2 WAKORINTO 6
6
1Indi ili lukeri wa kyando-ki nyi lomututuma, ma mulawone mochiambya wutonga wo Ruwa kya wulya. 2 Kyamba ahambye, Nyi kiheri kichihianyi ngamekuadanya, nyi mkonu fo okiio ngawekuekanya; ambuya wulalu kiheri kichihianyi na kamu kiipfo, ambuya wulalu mkonu fo okiio fuipfo.
3Kyamba kii kido lulaenenge mndu tewe lyepfuluko kundu wupfuṟukanyi-wu wulawone wochiisalucho. 4Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu. 5 Kiwe luikapo, kiwe luipfungo, kiwe lui maponganonyi, kiwe lui shifotsyonyi, kiwe lulaa dembo kiwe lukuotoya. 6Luiho lukeri na wusalari na wutiichi na wuleeli na wuwongoya luwodo nyi Mumuyo Mwele na mkundie fulakulembetseṟye. 7Lukaukerye na dedo lya wulohi, lutsindye-ho kui pfinya ya Ruwa. Lochikuringa na shisha sha wuhoṟotsu shii sha ora lo pfumu na lo ngao. 8Lokuidya hando lowikyo kiṟumi na hando lohenda isutso, kundo luiselio mnyeri na kudu lohenda iichiko, lotano walembi na luende kilya kii lohi. 9Luiho cha ili lulaichyo na lumanyikye na kamu, cha ili lui wepfa ate lui na moo, cha wehoṟuo indi walechiwoho. 10Lui cha ili lui-walise wukiwa indi luwode nyi sia mkonu yose, lui-ho cha wakiwa indi lichisuṟisha weengi, lui cha walawode ma kindo na lui wenyishose.
11Lanye Wakorinto, dumbu lyadu limpfungukye mnu, ngoo yadu ii njichunguṟuo. 12Mui-wapeṟehetsye-ho handopfo, indi ipfo ngonyi tsanu mpfondo kupeṟehekye. 13Ngadeda nanyo mui wana wako ke mutae kimu na kimu mochichunguruo nanyo ngoo tsanu.
Wuikimbi kya shindo sha walaichi Ruwa
14Mulawone mochisangana kyandonyi kimu na walaidikye, kyamba wusumhanyi na wukika nyi hanga shidikyana? Ang'u nyi ki kyechilunga sa na meema? 15Na mlingana mki fo Kristo na Beliali? Ang'u msa aidikye ai na ohawi luki na msa alaidikye? 16 Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko. 17 Nkyo kimwitike muwuke ipfo kiidi kyawo mulekane nawo, lyo nyilyo Mndumii ahambye. Na kindo kifanyi ngafu ma mulakuwashe nakyo; na inyi njechimuambya koko. 18 E-wo njechimbiia Wande nanyo mochinjiwiia wana wako wa nguo ii na ii. Lyo nyilyo Mndumii ahambe ai menyi-pfinya tsose.
Currently Selected:
2 WAKORINTO 6: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
