WAEFESO 6
6
1 Nyo wana, indienyi wafee wanu kyamba ikyo kisumhanyi. 2 “Indya ndeo na mayo, lyongu iwawaso lisonguo lii iteṟye ona kyanya. 3Ke kundu ochiwona ona na moo mleshe iya orukenyi.” 4 Nanyo mui wande mulapfulutsye wana wanu nyashi, indi muwaholotse kui wutoṟishi na wuikimbi wo Mndumii Kristo. 5 Nyo masinga, mwidikye wanene wanu wa iya orukenyi kui wuowu na madima cha ili nyi Mndumii Kristo muimhidyaho, muwode ngoo tsikusinjukuṟye. 6Mulakae na wuindi woringa meso ha mndu cha ili mokunda ichihiana na wandu, indi cha masinga ha Kristo mochiwuta kui mrima kilya Ruwa akundi. 7Muwe na wukesi cha ili mulaisingya wandu indi mndumii amonyi. 8Kumbwonyiwo ke orio mndu ose kindo aleuta kiwei kicha, manya awei isinga manya msuṟi, echikitao nyi Mndumii. 9 Nanyo mui wanene na wudo mwe mochikaya mudumbue kya ipoma lilya, ili muichi ke Mndumii owo na onu nyi kulya ruwehu ai. Na kulya koke kwipfo iindya mndu oshangunyipfo.
Shida ya kimrima
10Kya shingi shose mukuwanzye Mndumii-hu na wunene-hu wo pfinya tsake. 11Raenyi shisha sha Ruwa, kundu muidime ilema mtambo njiwicho yetengeta ya mkumbi ulya. 12Kipfa ngapano iya ikeri yadu ilai yekapana na wawode samu na nyama, indi nyi yekapana na waapfinya na weduo shida na waitoṟi weitoṟya wuyana wo meema ifu na mumuyo ya wumbafu ikeri shi ya ruwehu. 13Nkyo kimaduma muṟae shisha sha Ruwa shose, kundu muidime ikuhoda mkonu fulya fo kiwi, mukamaa iinutsya shose mukie-ho mochihoṟoka. 14 Hoṟokenyi wulalu mukupfungie kiilohi kitsinyi na kilya kii lohi, muṟee wusumhantso kiringa kipeta. 15 Mukae mui wawikye shadu sha kiteteṟyo kya mwongoye fo Ndumi ya Sia ya okiio fuende ofoṟo. 16Ngoseṟa ya ishi shose muwade ngao ya wuidiki ii na pfinya yerumisha mfi ya ichu Mbicho yose, iya irie modo fokoṟa mba. 17 Muwade na kiringa mdo kikeri okiio, muwewada oshu lo Mumuyo Mwele, nyilyo idedo lya Ruwa. 18Terewenyi orio kiheri mutaramo nyi Ruwa na shifuhyo sha orio mbaṟi yose, mochiterewa kiheri kyose muwodo nyi Mumuyo, Laenyi chowe mochiterewya wandu wa Ruwa wose kui matumatu na yomba. 19Muweterewia na inyi, kundu njenengo idedo njechipfungwo dumbu lyako lya yongoya kui wukahari kyama kilya kikoome kya Ndumi ya Sia ya okiio. 20Nyiyo ngameihalukya msu njii mpfunge na mshe, kundu njikaharie nayo njechideda chando kinjiwari.
Shiiṟikiṟo sha ifurumia
21 Indi kundu nanyo mumanye chando njii, na kindo njiiwuta, ishi shose Tikiko echimmanyishya. Nyio manowama mkunde, mṟundi msalari o Mndumii shindonyi sha Kristo. 22Na kimaduma ngamduma konu nyi kundu mumanye oloho lo kodu lose nawekarisha ngoo tsanu. 23Ofoṟo lukae na wana wa wama na ikunda na wuidiki shiwukye ko Ruwa Wande na ko Mndumii Yesu Kristo. 24Wutonga wukae na wose wakundi Mndumii odu Yesu Kristo kui kikunda kilailachika.
Currently Selected:
WAEFESO 6: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
