HABAKUKI 3
3
Kiterewo kya Habakuki
1Kiterewo kya muikimbi Habakuki.
2“Hoi Mndumii, ndeicho mbonyi tsapfo, na inyi ngaowuo;
Hoi Mndumii, ṟutsa iṟunda lyapfo kiidi kya maka;
Kiidi kya maka, onguo mbonyi tsake
Kiidi kya nyashi kumbuo isaṟia.
3Ruwa kacha awuka Temani,
Icho ai mwele awuka fumvunyi lya Parani.
Wuitoṟi woke wukashikia ruwehu,
na oruka lukaichuo kiṟumi kyake.
4Ngeela yake iwei cha sa;
Nawewode mfi ya sa owarihu koke;
Nyiho kuweikuṟike pfinya yake.
5Kusonguo nyi mbe ndaṟe
Na ngataṟa tsikamuosha.
6Kahoṟoka, kadihinyitsa wuyana;
Kaambuya, kaowesha wandu wa mkambo,
Na mafumvu ha kacha hakarahanyika;
Shitoṟomoso sha kacha shikahongoma;
mhendie yake ikawa cha ya mboho.
7Ndewona mahema ha Kushani wukiwenyi;
Shitambaa shemasa sha oruka lo Midiani shikadedema.
8Ngesa Mndumii nalesukiṟo nyi meda?
Ngesa nyashi yapfo iwei huya meda,
Ang'u ipalyipalyinyi, mṟasa kodo na frasi tsapfo,
na magari hapfo ha shida kowona wuwinzi?
9Madedo hapfo hakamanyika na pata
Nyamu waleinengo wandu wa oshari lu
tsikawa madedo mawanzi;
Kohawa oruka na meda.
10Mafumvu halekuwona, hakaowuo;
mfu ikasoka;
Njoṟoo tsa mapalyi palyi tsikaṟuṟuma,
Tsikairia masinano huye.
11Mnengeṟi na meri shikakaa handu hasho,
Shechiwona sa ya mfi yapfo yedicha mnu.
Na ngeela ya pfumu lyapfo lyeaka-aka,
12Nyi kulehenda kiidi kya oruka kui nyashi,
Kotuura wandu wa mkambo na nyashi.
13Kowono kipfa kya okiṟo lo wandu wapfo,
Kipfa kya okiṟo lo mesia opfo ulemshimbuo;
Kopaṟa mdo fo mba ya wetahacha,
Karumatsa nakamu walya waweimosha.
14Kokapa mdo ya waapfinya kui maṟiinga hawo wawenyi;
wakacha cha otanu sa lwapfinya
kundu wanjirahanyitse;
Kokoya wechechihiyo imeṟa wangoeda kui kiṟika.
15Kochuma ipalyipalyi na frasi tsapfo,
Kinungu kya mṟinga fuwode pfinya,
16Ngaicho na ndeu yako ikadedema,
Momu yako ikadedema kya ṟu lilya;
Ndaṟe ikaida mafuonyi,
Ngadedema mtara;
Kundu njiwedie mkonu fulya fo kiwi,
Ili siṟi ya wandu wa mbahanyi wechicha
Ikapana.
17Kipfa mkuyu fochiwaṟa shiwaṟo-pfo,
Manya ndunda tsa msabibu tsechiwono-pfo;
Wukiwa wo msinepfu wowa wo wulya,
Kochiwono-se kilimu demenyi-pfo,
Kuwode kindo mfiṟihenyi-pfo,
Kuwode mbe tsewono mfiṟihenyi-pfo,
18Indi njechichihiyo kipfa kya Mndumii,
Njechiṟumisha Ruwa o okiṟo loko
19 Mndumii-Ruwa, ai Mndumii, nyi pfinya tsako.
O nyi akarishie madende hako cha ha sumbuda,
Nyi echinjiduo tete handu hake ha huye.”
Currently Selected:
HABAKUKI 3: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
