma inyo mṟinga; 8indi washikio na masaṟa ha makunyia, mndu na shuuma shose wafuhie Ruwa na pfinya tsose, ee da na ihaluka, orio mndu nade mkao foke mmbicho, na mkao iterefutsie yose. 9Nacho aichi ke Ruwa echiluhooṟia madeko hadu nawelusaṟia alechilurumatsa kui nyashi yake? 10Ruwa kawona mawuto hawo, ke wandu wadumbuya lohi wakada mkao yawo njiwicho. Nahong'u Ruwa kada kilya kiwicho alehamba awekundi ikiwuta, kailacha mahiyo hake.
Currently Selected:
YONA 3: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
