Anamasogolrelra 15
15
Mulombwana Samisawu ohotumeya minda da aFilistewu
1Vagavirile malambo, tempu yorenda tirigu, Samisawu ohotukulaga mbuzi imohi, liye maruwa ira adowe amuone muhiyanaye, liye umbuwelaga ira dadowa nnafuna davolowe kwartuni wa muhiyanaga, dikale na liye. Mbwenye agafiyile, muhiyanaye ule babaye ohomukamelihaga volowa, 2liye ira: <<Na ibaribari miyo daumbuwela ira weyo umwida muhiyanole. Nona dihinvaha nfwawo. So mbwenye uhukalawo mbalaye wa ng'onong'onuwa eto gu muhiyana oriyetchetcha mukwaranya liye. Umutukule liyene vamalroni vaye.>> 3Mwa enne Samisawu ohowongaga na aliwa eraga: <<Fendo ila mbwenye daairela ibure aFilistewu, kadinna mulandu.>> 4Noira enne ohovenyaga, liye dowa ahinda anambwa a mukokolani 300, liye tukula mendje, arungunutchaga anambwa a mukokolani ale, agumanihaga mwila mmohi na mwila wa nfwaye, mangihaga na mwendje mmohi vari viwa. 5Noira eno, ohindihaga mendje dile, liye ahiya anambwa a mukokolani ale mmindani mwa tirigu mwa aFilistewu. Evale munlole ohoroma mwadeyaga emule, roma tumeyaga mapitika omangihiwa a tirigu amanle rendiwa vamohi na tirigu watene wenno ali ahanarendiwe, vamohi na miratchi da uva na mitengo da azeti dafwanyeya emule. 6Noira enne aFilistewu kohoromaga fukana keraga: <<Kodi bani uirilena jeji?>> Evale kohowandeliwaga ira: <<Uirilena gu Samisawu, nkamwene wa nkuda Timina ule na mwasa oira moyaye ere muwaka muhiyanaye, liye muteliha na nfwaye mmohiwa.>> Evale aFilistewu ale kohomaruwaga, aliwa dowa mutumeya muhiyanole vamohi na babayene. 7Noira enne mulombwana Samisawu ohowongaga na aliwa eraga: <<Voira muirile eno, miyo kannakana vuma dahanauoniheni goyi ante difiyede uwelihedani kunyakunya zela ubure musakanyile nyo.>> 8Evale ohapaga na makalelo ohokala a masika, liye kamuwendenle mutu tangaranga. Noira eno, ohomaruwaga, liye dowa kalaga nifukwe na nibwe nafwanyeya Etani.
Samisawu ohapa aFilistewu 1.000 na nikuva na igabwa ya buru
9Noira enne aFilistewu kohomaruwaga, aliwa dowa kunga misasa diwa mwilamboni mwa Juda, kafunaga ira kagondjihe sidadi ya Leyi. 10Evale alombwana a Juda kohowongaga na aFilistewu ale, aliwa ira: <<Kodi muzele nni mwilamboni mwihu muno ira muwane na hiyo?>> Aliwa kohowakulaga keraga: <<Hiyo nizele ira nimmange Samisawu ira nimuirena imohive nnga yenno iniirele liye hiyo.>> 11Evale alombwana 3.000 a Juda kohomaruwaga, aliwa dowa nifukwe neno nafwanyeya nibweni na Etani wewo wafwanyeya Samisawu, aliwa muwandela keraga: <<Kodi weyo kwaiziwile ira aFilistewu bananitonga? Mwasiwa gwa nni uniirelaga jeji?>> Evale liye ohawandela eraga: <<Miyo daairele nnga yenno idiirele atu!>> 12Evale alombwana a Juda ale kohomuwandelaga, aliwa ira: <<Hiyo nizele ira numange, nidowe nauvahede mmandani mwa aFilistewu.>> Mwa enne Samisawu ohawandelaga liye ira: <<Murome lumbela ira kamunadipa.>> 13Aliwa kohomuwandelaga, aliwa ira: <<Kannafuna nupe! So mbwenye nnafuna numange pama, era eno, nidowe nauvahede mmandani mwewa. Mbwenye na ibaribari kannaupa.>> Evale liye ohorumela, aliwa mmanga na mingohi minli dixa, noira eno kohomukumihagawo nibweni ule.
14Evale Samisawu afiyaga Leyi, aFilistewu kohozaga wa liye kakuwaga jiwa. Mbwenye Munemba wa Yehova ohomuzelaga mobaranya, evale mingohi dafwanyeya mmiwononi mwaye dohokala nnga usalru otumeyiwa, aliwa moramo. 15Noira eno, ohoonaga nikuva nititi na igabwa ya buru, evale oholanda na ndanda naye, liye dowana. Noira enne ohapagana alombwana okwakwana 1.000. 16Evale Samisawu ohowongaga eraga: <<Muwari mwa nikuva na igabwa imohi bahi ya buru, dahaapana atu 1.000. Eto muwari mwa igabwa imohi bahi ya buru dihisakanyana kamba na kamba da atu okwa.>> 17Evale agamanle wonga enne, ohotatilaga igabwa ile eto ohovaha nimburo nenne nzina na Ramati-Leyi [ku wonga Mwango wa Igabwa].
18Noira eno, Samisawu ohokana ntona nohokala na masika. Evale oholobela wa Yehova monla, liye ira: <<Yehova nyo muhavaha atwinyu vuneya ulukulu wu muwari mwa namalaba wenyu. Nnga kodi vinokala wandeya ira miyo dikwe tchineneva na mwasa wa ntona eto digwele mmandani mwa atu ohoineliwa?>> 19Mwa enne Mulugu ohodurumulaga nimburo notita eni nafwanyeya Leyi ule. Agadurumunle, vohokuma mahindje, mulombwana Samisawu liye ng'wa. Noira eno, kopolo daye dohowelelamo. Nona, kuma siku nenne nimburo nenne nnaitaniwa Eni-Akore, ku wonga Isime ya Maliba Kuwa. Ante fiyeda siku na peno isimele inafwanyeya sidadi ya Leyi. 20Samisawu aasogolrenlre aIzarayeli yaka 20, tempu aFilistewu yatonga atu ilambo ya aIzarayeli.
Currently Selected:
Anamasogolrelra 15: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
