WAEFESO 3
3
Iṟunda lya Paulo ko wandu wa mkambo ingi
1Nkyo kitewe inyi Paulo njii mpfungo o Kristo Yesu kipfa kyanu mui wa mkambo ingi njiterewa Ruwa. 2Mukamemwicho mbo wuiṟichi wo wutonga wo Ruwa njilewawasyo kyanu. 3Ngammanyisho kyama kikoome kui kilya mawonesyo chando njilewooka ihamba (Ngaṟehia ko kifui. 4 Mukaisoma moiduma imanya wutichia woko wo kyamenyi kya Kristo.) 5Kilya kilawemanyishyo wandu marika halya ha kacha indi wulalu Ruwa kamanyishia wasu wake waele na waikimbi kui Mumuyo. 6Kyehamba ke wa mkambo ingi waengeṟyo kyoṟenyi na mbihu-hu kimu na Wayuda osengenyi lo kiteṟyo kilya kikuwode na Kristo Yesu kui Ndumi ya Sia ya okiio. 7Kyayo nyio inyi ngamtano mṟundi kui isaṟia mopfuṟukanya kui kisumbo kilya kya wutonga wo Ruwa njimwinenge kui wuitiki wo pfinya yake. 8Inyi njii mtutu o wandu wose wa Ruwa. Indi njimwinenge wutonga wu woongoya wa mkambo ingi Ndumi ya Sia ya wusuṟi wo Kristo iwu wulawa itumo, 9njiwatambaṟuye wandu wose wuiṟichi wo kyama kilya kya ko Ruwa mbiki o shindo shose iki kiwei kikoomye maheri halya ha kacha mṟamna. 10Kundu wuṟango wo Ruwa iwu wufoi mbaṟi wumanyishio wasongoru na waapfinya wa ipfo ruwehu, nyi yo siṟi. 11Kisumhanye chila ya mṟamna Ruwa aleiwika iwei ya ko Kristo Yesu Mndumii odu. 12Na ipfo koke lukuwode lui na wutumbe wokushitsa-ho lochikusira kui wuhendeli wu woke. 13Ikyo nyikyo ngaterewa mulahende iwichuyo kipfa kya shiwira shako ngalisyo kipfa kyanu, nasho shikeri imwendye kiṟumi.
Mkundie fo Kristo
14Nkyo kimaduma mkundie fo Kristo ngapfira ndi tsako oshangunyi lo Wande. 15Ichu adumbuye orio mbaṟi ya wandu rina ma ikeri ruwehu ma ikeri orukenyi. 16Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke. 17Kundu Kristo nakape kanyi koke ipfo ngoonyi tsanu kawe kui wuidiki mochikaa mokapya mri ipfo kiwanjenyi kilya kii kikunda. 18Kundu mukuidimye necha hamu na wandu wose wa Ruwa imanya wulandari wokyo na wuleshe na wo-huye na wo-shi. 19Na imanya ke kikunda kya Kristo king'anye mtichie ya wuṟango yose kundu muwelutso itane mochikaa na welu ya Ruwa yose. 20Ichu aidima iwuta kya woeṟa shing'anye shilya luiterewa ang'u ikusaṟa shose kui pfinya iya iludung'anye so. 21O Ruwa ai na kiṟumi ipfo siṟinyi na ipfo Kristo-hu Yesu kishike ikooya marika na maheri hose. Nkyo kya lohi kyandio.
Currently Selected:
WAEFESO 3: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
