Jozuwe 20
20
Sidadi dotawelamo mutu ampa nfwaye mohofuna
1Evale Yehova ohomuwandela Jozuwe eraga: 2<<Udowe waawandele Ana Izarayeli wire: <Musakulre sidadi da vang'ono ira dikale sidadi dotawelamo, dedo dauwandenleni miyo muwari mwa Mozeji.#20:2 dauwandenleni miyo muwari mwa Mozeji: Ira niiziwe jawongile Mulugu na Mozeji zela sidadi dotawelamo, nione Numero 35:6-34. 3Sidadi dedo nnalabege ira mutu wenne unampe nfwaye mohofuna, nari mohokozeyela, atawelegemo ira mutu wenne upiwile ule mbalaye azaga ira awelihe kunyakunya, ahawandege muirela yabure. 4Mutu wenno unampe nfwaye mohofuna liye, atawaga, ababihe dowa va mulango ovolowana musidadi ira adowe aawandelemo andimuwa a musidadi mule jatene jimuireyele. Agamanle wongamo, andimuwale anomuvolotchiha musidadi emule, kanvahe nimburo nokala. Evale liye unokalave mwemo. 5Aza maliba kunyakunya ule ira awelihe kunyakunya, atu anakala musidadi mule, kiza kamutukula namatawa ule, kanvaheda maliba kunyakunya ule. So mbwenye aliwa anerege mukoya maliba tawa ule mwasiwa liye muwari mompa nfwaye mule, kampile mofuna mwaye nari eto wanle kamuidile. 6Maliba mpa nfwaye ule, agavolowile musidadi mule, unakalegeve mwemule ante afiyede tongiwa vari va mulogo watene.#20:6 afiyede tongiwa vari va mulogo watene: Fwanyeya ira maliba tawa aza, abali a maliba piwa ule kamuhara, andimuwa a sidadi yotawelamo nari atu atene ofuna vwa mulandu kogumana. Akala kohoona ira maliba tawa umpile nfwaye komove, liye opiwa masiki agatawenleve sidadi yotawelamo. Mbwenye akala kohoona ira mutula kafunne jompa, komuhiya kalawo muwari mwa sidadi yenno. Kutchiwa waye akala tempu yakwa mundimuwa wa anamakuta. Nione Numero 35:15-28; Detoronomiyo 19:11-13. Eto agatongiwe unakalave mwemule fiyeda siku nnafuna kwa mundimuwa wa anamakuta unalaba tempu yenno. Evale namakuta ule akwa, maliba tawa ule podi welela waniwa dowa kala vande vaye sidadi yenno watawile liye.> >>
7Mwa enne, sidadi dotawelamo dasakunlre atu ti di: Yoroma ali Kedeji muwari mwa Galileya, pandi ya mwango didjindji ya Nafitali. Yowelela ali Sikemu, pandi ya mwango didjindji ya Efarayimi. Yogomiheda ali Kiriyati-Araba yenno inaitaniwa Eboroni, pandi ya mwango didjindji ya Juda. 8Eto kohosakulra sidadi dimohi diwa makumelo wa nzuwa wa sidadi ya Jeriko, kombela ya muhindje Jordawu. Sidadi dasakunlre atu ti di: Yoroma ali Bezeri yenno yakala muisalesaleni, ilambo yotandeleya yagali yogwela munlogoni mwa Rubeni. Yowelela ali Ramote mwilamboni mwa Jileyadi, munlogoni mwa Gadi. Yogomiheda ali Golani muwari mwa Bazani, munlogoni mwa Manasesi.
9Di ti sidadi dotawelamo dedo dasakulriwe para Ana Izarayeli nari atu oza anne kakala vari va Ana Izarayeli. Ali ira mutu uli watene ampa nfwaye mohokala mofuna mwaye atawelege sidadi dedi ira ahapiwe na maliba weliha kunyakunya uli watene, ante afiyede tongiwa vamentoni va atu atenene.
Currently Selected:
Jozuwe 20: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
