Jozuwe 5
5
1Evale amwene atene a aAmore anno kakaletcha pandi ya mavirelo wa nzuwa wa muhindje Jordawu, vamohi na amwene atene a akuda Kana anno kakala wandamelana tcherela ya bara Mediteraniyo, kohovwa ira: <<Yehova ohoummiha muhindje Jordawu ira Ana Izarayeli kawande lambuwa fiyeda atene koholambuwa.>> Mwa enne kohoroma ova valukulu eto limba wewa murima wohomala na mwasa wa Ana Izarayeli.
Jozuwe ohainela Ana Izarayeli
2Ora yenno Yehova ohowonga na mulombwana Jozuwe, liye kwi: <<Usakanye mimbene da mabwe#5:2 mimbene da mabwe: Mwilamboni mwali atu, yohokala ntundu ya mabwe oira katweya, anokuma pedasu doirwa fiyeda mutu wandaga sinana nsisi. ira waainelena alombwana atene a Ana Izarayeli kali kahanaineliwe ira atene kakale oineliwa nnga babiwa.>>#5:2 wainelena alombwana atene a Ana Izarayeli: Ineliwa unawongiwa va kahi nnga ineliwa wa tempu ili hiyo ila. Wanle Mulugu ohomuwandela Abarahamu ira: mwana wa mwanapongwe uli watene unabaliwege vande vawo, akwakwanihaga malambo matanu na mararu, inafwanela aineliwe. (Jenesesi 17:10-14) Eto aineliwa ali ahima a alombwana ve, kakwakwaniha malambo matanu na mararu. Ku wonga mwana agali nnyenya na mmandani. Nione Levitiku 12:3. Ku wonga ja lunga jinera azombwe eto ja zoma na anamwali jinera atu tempu ili hiyo ila kajinna pandi na Mulugu. ira atene kakale nnga babiwa. Inokala nnga malambo a mundulrimu yokala tempu yaineliwa alombwana atene a aIzarayeli. Afwase ali kahanakume ilambo ya Ijipitu. (Ezodu 12:43,44,48) 3Mwa enne mulombwana Jozuwe ohosakanya mimbene da mabwe eto ohainelana alombwana a Ana Izarayeli mwango Haraloti, ku wonga Mwango Oineliwawo. 4Ira mulombwana Jozuwe aainele alombwana a aIzarayeli, mwasiwa goira alombwana atene a idadi yodowa kondoni anno kakumile ilambo ya Ijipitu kohomala kwa mundila, muisalesaleni mwali atu. 5Agali alombwana atene kakumile ilambo ya Ijipitu kohomala ineliwa, ahimiwa anno kaabala atu mundila kagakumile Ijipitu, kali kahanaineliwe. 6Tchoira Ana Izarayeli kohomala yaka 40 kawendaga muisalesaleni fiyeda alombwana atene anno kanna idadi yodowa kondoni kakumaga Ijipitu, aliwa mala kwamo, na mwasa ohovwelela mazu awongile Yehova. Banno Yehova alumbenle liye ira aliwa kiza kavolowa ilambo yenno yalumbenle liye na makolo ewa ira aavahe, yenno munafwanyeya mukaka na nuwi pwi pwi. 7Mwa enne Mulugu ohavenyiha ahimiwa ira kavolowe ilambo yenno vamalroni va ababiwa. Eto banne Jozuwe aainenle liye na mwasa oira aliwa kazaga mundila, tchaineliwe. 8Alombwana atene kagaineliwe, aliwa kohokalagave vamisasani vafwanyeya atu vale fiyeda ale kaineliwe jilonda jiwa aliwa vola.
9Noira enne, Yehova ohowonga na mulombwana Jozuwe eraga: <<Peno dihimala kumihamo manyazo enyu mwanna nyo ilambo ya Ijipitu.>>#5:9 <<Peno dihimala kumihamo manyazo enyu mwanna nyo Ijipitu.>> Kahanaineliwe, aIzarayeli kaoneya nnga aIjipitu mwasiwa na aliwene tchaineliwa. Kagaineliwe eto kagafiyile ilambo ya Kana, aIzarayeli koroma oneya nnga atu ohiyana na aIjipitu eto nnga atu okana ilambo yewa hiyaniha no kala azari. Nona roma evale fiyeda siku na peno nimburo nne nnaitaniwa na nzina na Jiligali [ku wonga kumihamo].
10Mwa enne Ana Izarayeli kagalive vamisasani viwa Jiligali wewule, nagafiyile siku nanekumi na nnayi mwedi oroma wa yaka, tempu ya tchiguwoni kohosakanyaga Pwando ya Mavirelo vali atu ilambo yotandeleya yenno yafiyile ante sidadi ya Jeriko. 11Kagadjile Pwando ya Mavirelo, mmetcheloni muwa, aIzarayeli kohodjaga jovaha jimohi ja mmindani na pawu dohosakanyiwana leverina vamohi na jodja jowaringiwa. 12Mwa enne kagaromile dja ja mwilamboni mule, mmetcheloni muwa mana kohomiyalaga. Kuma yaka yenna dowagave sogolro, Ana Izarayeli kadja jodja ja ilambo ya Kana. Mana tchaoneyile akoka.
Mundimuwa wa anyakondo a Yehova ohoza mulimbiha mulombwana Jozuwe
13Mulombwana Jozuwe ohowandamelaga sidadi ya Jeriko. Againg'anne nnga ha vale, ohomuona mulombwana mmohi agaimenle sogolro waye agahidedile supada mmandani mwaye. Evale Jozuwe ohomukwivelaga, liye nfuka ira: <<Kodi weyo uli ani? Uli wa pandi yehu owu uli wa pandi ya amwidanihu?>> 14Evale mulombwanole ohomurumelaga Jozuwe eraga: <<Miyo kadili wa pandi yawo nne kadili wa pandi ya amwidanawo.#5:14 Miyo kadili wa pandi yawo nne kadili wa pandi ya amwidanawo: Mundimuwa wa anyakondo a Mulugu ule awongaga mazu anna, afuna amuiziwihe Jozuwe ira liye afwanyeya agali mundimuwa kwaranya liye. So mbwenye ira dize wa weyo, tchoira dili mundimuwa wa anyakondo a Yehova.>> Noira enne, Jozuwe ohokokoraga, aoramihedaga kove yaye ante fiyiha vati, liye mutamalela. Noira enne, ohonfuka eraga: <<Mbwiyeni kodi mwazela diwandela nni miyo namalaba wenyu?>> 15Mundimuwa wa anyakondo a Yehova ule ohomurumelaga Jozuwe, liye ira: <<Kawungula xineli dawo do. Mwasiwa nimburo nili we ni ti nimburo notchena.>> Mwa enne Jozuwe ohowungulaga xineli daye.
Currently Selected:
Jozuwe 5: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
