AMOSI 8

Kiwonesio kya kaana: Kikunja kya ndunda

1Ishi nsho alenjiloṟa Mndumii-Ruwa; ambuya kikunja kya ndunda tsa kuari. 2Kanjiwia, “Amosi, nkiki uwonyi?” Ngahamba, “Njiwonyi kikunja kya ndunda tsa kuari.” Nahong'u Mndumii kanjiwia, Mtsitsionyi fo wandu wa Israeli foshika; njechiwasaṟia-se manyalepfo. 3Shiimbo shawo sha Hekalunyi lyako shechiwa kilio maheri halya, Mndumii-Ruwa ahamba, mnying'a yechifo, wechiikumba orio handu, watsie sau.

4Adanyienyi, iki, nyo mukundi imeṟa walya wahuṟi na iowesha wakiwa wa orukenyi, 5moihamba, Nyi indii meri mhya fowoneka, kundu lukumbe mso? Na sabato kundu lusanye ngano? Mochifafaṟa efa na iengeṟa shekeli

Mochilemba wandu na wueri wulashikie 6Kundu luidime ihuṟa wakiwa kui fesa, na wahuṟi kui mṟae fo shaadu; luwekumba mbosha ya ngano. 7Mndumii nyalya nyamu kui kiṟumi kya Yakobo, Nyi kya lohi njechihadima iṟunda lyawo ma limupfo. 8Kipfa kya ikyo, ngesa oruka lochidedema, na waipfo wechikapa kilio? Ee lochikupaya cha Meda; lochilya wukiwa na ieka cha Meda fo Misiri.

9Na Mkonufo Mndumii-Ruwa nahamba njechihaluo mnengeṟi fuolokie mfiri makidi hawi, na njechikumbia meema kiheri kya ngeela ya mfiri. 10Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio. 11“Ambuya mkonu ikeri icha Mndumii-Ruwa ahamba, njechiende njaa orukenyi, chi njaa yetuṟa kandopfo, na nyoda yetuṟa mṟingapfo, indi nyi yetuṟa iicho madedo ha Mndumii. 12Nawo wechiṟahaṟaha wuka ipalyipalyi itane ipalyipalyi; na wuka ora lo mtsudu na lo ngamenyi; wechiwika mteeṟa ipfo na ipfo, wechishiha idedo lya Mndumii walechiliwona. 13Maheri ho wana wa waka wecha na wanake wechiuma na iomboka kipfa kya nyoda. 14Na iwo wekelya nyamu kui wunyamaṟi wo Samaria, na ihamba So Ruwa opfo ai na moo iyo Dani na so njia yapfo iyo Beer-sheba, nawo wechioloka, walechiidima se ikure.”

Currently Selected:

AMOSI 8: KIM2

Highlight

Compare

Copy