1WATESALONYIKYE 5
5
1Indi kya maheri halya na mwaanya iya muwuṟye muhende iṟehyopfo. 2 Kipfa nyo muwenyi mwichi na kamu ke mkonu fo Mndumii, cha mwiwi o kio nyi wudo fochicha. 3Mandi waihamba, ofoṟo na owanzo, na hondo orumatso lowatumukya pereseng'u cha okoṟa lohoya mka ai mnene, walaidima idicha. 4Indi nyo, wanawawama, mukeri meemenyi fochimwenengya mkonu fulya fumtumukye cha mwiwipfo. 5Kipfa nyo mui wana wa sa mose na wana wa mfiri. Lui wa kio manya wa meemapfo. 6Kikamba kido manya lulahombye cha walya wengi, kya indi lulae dembo lochikuotoya. 7Walya welaa wekelaa ili koila na walya wekunanza wekenango ili kio. 8 Indi so ili lui wa mfiri lukuotoye luṟeee na kiringa mdo nakyonyiowedo loiweda okiṟo. 9Kipfa Ruwa aleluteseheṟya nyashipfo kya indi kundu lukuwade na okiio kui Mndumii odu Yesu Kristo. 10Nyio amelupfia kundu so ma lui-ho ma lulee lutsinde moonyi hamu nao. 11Mukarishane na ikyo muwe mochikuheluana mndu na odoya chando muweiwuta.
Madedo ha ifurumia na shiiṟikiṟo
12Indi lomterewa, wanawawama, ke manyenyi iwa waimuwinya nyo na iwukaya kui Mndumii na imtutuma. 13Muwaindye kya woeṟa na iwakunda kimaduma kya iṟunda lyo lyawo. Mwololyane muwenyi na wenyi. 14Indi lomwitika nyo, wanawawama, ke mututume walakaa kambenyi, mukahaṟe wenyi mrima mfafa, walya walawode muwatarame shilya wahuṟi, muwikye wandu wose tirisi. 15Muambuye-ho kundu na mndu nalawone echitaya ungi kiwicho alembutya na kiwicho kyake o aimbutya, indi mutambahanye kiheri kyose iwutiana kilya kii kicha, muwe mokiwutya na wengi wose. 16Chihionyi kiheri kyose. 17Muwe mochiterewa mulatsie. 18Muwike-ho mwaano kya shindo shose. Kyamba nyi iki Ruwa akundi kiwiko nyo kui Yesu Kristo. 19Mulaime Mumuyo. 20Mulamine wuikimbi. 21Indi muheshe shose, musale kii kicha. 22Mudiche kilya kii kiwicho kya orio mbaṟi yose. 23Nao Ruwa menyi ofoṟo amonyi namuilishe wuilishi wuchie wose. Na mumuyo fonu fuawukie na mrima na mbihu ilawade pari ikae mbedienyi yewedya iwuya lya Mndumii odu Yesu Kristo. 24Alulaha nyio mhendeli, nao echiwuta. 25Wanawawama, ke luterewyenyi. 26Muiṟikiṟie wanawawama wose kui ihekyana momu lilya yele. 27Ngamtutumya kui Mndumii ke paruo ii isomyo wanawawama wose. 28Wutonga wo Mndumii odu Yesu Kristo wukae nanyo.
Currently Selected:
1WATESALONYIKYE 5: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
