2 WAKORINTO 11
11
1Nanga munjidee ili njideda kitutu sha utambashi, e-wo munjidee. 2Kyamba njiimlalakya nyo na wulalaki wo Ruwa, kyamba njiweimukosya mii umu njiendie Kristo sambuṟa njikeha. 3 Indi ngaowuo ke chando njoka iya ilelemba Ewa kui ngeṟo yayo nyi wudo mhie yanu ishike ifuṟunjo yechida wusunjukukye na wukeha wohalukya Kristo. 4Kyamba kokoya ichu mocha kechionguo Yesu ungi sa lulamwongoye so ang'u mukaambya Mumuyo ungi mulawemambye ang'u ndumi ya sia mulaweiambye nyi molekya necha kihendeke kido.
5Kyamba ngakumbwo ke njilawekaa numa ya mawaso halya. 6Manya koya njiwei mleheshi kui ideda kya indi njii mlehetsi kui itichia, njiwemanyishie nyo ikyo kiheri kyose kui shindo shose.
7Ang'u nyi ndenyamaṟa inyi ili ndekunyiṟa kundu nyo muhende iiro, cha kipfa njilemwongoya ndumi ya Ruwa iende sia njilawewesa wuonguo ngesa? 8Siṟi tsingi njiletsisoka njeambyaho kitarama kyempfuṟukanya nyo. 9 Na mandi mbekeri konu njiwewuṟye njilawelemeṟa mndu. Kyamba iwuṟa lyako wanawawama walya wachee Makedonyia waleliichuṟa wakamaa. Kya shindo shose nyi njilekuṟisa njilamlemeṟe ma kitutu na njechikuṟisase. 10Kiwulohi kya Kristo kikukerye na inyi kyo kyainenga kiṟumi ki kyako kilechishika ipfumbo ipfo shihongonyi sha Akaya. 11Kimarete nyi ki? Nyi kipfa ndamukundi ko? Ruwa aichi.
12Indi iki njiwuta na njechikaa njikiwute kundu njifurunjie walya mwaanya waifupfula waitse nafo mweeke fokung'anyisha naso ipfo kundu wakushela wawenyi. 13Kyamba wandu chawo wakeri wasu wa wongo, waṟundi walembeshi, wekuhaluo mfano fo wasu wa Kristo wawenyi. 14Nakyo chi ṟihopfo. Kyamba Satan amonyi nyi nekekuhaluo mfano fo malaika o sa. 15Nkyo kimaduma kulawode handu heṟihisha ipfo kundo na waṟundi wake wakuhaluo mfano fo wapfuṟukanyi wa wuhoṟotsu; mtsitsionyi fowo nyi fochiidikyana na ngata tsawo.
Matuuro ha Paulo cha msu
16Ngawuya ihamba ke ma mndu nalakusaṟe ke inyi nyi mtambashi; kya indi ma mukanjihia mudi kyasia munjiambye cha ili njiwei mtambashi na inyi njiwute-ho ikuṟumisha kitutu. 17Kindo sa njideda wulalu njikideda kii kya mndumiipfo, kya indi kii cha ili njii na utambashi ili njikuwode na tewe lyekuṟumisha. 18Ili kwipfo wafoi wakuṟumisha mbaṟi ya kiwandu na inyi njechikuṟumisha. 19Kyamba nyi mokunda ichihiana na watambashi mui waṟango. 20Kyamba nyi molekya kokoya mndu amutana singa, kokoya mndu amumeṟa, kokoya mndu ahenda imṟeha, kokoya mndu amkushelya, kokoya mndu amukapa kyamu. 21Iki ngadeda kirie wusutsu cha ili luwei wafafa.
Kya indi komkoya kwipfo ai na tumbe ya kindo kiwe na kiwe, ngadeda iki kya utambashi, na inyi ngawika nakyo tumbe. 22Wo wakeri Waebri? Na inyi nawo. Wo wai Waisraeli? Na inyi nawo. 23 Wo nyi wapfuṟukanyi wa Kristo? Hondo ngadeda njisuko, ke na inyi kawi; njiwewodo nyi shiwira sheida shingi, njiwepfungo mapfungo herohya kota njiwekapa makapo nguka njiwerie ihenda ipfa njopfu tsifoi. 24 Nyi katanu ngamwambya ngapo makumi haana wuta-pfo imu tsiwei njiwawasye nyi Wayuda. 25 Kaṟaṟu ndekapo na malio, limu njilekumbyo maho, kaṟaṟu ndefunjikyo nyi ngalawa puti taa mbekeri ipalyipalyinyi kundu liṟungukye mnu wanda njekelea. 26 Shaṟo shako sa shifoi na shyaala moo ipfo medenyi na ipfo wasokinyi, na ipfo kipaṟikenyi na ipfo mesenyi na ipfo mṟinyi ya wandu ing'anyi na ipfo kundo kuwode olele na ipfo ipalyipalyinyi na ipfo kiidi kya wanawawama wa wongo. 27Njiwei mfoye m maṟunda na mawina njewelaa dembo kafoi, njiwewodo n njaa na nyoda, njiwekuotoya keengi njiwei mrohye m mbeo na iwuṟa maṟao. 28Kyasia iki kishikye, deya-pfo shingi, nyi kwiipfo mpeṟehetsanye fonjipeṟehtsanya mfiri yose nyilo oringo lo iringa siṟi tsose. 29Nyio wu ahenda ifafaa na inyi njilasanzi nao? Nyio wu ai mpfulutse na inyi njilasanzi nao? Nyio wu ai mpfulutse na inyi njilaake?
30Kokoya nyi kiwari ikushela inyi njikushelye shindo shehamba wufafa woko. 31Ruwa chu moṟumisha mlungana ai Nde o Mndumii odu Yesu Kristo nyi aichi ke njilahamba wongo. 32 Ipfo Damasiko mchili o mangi Areta awekeri iringa mṟi fo Wadamasiko kundu nawone injiwada. 33Na inyi ngamwitso iṟoṟinyi lya omombo lotengeta mṟi fu ngamhenda sotso omombonyi lulya njiwei mwowishe ikunjenyi ngamashuka mawokonyi hake.
Shiwonesyo na Otambahaluo
Currently Selected:
2 WAKORINTO 11: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
