Detoronomiyo 27
27
Mozeji ohawandela aIzarayeli ira kakunge ibuwa mwango Ebali
1Mozeji agali vamohi na andimuwa a Izarayeli, ohawandela atu atene eraga: <<Muharihege malamulo matene anna nnauwandelani miyo peno. 2Tempu inafuna nyo lambuwa muhindje Jordawu ira mwavolowe ilambo yenno inafuna uvahani Yehova Mulugu wenyu, inafwanela mwaimetche mabwe malukulu, mumale apintari na tinta yotchena. 3Mwamala imetcha, mulrembe vamabweni vale mazu matene a malamulo ala ira muwande volowa ilambo inafuna Yehova Mulugu wenyu uvahani, ilambo munafwanyeya mukaka na nuwi pwi pwi nnga mwemo Yehova aawandenle liye makolo enyu. 4Nyo mwalambuwa muhindje Jordawu, mabwe anno nnauwandelani miyo peno ira mudowe mwaimetche, munadowa mwaimetche mwango Ebali. Mwamala imetcha, mumale apintari pama na tinta yotchena. 5Eto musakanye wewule ibuwa ya Yehova Mulugu wenyu, yagali ibuwa yosakanyiwa na mabwe. Eto mabwiwa kikale ogwadiwa na momba,#Ezodu 20:25 6mbwenye kakale mabwe ompumbulene. Mwamala eno munerege zana mikuto dotumeya da Yehova Mulugu wenyu, muvelelege vazulu va ibuwa vale. 7Eto munerege velela jovelela ja murendele eto munerege dja wewule vamentoni va Yehova Mulugu wenyu vamohi no hagalala. 8Eto mazu matene a mmalamuloni mu, anno munafuna nyo lremba vamabweni vale, inafwanela mulrembe na makalelo oira kaoneyege pama.>>
9Mozeji ohomaruwaga vamohi na anamakuta anno kafwanyeya kagali aLevi, liye dowa wonga na aIzarayeli atene eraga: <<AIzarayeli kamiyalani ira muvuruwane, tchoira nyo muromile kala atu a Yehova Mulugu wenyu roma siku na peno. 10Nona inafwanela muvwelelege mazu a Yehova Mulugu wenyu eto mukwakwanelihedege malamulo aye vamohi na mangano aye anna nnaurumani miyo peno.>>
Matembelrelro anafuna wongiwaga mwango Ebali
11Siku nenne mulombwana Mozeji ohawandelaga atu eraga: 12<<Mwalambuwa muhindje Jordawu, malogo anafuna kala mwango Jerizimi ira kaarelihe atu ba ala: Simeyawu, Levi, Juda, Isakari, Joze vamohi na Benjami. 13Eto malogo amohiwa anafuna kala mwango Ebali ira kawonge matembelrelro, ba ala: Rubeni, Gadi, Azeri, Zebuloni, Dani na Nafitali. 14Eto aLevi#27:14 aLevi anawongiwa eva kaali atu atene a nlogo na Levi, mbwenye ba andimuwa kalaba mabasa vaMusasani Otchena. anowonga na atu atene a Izarayeli na mazu okuwa keraga: 15<<Mulombwana wenne unasakanye nlandaniho nosemiwa nari yagali yonyungulrutchiwa,#Ezodu 20:4, 34:17; Levitiku 19:4, 26:1; Detoronomiyo 4:15-18, 5:8 yenno inafwanyeya yagali yengo yotakaletchetcha wa Yehova, yengo yosakanyiwa na manda, adowa ahela nimburo nokoyeya, mutu wenno uhutembelrelreya.>> Era eno atu atene kawakule kaire: <<Ame!>>#27:15 Ame ku wonga jiireye.
16<<Mutu wenne unamulramwise babaye#Ezodu 20:12; Detoronomiyo 5:16 nari mmaye, uhutembelrelreya.>> Era eno atu atene kawakule kaire: <<Ame!>>
17<<Mutu wenne unasusihe madilre, avolowa tereno ya nfwaye, uhutembelrelreya.>> Era eno atu atene kawakule kaire: <<Ame!>>
18<<Mutu wenne unamuholowihe ndila maliba haona, uhutembelrelreya.>> Era eno atu atene kawakule kaire: <<Ame!>>
19<<Mutu wenne unaviringanihe matongelo a ibaribari zela atu oza, anapawi vamohi na amakwele, uhutembelrelreya.>> Era eno atu atene kawakule kaire: <<Ame!>> #Detoronomiyo 24:17
20<<Mutu wenne unagone na muhiyana wa babaye, uhutembelrelreya. Tchoira uhumuwungula babaye.>> Era eno atu atene kawakule kaire: <<Ame!>>
21<<Mutu wenne unagone na mwanainyama uli watene, uhutembelrelreya.>> Era eno atu atene kawakule kaire: <<Ame!>>
22<<Mutu wenne unagone na murongoliye, masiki babiwa ahakale mmohive nne masiki mmiwa ahakale mmohive, mutuyo uhutembelrelreya.>> Era eno atu atene kawakule kaire: <<Ame!>>
23<<Mutu wenne unagone na mbogohaye, uhutembelrelreya.>>#Levitiku 18:7, 20:14 Era eno atu atene kawakule kaire: <<Ame!>>
24<<Mutu wenne unanvitalele nfwaye ampa, uhutembelrelreya.>> Era eno atu atene kawakule kaire: <<Ame!>>
25<<Mutu wenne unakunyariwe ira ampe mutu ahategile, uhutembelrelreya.>> Era eno atu atene kawakule kaire: <<Ame!>>
26<<Mutu wenne ahanakwakwanelihede eto ahanavwelele mazu matene a mmalamuloni, uhutembelrelreya.>> Era eno atu atene kawakule kaire: <<Ame!>>
Currently Selected:
Detoronomiyo 27: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
