1 Koronika 9
9
Atu kamangile Jeruzalemu tempu yawenlewo atu Babiloniya
1AIzarayeli atene koholrembelriwa mohariha nnga mukalele atu nlogo nlogo mulivuruni nnaitaniwa Livuru na Amwene a Izarayeli. Atu a nlogo na Juda kohohindiwa, aliwa tukuleliwa Babiloniya na mwasa wa jotega jewa. 2Atu arandji welela waniwa na sidadi dewa#9:2 Atu arandji welela waniwa na sidadi dewa anawongiwa va ba atu anno katukuleliwe ilambo ya Babiloniya, aliwa mala yaka didjindji. kali aIzarayeli a burebure vamohi na amohiwa kali anamakuta, aLevi na atu kakamiheda mabasa a va Nyumba ya Yehova. 3Fwanyeya atu amohiwa a malogo a Juda, Benjami, Efarayimi na Manasesi kadowile kalaga Jeruzalemu. 4Muwari mwa aliba wela, mmohi ali Utayi mwana Amiyude, mwana Omiri, mwana Iniri, mwana Bani wa muibalini mwa Pereji mwana Juda. 5Aliba wela amohiwa ali Asaya na ahimaye. Asaya ali mwana murandji wa Sela mwana Juda. 6Aliba wela amohiwa ali Jeyeli na abalaye anno kafwanyeya kagali ahima a Zera mwana Juda. Atene anno kali 690, atene kagali a nlogo na Juda. 7Muwari mwa aliba wela amohiwa a nlogo na Benjami mmohi ali Salu, mwana Mesulawu, mwana Hodaviya, mwana Hasenuwa. 8Mmohiwa ali Ibineya mwana Jerowawu. Mmohiwa ali Ela mwana Uzi, mwana Mikiri. Mmohiwa ali Mesulawu mwana Sefatiya, mwana Reuweli, mwana Ibineya. 9Alombwana anna kali asogolrelri a muibalini mwewa. Aliwa vamohi na abaliwa atene owela nnga mwakalele atu makolo ewa a nlogo na Benjami kali 956.
Andimuwa a anamakuta kawelenle Jeruzalemu
10Andimuwa a anamakuta kawelenle Jeruzalemu ali ala: Jedaya, Jeyowaribe, Jakimi 11na Azariya wenno ali mundimuwa osogolrelra Nyumba ya Mulugu. Azariya ule ali mwana Hilikiya, mwana Mesulawu, mwana Zadoki, mwana Merayoti, mwana Ayitube. 12Mmohiwa awelenle Jeruzalemu ali Adaya mwana Jerowawu, mwana Pazuri, mwana Malikiya. Eto mmohiwa ali Masayi mwana Adiyeli, mwana Jazera, mwana Mesulawu, mwana Mesilimite, mwana Imeri, 13eto na abaliwa amohiwa kali asogolrelri a muibalini mwewa. Aliwa atene kali okwakwana 1.760. Atene anna kali owanda sogolrelra mabasa va Nyumba ya Mulugu.
Akuda Levi kawelenle Jeruzalemu
14Andimuwa a aLevi kawelenle Jeruzalemu ali ala: Semaya mwana Asube, mwana Azirikawu, mwana Hazabiya, muzizani mwa Merari. 15Amohiwa ali Bakibakara, Heresi, Galali na Mataniya mwana Mika, mwana Zikiri, mwana Asafe. 16Mmohiwa ali Obadiya mwana Semaya, mwana Galali mwana Jedutuni. Mmohiwa ali Berekiya mwana Aza, mwana Elikana wenno akala tatamo da aNetofati.
17Agwarda a va mulango wa Nyumba ya Yehova ba ala: Salumu, Akube, Talimoni, Hayimani na abaliwa. Mulombwana Salumu gwali musogolrelri. 18Kumelave wanle aliwa kalive agwarda a mulango wa mwene pandi ya makumelo wa nzuwa wa Nyumba ya Yehova. Kahanakale agwarda a mulango wa mwene, wanle viwa vo kali agwarda a va mulango va misasa da aLevi. 19Salumu mwana Kore, mwana Ebisafe, mwana Kora na abaliwa a muibalini mwa Kora kanna mabasa oing'anela mulango ovolowela Musasa wa Yehova. Wanle viwa vo eto makolo ewa kanna mabasa amohive oing'anela mulango wa nimburo nnakala Yehova.#9:19 nimburo nnakala Yehova nnawongiwa ali Musasa wa Yehova. Nione Ezodu 25:8. 20Muwari mwa tempu yenne Fineyasi mwana Eliyazari ali musogolrelri wewa eto Yehova ali na liye. 21Zakariya mwana Meselemiya ali gwarda wa va mulango va Musasa Ogumanamo. 22Atene kasakulriwe ira kakale agwarda a va mulango kali 212. Maziniwa koholrembiwa mohara maziza ewa na tatamo diwa mwakala atu. Mwene Davi na namaona Samuweli baahenle makolo ewa ira kalabege mabasa anno kafuneya atu ororomeleya. 23Aliwa na ahimiwa kaing'anela milango da Nyumba ya Yehova, ku wonga Musasa wa Yehova. 24Agwarda a va mulango kaing'anela pandi dannayi dene, makumelo wa nzuwa, mavirelo wa nzuwa, pandi ya norti na pandi ya suli. 25Abaliwa anno kakala na aliwa tatamo imohive, kozetcha fendo dimohi diwa ira kalabe mabasiwa malambo matanu na menli vamohi na aliwa. 26ALevi annayi anno kali asogolrelri a agwarda a va mulango kavahiwe mabasa oing'anela makwartu a Nyumba ya Mulugu na jorayela jakoyiwa emule. 27Na mahiyu aliwa kakala mmambalo mwa nyumba ya Mulugu vakwikwive mwasiwa mabasiwa ali oing'anela eto na mabebehene kohokana mabasa ohula misuwo da Nyumba ile.
28Fwanyeya aLevi amohiwa kavahiwe mabasa oing'anela fwaramento dalabana anamakuta muwari momutamalela Mulugu. ALevi kokontari fwaramento dile anamakuta katukulaga eto kokontari akoka kawelihaga. 29Eto kohokalawo aLevi amohiwa kavahiwe mabasa oing'anela jengo jatene jakala muwari mwa Nyumba ya Yehova vamohi na utu wa tirigu otchileya pama, vinyu, azeti, jonukela jatumeya atu na jonukela jimohi jiwa. 30Mbwenye anamakuta bagumaniha jonukela. 31MuLevi mmohi aitaniwa Matatiya, mwana murandji wa Salumu nkuda Kora, avahiwe mabasa owotcha pawu davelela atu. 32Abaliwa amohiwa aKowati, kavahiwe mabasa oira masabado matene, kawotchege pawu dedo datapulela ira Yehova uli vamohi na atwaye.
33Anamaimba anno kali asogolrelri a muibalini mwa aLevi, kakalave muwari mwa makwartu a Nyumba ya Yehova.#9:33 makwartu a Nyumba ya Yehova anawongiwa va ba makwartu kabandihiwe na ntchihi na unde na Nyumba ya Yehova. 1 Amwene 6:5-6 Aliwa tchalaba mabasa amohiwene, mwasiwa ntana na mahiyu kokana mabasa kalaba atu. 34Atene anna kali asogolrelri a muibalini mwa Levi, kalrembiwe nnga mukalele atu makolo ewa. Aliwa kakala Jeruzalemu.
Atu a muibalini mwa Sawuli
35Jeyeli ohokunga sidadi ya Jibeyawu, liye kalaga wewo. Muhiyanaye aitaniwa Maka, 36eto mwanaye murandji aitaniwa Abidoni. Ahima amohiwa kali Zuri, Kixi, Bali, Neri, Nadabe, 37Jedori, Ayiyo, Zakariya na Mikolote. 38Mikolote ohombala Simeya. Aliwa eto kakala vakwikwive na abaliwa muJeruzalemu. 39Neri ohombala Kixi, Kixi ohombala Sawuli, Sawuli ohombala Jonata, Malekisuwa, Abinadabe na Esibaali. 40Jonata ohombala Meribe-Baali, Meribe-Baali ohombala Mika. 41Mika aabanle anapongwe ala: Pitomu, Meleke, Tareya na Akazi. 42Akazi ohombala Jara, Jara ohombala Alemeti, Azimavete na Zimiri. Zimiri eto ohombala Moza. 43Moza ohombala Bineya, Bineya ohombala Refaya, Refaya ohombala Elaza, Elaza ohombala Azeli. 44Azeli anna anapongwe atanu na mmohi. Maziniwa ba ala: Azirikawu, Bokeru, Jomayili, Seyariya, Obadiya na Anani. Atene anna kali ahima a Azeli.
Currently Selected:
1 Koronika 9: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
