1WATESALONYIKYE 3
3
1 Nkyo ili lulawekiidima itsuwa luledumbuo ke luhende ideo ipfo Atene luwenyi. 2Lukaaweduma Timoteo manowama odu mṟundi o Ruwa mopfuṟukanya ndumi ya Kristo kundu nambanze nyo nawemkarishia wuidiki. 3Kulawone kochiwoneka afafaa shiwirenyi ishi. Kipfa nyo muwenyi muichi ke luiwawike kya ikyo. 4Kyamba na mandi luwei konu lulesonguo imbia ke nyi kiluwari ituro. Na wudo kilemba chando muichi. 5Nkyo kitewe na inyi njilekiidima itsuwa ngamdumya kya imanya wuidiki wu wonu, kulako mtewi ulya amemtewa na mawina hadu hakawewa ha wulya. 6 Na wulalu ili Timoteo amcha kodu ewuka konu kaweluchihiṟa eluongoya wuidiki wulya wonu na kikunda kilya na mkumbuye mcha muwode fo ilukumbuo so kiheri kyose, mui na macha heluwona so chando na so luwodo nyi hanu. 7Nkyo kileenenga ipfo mkoromunyi na kiwirenyi kyadu kyose lomekarishyo kyanu kui wuidiki wu wonu, wanawawama. 8Luitsinda na moo wulalu iliindi nyo muhoṟoki mukuwode na Mndumii. 9Kipfa mwaano nyi mki loidima itaa Ruwa kipfa kyanu sia yo yose luichihio yanu sumhana na Ruwa chu odu. 10Lukaeri iterewa kio na mfiri lochiwika matu matu kundu luwone oshangu lonu na imarisa wuidiki wu wonu hando wowuṟa-se mwengeṟia. 11Nao Ruwa amonyi, Ndeyadu na Mndumii odu Yesu naluhoṟotsie njia yadu yeshika konu. 12Na Mndumii namwengeṟye kikunda kyekundana muwenyi na wenyi na ikunda wose nakifeṟe mnu kimu na kilya so lumkundi na kyo. 13Kundu ngoo tsanu tsihende ikanzo tsikae nlalutsu tsii na wuele sumhana na Ruwa Wande odu, matika Mndumii odu Yesu echiwoneka handu hamu na waele wake wose.
Chando kisumhanyi ichihiṟa Ruwa
Currently Selected:
1WATESALONYIKYE 3: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
