MAWUTO HA WASU 19
19
1Kikashika Apolo akeri kulya Korinto Paulo kekikuidya njorukenyi tsilya tsa huye kashika Efeso kakumbuhanana-pfo na wa kiloshyonyi maata. 2Kawawesa, “Muleambya Mumuyo Mwele lya mandi mulehaluka?” Wakamhalwo, “Ote, ma iicho ke nyi kuipfo Mumuyo Mwele lulemeichopfo.” 3Nao kahamba, “Aka nyi mui wapatise kui wupatiso wuki?” Wakahamba, “Nyi kui wupatiso wo Yohane.” 4 Paulo kahamba, “Yohane aweipatsa kui wupatiso wo idumbuya kechiwia wandu waidikye ulya akeri icha numa yake nyio Yesu.” 5Wekiicho isho wakapatisyo rina lya Mndumii Yesu. 6Nalyo ili indi Paulo alewahekya awoko Mumuyo Mwele kawachea wakawoka ideda na njolimi njihya na ihamba shisuku. 7Na mfoye fowo waweshikye wasoṟo ikumi na wawi. 8Kahenda sinagogenyi kadeda-pfo na wukahari echiongoyana na wandu handu ha meri iṟaṟu na iwakuruo waidikye kya shilya sha wumanginyi wo Ruwa. 9Kya indi ili wandu maata walekuumiṟya mrima wechileha iidikya na isutsa njia ii oshangunyi lo kisanzyo kya wandu kalekana nawo kasanza wa kiloshyonyi kyanya kawa moonguo ipfo kisomyonyi kya mndu ewio rina nyi Tirano mkonu yose. 10Kikahendeka kido kulya Asia wakaicho idedo lya Mndumii kui Wayuda na kui Wagriki.
Wana wa Sikewa wahesha ifuna waṟufu wawicho
11Nahonu Ruwa kawuta ngata tsing'anyi tsa pfinya kui mawoko ha Paulo tsilaweichyo kacha. 12Kukatana wandu waluo waendyo shidami na nguo tsikuwashye na mbihu foke na ndaṟe tsawo tsikawawuka na waṟufu wawicho wakasama. 13Kuweiho na Wayuda maata wahanga watangitangi wawekeiṟaṟia waṟufu wawicho, nawo wakahesha isendya rina lya Mndumii Yesu walya wewaosose nyi waṟufu wawicho wehamba, “Ngamwitika kui Yesu cho akeri yongoyo nyi Paulo.” 14Na iwo walewuta isho nyi wei wana mfungade wa Sikewa mndu Myuda mkohanyi ang'anyi. 15Mṟufu ulya mbicho kawahaluo, “Yesu njimwichi na Paulo ngammanya, kya indi nyo nyi waki?” 16Na mndu ulya awemosose nyi mṟufu mbicho kawarundukya kawakapa wa wawi kawaapfinya adi wakatana wawuka kulya mba wedicha wai kitaṟe wai wafaṟefaṟe. 17Mbonyi ii ikadung'anya Wayuda wose na Wagriki wei kulya Efeso wakahoyo mnu nyi fowa wose, rina lya Mndumii Yesu likahenda ing'anyisho mnu. 18Na waidiki wafoi wakacha wakatocha njonyamaṟo na ihamba shindo shilya wawekewuta. 19Na wafoi wa walya waweikupayapaya na shindo sha uhanga luwicho wakasanya shitapu shilya shawo wakashikoṟa na modo oshangunyi lo wandu wose. Wakasanza mtalie fo wuhuru makumi hatanu. 20Nyi wudo idedo likang'ana na ikuwangya-ho kui pfinya ya Mndumii.
Kipfulupfulu kulya Efeso
21Isho shekimarisika Paulo kakuteṟya mrimenyi foke isenguda Makedonyia na Akaya nashike ihenda Yerusalemu kahamba, “Ngamekaa ipfo nyi kinjiwaṟi ishika iwona na Roma.” 22Kyasia kaduma wawi wa walya wechimpfuṟukanya ke wasonguo ihenda Makedonyia nawo nyi woko Timoteo na Erasto, o amonyi kakaa-se kulya Asia kyoweṟe. 23Nahong'u matika nalyo kukaamka kipfupfulu sa kinene kimaduma kya mbonyi tsa njia ii. 24Kyamba kuwepfo mndu rina lyake ewio nyi Demetrio nyi mpfuru mtsanyi o fesa echitsana njofano tsa hekalu lya Artemisi kawa mowonya waarya walya mbucha sa ifoi. 25Nao nyio kawasanya handu hamu wose sanza-pfo na wengi wawode kirundyo kimu nao kahamba, “Lanye-wo womi muichi ke wumasi wodu nyi luwutie ipfo kiṟundyonyi iki. 26Nanyo muwonying'u na iicho muicho ke chi kunu Efeso tupu kya indi na Asia yose pyu Paulo cho ameidikisha wandu weengi na iwahaluo mhio yawo kechihamba ke maruwa chiho haa matsane na mawokopfo. 27Ma chi kiṟundyo kyadu kirieng'u ihenda imeneka tupupfo, kya indi na hekalu li lya ruwa mka ang'anyi adi lyo liyenyi likering'u ihenda lilakisaṟo ke nyi kindopfo, ma mng'ano foke fumenyi, ifu fuiwikyo wuindi nyi wa Asia yose na wa wuyana wu nyi fokiṟa ihenda ifurunjika.” 28Kyasia wekiicho wado wakadosa nyashi ya nduika wakafihiṟa wakahamba, “Artemisi o Efeso nawo ang'anyi!” 29Kyasia mṟi fulya fukadung'ana kipfulupfulu fose wakakambia wakawingia na hando halya hesanzya-ho mkambo wechikamada napfo na Gayo na Aristariko wai wandu wa Makedonyia wecheye-pfo kimu na Paulo. 30Nao Paulo kechihamba na-hende na ipfo kiidi kya msanzye fulya, wa kiloshyonyi walamlekie. 31Na wanene wa wuchili wo Asia maata-ho wei mbuya sa njicha tsake nawo wakamdikya wuikimbi wechimtutuma ke nalakuloṟe ipfo kisanzyonyi. 32Naho wengi wawefuha wadi na wengi nyi wudi, kyamba kisanzyo ki kilawewode mochilia na wo wafoi-ho walamanye ma tewe yekusanzya-ho. 33Kyasia ipfo mamwinginyi wakawada Aleksandria Wayuda walembika mdonyi na Aleksandria kawakemia na owoko arie ikanya kisanzyo kyo Wayuda. 34Kya indi wekimmanya ke nyi ai Myuda wakasambahada wose na ṟu ling'anyi limu cha hando ha saa tsiwi wechifihiṟa na ihamba, “Artemisi o Efeso nawo ang'anyi.” 35Nahong'u mṟehi o mṟinyi kekimaa iwaoloṟa kahenda ideda nawo kehamba, “Lanye wasoṟo wa Efeso, nyi mndu mki alaichi ke mṟi fu fo Efeso nyifo mringi o hekalu lya Artemisi menyi mng'ano fui na mringi moringa mfano fulya fuoloke ruwehu? 36Kyasiang'u kya mbang'u shindo sho shileiwa ikano nyi kimuwaṟi mukutsie, mulawone mochiwuta kindo kya wudimidimi. 37Kyamba momende wandu wa walaiwie shindo sha hekalu ma iruma ruwa lyanu ika. 38Kyasiang'u kokoya Demetrio na waarya wengi wawode kyeanduya mndu, menge nteṟye na tsiipfo na wachili na waipfo wakumbane-ho. 39Kya indi kokoya muwode kyeidya ikyo nyi kyechisunguzio nyi kisanzyo kii-kilahe necha. 40Kyamba nyi lokiṟa yendyo mondu so fo itahachya ofoṟo lo sanga kitewe nyi shindo shi sha inu. Kulaipfo ma kimaduma luwechiidima ikuwuta-ho na mweke fokyo ipfo mondunyi fo kisanzyo ki.” 41Kekiidima ihamba ado kafunja kisanzyo kilya.
Paulo ahenda Makedonyia na Ugriki
Currently Selected:
MAWUTO HA WASU 19: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
