1 Samuweli 3
3
Yehova ohomutwanyuwela Samuweli
1Tempu yenne muzombwe Samuweli alabetcha mabasa a Yehova muwari mosogolrelriwa na namakuta Eli. Mwa tempu yenne Yehova kawongetcha na atu burebure eto kaaonihetcha jengo burebure atu mmuruni mwiwa.
2Siku nimohi na mahiyu mulombwana Eli ohodowaga gonanti kwartuni waye wagonetcha liye. Mwa tempu yenne mulombwana Eli meso aye kaona vang'ono bahi. 3Siku nenne muzombwe Samuweli agonnege muwari mwa Nyumba ya Yehova#3:3 Nyumba ya Yehova inawongiwa va gu Musasa wa Yehova. Tchoira Musasa wa Yehova aitaniwa na nzina na Nyumba ya Yehova mwasiwa Yehova akala mwemo. mwemo mwafwanyeya Kaxa ya Mulugu. Eto ora yenno panti ya Mulugu#3:3 panti ya Mulugu inawongiwa ali panti yenno yafwanyeya muwari mwa Nyumba ya Yehova, yenno kahindiha atu unde wadiba fiyeda unde tcha. Nione Ezodu 27:21, 30:8. Muwari moira panti yalive yohindene, ku wonga yali ora ya mahiyu, unde wahanatche. yalive yohindene. 4Evale Yehova ohomuitanaga Samuweli. Liye ohorumelaga eraga: <<Miyo vano!>> 5Mwa enne Samuweli ohovenyaga, liye tamanga dowa wa mulombwana Eli eraga: <<Dihiza mwasiwa dihivwa mudiitanaga.>> Evale Eli ohowakulaga, liye ira: <<Nari, miyo kaduitanne! Dowaga wagonanti.>> Samuweli ohovenyaga, liye dowa gonanti. 6Agagonantile, Yehova ohomuitanaga akoka, eraga: <<Samuweli!>> Liye ohovenyaga, liye dowa wa namakuta Eli, liye ira: <<Dihiza mwasiwa dihivwa mudiitanaga.>> Eli ohowakulaga, liye ira: <<Nari mwanaga, miyo kaduitanne. Venya udowe wagonanti jawo.>> Liye venya dowa gonanti. 7Tempu yenne Samuweli ali ahanaiziwe nizu na Yehova aitanaga, mwasiwa Yehova ali ahanarome wonga na liye.
8Nomala enne, Yehova ohomuitanaga muzombwe Samuweli akoka fendo yaneraru. Evale Samuweli ohovenya dowa wa Eli wakoka wene, liye ira: <<Dihiza mwasiwa dihivwa mudiitanaga.>> Evale Eli paonenlregemo liye ira unamuitana gu Yehova. 9Mwa enne Eli ohomuwakulaga Samuweli ira: <<Miyo kaduitanne. Dowaga wagonanti! Mbwenye wavwa itana akoka, kuvenye uza uno, so mbwenye urumele wire: <Yehova kawongani. Miyo namalaba wenyu dili vano, nnavuruwana!> >> Mwa enne Samuweli ohovenyaga, liye dowa gonanti vakoka vene.
10Samuweli agadowile gonanti, Yehova ohozaga liye imela,#3:10 Yehova ohozaga liye imela: Hiyo kaniiziwile makalelo Yehova aimenle liye. So mbwenye iiziwile hiyo tchoira Yehova ohoza, liye wongaga na Samuweli. roma muitana akoka eraga: <<Samuweli! Samuweli!>> Liye ohowakulaga eraga: <<Kawongani Yehova! Miyo namalaba wenyu dili vano, nnavuruwana!>> 11Evale Yehova ohoromaga muwandela Samuweli eraga: <<Miyo nnafuna disakanye yengo yotikiniha muwari mwa aIzarayeli. Yengo inafuna miyo sakanya, mutu wenne unavwe zela ubure unafuna miyo irana, unokala waheyo. 12Siku niwa naza nifiya, miyo nnafuna disakanye jotikiniha jatene jene jimuwandenle miyo mulombwana Eli zela makalelo anafuna miyo tonga vande vaye. 13Miyo dihimala muwandela mulombwana Eli ira nnafuna daatonge atu a muibalini mwaye kala no kala. Mwasiwa ahimaye kohodiluluviha miyo vano eto babiwa Eli agaiziwileve ira miyo nnoatonga, kafunne ahiyiha.#3:13 kafunne ahiyiha: Navwaga zela ahiyiha unawongiwa eva, kaali asumulula. Fwanyeya ira mulombwana Eli ohasumulula ahimaye ale mbwenye kaahiyihile. Liye ahakanlege akala mutu otonga na makalelo apama, ogoahiyiha ahimaye ale mabasa kalaba atu a unamakuta. Owu nari ogoapa wene na mabwe na mwasa oraruwa nnga mwemo mwawongela Mazu zela muselu okala ha wenno. (Detoronomiyo 22:23,28-29) Mbwenye liye kairilena. Nona Mulugu atakaleliwa. 14Eto miyo nnolumbela vamentoni va akuda Eli ira masiki aliwa kavelele mukuto ohokala wa masika na jovelela jimohi jiwa, kadiza dilevelela jotakala jewa.>>#3:14 kadiza dilevelela jotakala jewa: Mazwala nari mazu a 1 Samuweli 2:25 anoniwandela ira twaruwa uli mmandani mwa Mulugu. Mutu adowave sogolro na jotega jaye, Mulugu unofiyeda mugomana ante hanvaha tempu yotwaruwa. Nione Eberewu 6:4-8, 10:26-27.
15Samuweli agamanle wandeliwa mazu matene anne na Yehova, ohokala vakamani vaye evale fiyeda unde tcha. Unde wagatchile, ohovenyaga, liye hula milango datene da Nyumba ya Yehova. Eto liye ohoova muwandela mulombwana Eli jatene jamuwandenle Yehova mahiyu anne muwari momuoniha jengo mmuruni mwaye. Na mwasa wenne, ohomiyalagana jaye. 16Mbwenye Eli ohomuitanaga Samuweli, liye ira: <<Mwanaga Samuweli!>> Liye ohomurumelaga, liye ira: <<Gu miyo vano.>> 17Evale Eli ohonfuka ira: <<Kodi Yehova uuwandenle nni mahiyu? Inafwanela udiwandelemo jatene juuwandenle liye tchoira wadikuwa yengo imohi wahadiwandela, Mulugu autonge na makalelo anafuna liye!>>#3:17 wahadiwandela, Mulugu autonge: Eli awongile mazwala muwari momurendjetcha Samuweli ira awongemo jatene. 18Noira enne, Samuweli ohomuwandelagamo jatene jamuwandenlege Yehova, kamukuwilege nne yengo imohi. Evale Eli agavwile jatene jawongilege Samuweli, ohowongaga, liye ira: <<Liye gu Yehova! Airena malringana munaonele liye!>>#3:18 Airena malringana munaonele liye! Ku wonga Eli katwaruwile zela jotega jaye. Eto fwanyeya ira agawongile mazwale, vahanle liye, ereve ahiya ahimaye ira kalabegeve mabasiwa. (1 Samuweli 4:4) Mazu anoniwandela ira Mulugu unoakamiheda ale anatwaruwa na mmirimani mwewa mwatene. Ohokalawo mwene wa Izarayeli eriwa Akabe. Akabe ali mwinnya oirana jotakala. Mbwenye agatwaruwile, Mulugu omuwendela tangaranga. (1 Amwene 21:25-29) Mutu mmohiwa wabure atwaruwile Mulugu amuwendela tangaranga ali Jeyowakazi mwene wa Izarayeli. (2 Amwene 13:4-5) Mmohiwa ali Manasesi. (2 Koronika 33:9-17) Eli mbwenye muwari mohotwaruwa, kawendeliwe tangaranga na Yehova.
19Evale muzombwe Samuweli ohoulukula. Eto Yehova ali na liye. Jatene jene Samuweli jawonga liye joireya. 20Mwa enne aIzarayeli atene kuma ilambo ya Dani fiyeda ilambo ya Beriseba#3:20 Kuma ilambo ya Dani fiyeda ilambo ya Beriseba ku wonga ilambo yatene mwali aIzarayeli. Ali nnga wonga kuma Revuma fiyeda Maputu. Ku wonga atu atene a aIzarayeli kohoiziwa ira: <<Samuweli gu namafiyiheda wa Yehova.>> kohomala iziwa ira Samuweli gu namafiyiheda wa Yehova. 21Noira eno, Yehova omutwanyuweletchave mulombwana Samuweli ilambo ya Silo yakaletcha liye ile. Mwa enne Yehova owonga jengo na Samuweli, Samuweli dowa awandelaga aIzarayeli atene.
Currently Selected:
1 Samuweli 3: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
