1 Koronika 4
4
Makolo kakumile mwa Juda
1Mulombwana Juda aabanle anapongwe ala: Pereji, Ezironi, Karimi, Huri na Sobali. 2Sobali ohombala Reyaya, Reyaya ohombala Jahate, Jahate ohombala Awumayi na Lade, anna bali makolo a maziza a aZorati. 3-4Huri ali mwana murandji wa Kalebi wenno ambanle liye na muhiyanaye Efarata. Huri ule ahimaye banno kakungile sidadi ya Beleme. Huri aabanle anapongwe ala: Etani, Penuweli na Ezeri. Anapongwe a Etani ba ala: Jezereli, Isima na Idibasi, eto kohomukana murongoliwa aitaniwa Azeleleponi. Eto Penuweli ohokunga sidadi ya Jedori eto Ezeri ohokunga Huza. 5Mulombwana Azuri wenno akungile sidadi ya Tekowa anna ahiyana ambinli, Hela na Nara. 6Nara ohombala Awuzawu, Eferi, Temeni na Asitari. Anna bali anapongwe a Nara. 7Hela aabanle anapongwe ala: Zereti, Izari, Etina 8na Koji. Koji ohombala Anube na Zobeba. Zobeba eto ali babi wa maziza kakumile mwa Arumu na mwanaye Arayeli. 9Ohokalawo mutu mmohi aitaniwa Jabezi wenno arihediwa bure akwaranya abalaye. Mmaye anvahile nzina neno mwasiwa liye ohosimbwa kana upa ambalaga.#4:9 Jabezi… ohosimbwa kana upa ambalaga. Nzina na Jabezi nnavweya nnga upa na iwongelo yawonga atu. 10Jabezi ohonvepa Mulugu wa Izarayeli eraga: <<Mulugu nnouvepani mudirelihe eto muulukulihe ilambo yaga! Ndanda nenyu na kopolo nikale na miyo, mudibarele zela jengo jotakala ira dahaone upa.>> Agavepile enne, Mulugu ohonvaha yovepa yaye. 11Kelube wenno ali Suwa dibiliye ohombala Meyiri babaye Ezitomu. 12Ezitomu ohombala Bete-Rafa, Pazeya na Teyina wenno akungile sidadi ya Nazi. Atu anna banno kakaletcha ilambo ya Reka. 13Kenazi aabanle anapongwe ala: Otoniyeli na Seraya. Otoniyeli aabanle anapongwe ala: Hatate na Meyonotayi. 14Meyonotayi ohombala Ofara. Seraya ohombala Jowabe wenno akungile malro kaitaniwa ndabo na amesilri mwasiwa ale kakala malro anno kali amesilri. 15Kalebi mwana Jefoni aabanle anapongwe ala: Iru, Ela na Namu. Mwana wa Ela aitaniwa Kenazi. 16Jeyaleleli aabanle anapongwe ala: Zife, Zifa, Tiriya na Asareli. 17Ezara aabanle anapongwe ala: Jetere, Meredi, Eferi na Jalomu. Bitiya mwana Farawu wenno ali mwadi Meredi aabanle ahima ala: Miriya, Samayi na Isiba wenno akungile sidadi ya Estemowa. 18Meredi ohokana eto muhiyanaye mmohiwa wenno ali wa nlogo na Juda ohombala Jaredi, wenno akungile sidadi ya Jedori, Eberi, wenno akungile Soko na Jekutiyeli, wenno akungile Zanowa. 19Anapongwe a mwadi Odiya wenno ali Namu murongoliye ba ala: Keyila, nkuda Garimi na Estemowa nkuda Makate. 20Simawu aabanle anapongwe ala: Aminoni, Rina, Beni-Anani na Tilomu. Isi aabanle anapongwe ala: Zowete na Beni-Zowete. 21Sela mwana Juda aabanle anapongwe ala: Eri wenno akungile sidadi ya Leka, na Lada wenno akungile Maresa. Sela eto ali nikolo na maziza a atu kasakanya jowara ja usalru wapama kakala sidadi ya Bete-Asibeya, 22eto mmohive wenne ali nikolo na akuda Jokimu, atu a Kozeba, akuda Jowasi na akuda Sarafi (anno katonga ilambo ya Mowabe) na akuda Jasubi-Lemu. (Jowonga eji jaromile lrembiwa wanle). 23Atu anna kali osakanya jombwe eto kakaletcha ilambo ya Netayimu na Gedera. Aliwa kakala vilambo dedo ira kamulabege mwene.
Makolo kakumile mwa Simeyawu
24Simeyawu aabanle anapongwe ala: Nemuweli, Jamini, Jaribe, Zera na Sawuli. 25Sawuli ohombala Salumu, Salumu ohombala Mibisawu, Mibisawu ohombala Mijima, 26Mijima ohombala Amuweli, Amuweli ohombala Zakuri, Zakuri ohombala Simeyi. 27Simeyi anna anapongwe 16 na anavihiyana 6, mbwenye mulombwana Simeyi adibiliye tchanna ahima adjindji nne eto nlogo newa tchaindjivihilena nnga jere atu a nlogo na Juda. 28Aliwa kakala sidadi di: Beriseba, Molada, Hazari-Suwali, 29Bila, Ezemi, Tolade, 30Betuweli, Horima, Zikalagi, 31Bete-Markaboti, Hazari-Susimi, Bete-Biri na Sarayimi. Di ti sidadi dewa fiyeda tempu yatonga Davi. 32Tatamo dewa dali Etani, Ayimi, Rimoni, Tokeni na Asani. Sidadi tanu, 33na tatamo datene darungunuwile sidadi dedo fiyeda sidadi ya Bali. Anna kali mamburo kakala atu eto kolremba malista a makolo ewa. 34Asogolrelri ewa maziniwa ba ala: Mezobabe, Jamuleki, Josa mwana Amaziya, 35Joweli, Jewu (wenno ali mwana Jozibiya, mwana Seraya, mwana Asiyeli), 36Eliyowenayi, Jakoba, Jesowaya, Asaya, Adiyeli, Jesimiyeli, Benaya, 37Ziza mwana Sifi, (wenno ali mwana Aloni, mwana Jedaya, mwana Simiri, mwana Semaya). 38Fwanyeya anna bali asogolrelri a muibalini mwewa fiyeda ira nlogo newa nohoindjivana hakala masika. 39Na mwasa oindjiva, kohofiya makumelo wa nzuwa wandamelana Jedori kasakaga nimburo napama noira kadjihegevo jifuwo jiwa. 40Wewule kohofwanya mpinda wapama ilambo ilukulwene yokana murendele no pwaseya. Ilambo yenne akaletchamo wanle ali akuda Kamu. 41Tempu Ezekiya agali mwene wa Juda, asogolrelri kawongiwa va ala kohodowa, aliwa bwanyula misasa da akuda Meyunimu, aliwa atolotcha atene kafwanyeya wewule, ante aliwa havweleleyaga fiyeda siku na peno. Kagairile enne, aliwa kohoroma kalamo. Kairele enne mwasiwa kafuna nimburo nne ira kakalegemo, voira nali nimburo na mpinda wapama para djihavo anavinyama ewa. 42Akuda Simeyawu amohiwa ofiya 500 kohodowa gondjiha ilambo ya mwango Seyire muwari mosogolrelriwa na Pelatiya, Neyariya, Refaya na Uziyeli ahima a mulombwana Isi. 43Aliwa kohapa Amaleki ohala anno katawile afwiwa kapiwaga. Kagaapile, kohotukulaga ilambwele, aliwa kalaga emo fiyeda siku na peno.
Currently Selected:
1 Koronika 4: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
