2 WAKORINTO 4
4
1Nkyo kyainenga ili lui na wupfuṟukanyi wu kui isaṟia lilya nyi lokewuya numapfo. 2Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa. 3Indi kokoya na ndumi iya yadu ya sia ya okiio kokoya i-njishikye, na ipfo ko iwo wehenda deka. 4Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa. 5Kyamba lulakeri ikuhamba so luwenyi, kya indi nyi luihamba Kristo Yesu mndumii, naso luwenyi lui masinga hemsingya nyo kimaduma kya Yesu. 6 Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.
7Indi lurie kisa ki shihienyi shii-shiwumbe na wumba kundu pfinya ii iingiki idi imanyike ke nyi ikeri ya Ruwa, ilahambo ke nyi kodu so iwukie. 8Njora tsose nyi lui wafiṟite kya indi luifihiṟa; lipfio n mdo kya indi lulawuta-ho mdo. 9Loterengyo kya indi luladeo luwenyi; lukumbo wanda kya indi luladumbuka. 10Handu hose lurie opfu lo Yesu mbihu-hu fodu kundu moo fo Yesu nafo fuhende iwono mbihu-hu fodu. 11Kyamba so moo fu lurie lodambiko nafo opfunyi mkonu yose kyepfia Yesu kundu moo fo Yesu nafo fuhende iwono mbihu-hu fodu fui mopfa. 12Nkyo kyanenga kilya kikuwodye naso kyeṟunda-ho nyi opfu, indi kikuwodye nanyo kyeṟunda-ho nyi mo. 13 Indi ili luwode mumuyo na fulya fo wuidiki wulya wu-wuṟehye wuwehambye; njiidikye nakyo kimaduma ngadeda, naso nyi luidikye ludi likaenenga luideda. 14Nyi luichi ke o ichu aṟutsye Mndumii Yesu echiluṟutsa naso lui kimu na Yesu na iluhoṟotsa-ho handu hamu nanyo. 15Kyamba ishi shose nyi shitanyika kipfa kyanu, kundu wutonga wu wufeṟikye wafoi wadi wuwe wofeṟa mwaano fohamba mng'ano fo Ruwa.
16Nkyo kyaenenga lulahenda ilemo, kya indi kokoya na mbika yadu iwono yahenda inyamaṟika, indi iya ilawono yo yahenda ilawuka mkonu na mkonu. 17Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia. 18Natso nyiso lularinga shilya shiwona indi shilya shilawono. Kyamba shilya shiwono sho shiipfo sha kiwulalu kya indi shiilya shilawono sho nyi sha mulungana.
Currently Selected:
2 WAKORINTO 4: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
