AMOSI 4

1Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo. 2Mndumii-Ruwa nalya nyamu ya Wuele woke ke, ambuyenyi kochicha mkonu muwuto na kimenya kileme cha kedeha makunga kiidi kya oruka, walya watsuhaa wamaso na menya yedeha ikunga. 3Nanyo mukure kundu kukuwunduo, nalyo orio mndumka limu ko limu naide kedicha; nanyo mukukumbe Harmonyi, Mndumii ahamba.

Israeli yamekusayepfo

4Njonyi Beteli, muwute wunyamaṟi njonyi Gilgali, muengeṟe? Einyamaṟa endenyi shidaso shanu orio ngamenyi, na mwano yanu orio mfiri fo kaṟaṟu, 5wutenyi shaano shanu, ya kilya kikiwikye mtarang'ao; muonguo mwano mulewuta kui ikunda lyanu na ihamba kyatso; kipfa ikyo kimuchihiṟye nyo, lanye wana wa Israeli, Mndumii-Ruwa ahamba. 6Na inyi njilemuinenga wuili wo maheho kiidi kya mṟi yanu yose, na iwu? A mkate handu hose; ma kudo mulenjiwuuyapfo Mndumii ahamba. 7Kingise ngaweima mvuo ilakape, kutsihee meeri iṟaṟu mulamesambuo; mvuo ikakapa mṟi fumu, ngaweima mvuo ilakape mṟinyi ingi; ora lumu lukawona mvuo na ora lungi lukawuṟa lukauma. 8Nahong'u kuwuka mṟi iwi iṟaṟu waleṟahaṟa ihenda mṟi fungi wanyo mṟinga, walawone fuwashikie; ma kudo mulawuye na koko, Mndumii ahamba. 9Na inyi ngawemukapa na wuumu wo kwaari; madema hanu ha msabibu na mkuyu njicha na mashidi ha msinepfu shose shikalio makuṟu na nzihe, mulakunde ihaluka munjiwuuye, Mndumii ahamba. 10Ngamudikya ndaṟe njiwicho ya nda tsa makokoi yelaho “Taunyi” cha taunyi ya Misiri; wanake wanu ngawawaaha na oshu, na frasi tsanu ngatsiduo haleshe; ngadika mdao fo mnying'a njiporu muipfaamye na mbuo tsanu; mulakunde ihaluka munjiwuuye, Mndumii ahamba. 11 Maata wanu ngawaarisya wanda, cha kiheri kilya Ruwa alekombetsa Sodoma na Gomora, nyo mukawa cha menya ilewuto modonyi, mulakunde ihaluka munjiwuuye, Mndumii ahamba. 12Wulalu, nyi udi njechikuwutya, Iyo Israeli; kipfa njechiwuta njido-le, kuṟeheṟe iwonana na Ruwa opfo, Iyo Israeli. 13Kipfa, ambuya, icho awikye mafumvu na iumba otanu, na iinenga mndu o wandu makusaṟo hake, awikie mfiri na kio, kawechuma wuyanawu handu hakuiriye; Mndumii, Ruwa menyi matorito nlyo rina lyake.

Currently Selected:

AMOSI 4: KIM2

Highlight

Compare

Copy