Malakiya 4
4
Siku nowopiha na Yehova
1<<Kaing'anani, tchoira ukala siku nnafuna za, nokaha nnga hofu. Atu atene ovitukulela na atu atene oirana jotakala anoza kaje nnga makata. Siku neno nnaza no nnomala atumeya, kaviza vihala nne mutchitchi nne tambi. Unawonga gu Yehova wa Makuru Matene. 2Mbwenye nyo munaova nzina naga, nzuwa na upama nnoza nukumeleni eto nnouvulumutchani muwari mwa mifware daye. Munoza mulupalupege mohagalala nnga vini ana ng'ombe kakumaga nkolrani mwiwa. 3Eto munoza mwaanyingalelege atu otakala mwasiwa aliwa anoza kakale nnga ndora mmanyaloni mwenyu. Ejo jinaireyege siku nimanle miyo balra. Unawonga gu Yehova wa Makuru Matene.
4<<Muumbuwele malamulo damuwandenle miyo namalaba waga Mozeji agali mwango Orebi#4:4 mwango Orebi: Orebi ti nzina nimohi niwa para mwango Sinayi wewo aIzarayeli wawatchenle atu malamulo. ira aIzarayeli atenene kaharege. Malamulo anno ba mangano na jotonga ira nyo muumbuwelege.
5<<Kaing'anani nnomuruma namafiyiheda Eliya ira aze wa nyo nahanafiye siku nindimuwa nowopiha na Yehova.#4:5 Eliya ali namafiyiheda aliwo wanle. Joira jaye jinafwanyeya muwari mwa malivuru a 1 Amwene na 2 Amwene. Fwanyeya ira mulombwana Malakiya alrembaga mazu a Yehova oira nnomuruma namafiyiheda Eliya, ali yaka didjindji Eliya agatukuleliwe zulu na nalripembezu. (2 Amwene 2:9-11) Nafwanya Lukaji 1:17, nnovwa ira Juwawu Mbatizi ahanabaliwe, mungelro ohomuwandela babaye Zakariya ira: Muhiyanawo unombala mwana. Makalelo aye na kopolo nnafuna liye kana unalinganege na namafiyiheda Eliya. Ku wonga Eliya amuwonga Malakiya ali Juwawu, hiya ira Eliya mwinnyiwene afuna aze akoka. Nione Matewuji 11:14, 17:10-13; Lukaji 1:17. 6Liye aza, unorungunutcha mmirimani mwa ababi ira kawendege pama na ahimiwa eto unorungunutcha mmirimani mwa ahima ira kawendege pama na ababi, tawiha ira nnaze dinonge ilambo, ditolotche na makalelo ohokala a masika.>>
Kukala mazu a livuru na Malakiya.
Currently Selected:
Malakiya 4: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral