Ruti 3
3
Ruti ovenda teliwa na Bowazi
1Noira eno, Nowemi ohomuwandelaga nijaliye ule eraga: <<Mwanaga, miyo nnafuna duvendele mulombwana autele ira weyo uwande vuma, ukayena vande vawo. 2Mulombwana Bowazi, wenno uwandile uhiya weyo ulabaga vamohi na anamalabaye a ahiyana, gu mbalihu. Eni liye mahiyu anna unadowa nimburo nobubudavo jalo ira abubude sevada. 3Mwa eno, inafwanela uvenye, umale hamba pama, uvizolihe makura, uware jowara jawo japama, na wenne udowe nimburo nobubudavo jalo, wewo unafwanyeya liye. Mbwenye wafiya wewule, kuvioneyihe vamentoni vaye. So weyo udowe wavitale ante liye amale dja eto amale ng'wa. 4Evale liye agadowile gonanti, weyo udowe waone nimburo neno nnagona liye. Wagaonne nimburo nnagona liye nne, liye agagonenlevo, weyo udowe wagonanti mendoni waye. Era eno liye unouwandela yenno inafuna we ira.>> 5Mwa enne Ruti ohowakulaga eraga: <<Tabo, jatene jinawonga nyo miyo nnoirana!>>
6Evale ohovenyaga, liye dowa nimburo nobubudavo jalo nne eto ohoirana nnga mwemo mwamuwandenle nijaliye ule. 7Evale mulombwana Bowazi agamanle dja no ng'wa, murimaye agali ohagalalene, ohodowaga gonanti wandamelana vevo vafwanyeya kamba ya johanda. Evale Ruti ohovenyaga, liye dowa mozemba, gudubulra manta mendoni waye ule, liye gonanti, vikunela. 8Vari va mahiyu, mulombwana Bowazi agarurumuwile, funa ira arungunuwe, liye ohotutuwa mwasiwa anfwannye muhiyana agagonantile mendoni waye ule. 9Evale ohonfukaga eraga: <<Weyo uli ani?>> Ruti ohowakulaga eraga: <<Gu miyo namalaba wenyu Ruti! Nnafuna mukale mamunaga mwasiwa nyo muli maliba hamba nyumba waga!>> 10Evale mulombwana Bowazi ohowongaga eraga: <<Mwanaga Yehova aurelihe. Mwasiwa weyo uhuoniha upama ulukulu kwaranya upama wasakanyile we voroma. Mwasiwa weyo mamunawo agakwile, kurumenle teliwa na muzombwe uli watene, nne orayela nne osimela.#3:10 uhuoniha upama ulukulu: Ruti muwari mosaka teliwa na wenno awanda muhamba nyumba, ku wonga liye omuriheda mamunaye ukwile mwasiwa nzina naye nafuna nidowe sogolro muwari mwa mwana afuna liye mbala na maliba hamba nyumba. Ahakale nnga Ruti ateliwa na mulombwana wa burebure, nzina na mamunaye nagomela evo. 11Mwa eno, mwanaga kuove. Jatene jinawonga we, miyo nnoirana. Mwasiwa atu atene a uno kohomala iziwa ira weyo uli muhiyana wa makalelo apama! 12Na ibaribari miyo nnowanda uhamba nyumba. Mbwenye eto uhukalawo mulombwana mmohiwa unawanda uhamba nyumba odikwaranya miyo.#3:12 uhukalawo mulombwana mmohiwa unawanda uhamba nyumba odikwaranya miyo: Ku wonga Bowazi ohokana nfwaye amuova liye afuna kala murandji mutela Ruti. Nona Bowazi kawandile rumela mutela Ruti nfwaye ahanakonde mutela. 13Mahiyu anna ugone wewuno, unde wagatchile liye arumela yovepa yawo, auhamba nyumba, ihikala pama, airena mofuna mwaye. Eto masiki liye ahafune uhamba nyumba, nnawonga vamentoni va Yehova okalawo ira miyo nnouhamba nyumba! So urome gonanti eva fiyeda unde utche.>>
14Evale Ruti ohogonantigive mendoni waye wewule fiyeda unde tcha. Mwa enne unde utchaga, na mabebehene wagalive isi, yahanafiye tempu yoonana mutu mmohi na nfwaye, Ruti ohovenyaga ira adowege, tawiha ira unaoniwe na atu. Mwasiwa mulombwana Bowazi kafunne ira atu kaiziwe ira ukala muhiyana agonne nimburo nobubudavo jalo nne. 15Mwa enne mulombwana Bowazi ohowonga, liye ira: <<Kazana uno nguwo yenno inawara we, utapule. Evale Ruti agatapunle nguwo yayele, mulombwana Bowazi ohopimaga sevada fendo tanu na imohi na mpimo wenno apimagana liye, liye kutulelaga vanguwoni vale. Noira enne, ohompwatelihaga, Ruti liye maruwa dowaga musidadi.>> 16Evale Ruti agafiyile vande, nijaliye ohonfukaga, liye ira: <<Jengo juwendenle avi mwanaga?>> Evale Ruti ohomuwandelagamo jatene jamuirele mulombwana Bowazi. 17Eto ohowongagave eraga: <<Mipimo mitanu na mmohi da sevada di udivahile gu liyene, liye diwandela ira: <Wadowaga wa nijaliyo, kudowege eno wahadowilena yengo!> >> 18Mwa enne Nowemi ohowongaga, liye kwi: <<Mwanaga, uing'anelegeve eno ante ufiyede iziwa jinafuna gomela jejo. Mwasiwa mulombwana wenne kanavuma ahakwakwanelihedile jejo siku na peno.>>
Currently Selected:
Ruti 3: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral