1 Koronika 24
24
Davi ohagawamo anamakuta makuru makuru
1Ala ba makalelo kagaweyile ahima a Arawu nikuru nikuru. Ahima a Arawu ba ala: Nadabe, Abiyu, Eliyazari na Itamari. 2Nadabe na Abiyu kohokwa babiwa ahanakwe eto tchanna ahima. Evale Eliyazari na Itamari kohoroma laba mabasa a unamakuta. 3Davi ohagawamo nikuru nikuru molingana na mabasiwa ofwanela ira kalabege. Davi airilena enne mokamihediwa na Zadoki wa muibalini mwa Eliyazari vamohi na Ayimeleki wa muibalini mwa Itamari. 4Fwanyeya ira asogolrelri a muibalini mwa Eliyazari kohoindjiva kwaranya asogolrelri a muibalini mwa Itamari. Na mwasa wenne, kagaweyile eni: Muibalini mwa Eliyazari mwakumile asogolrelri 16 eto muibalini mwa Itamari mwakumile asogolrelri atanu na araru. 5Ira kawande gawa makuru ale, kasakannye jogu ya ngari. Mwasiwa muwari mwa aliwa mohokala andimuwa a nimburo notchena na andimuwa a ja Mulugu#24:5 Kavinaiziweya pama mabasa kalabaandimuwa a nimburo notchena na mabasa kalaba andimuwa a ja Mulugu. vari va ahima a Eliyazari na ahima a Itamari. 6Evale namalremba Semaya, mwana Netaneli nkuda Levi, ohalremba maziniwa vamentoni va mwene na andimuwa na anamakuta Zadoki na Ayimeleki mwana Abiyatare na vamentoni va asogolrelri a muibalini mwa anamakuta na aLevi afwiwa. Aliwa kasakulriwe mwa ngari mohariha pandi ya Eliyazari mmohi na pandi ya Itamari mmohi iragave eno.
7Ngari diwa dagwenle na makalelo ala:
1. Jeyowaribe, 2. Jedaya, 83. Harimi, 4. Seyorimu, 95. Malikiya, 6. Miyamini, 107. Akozi, 8. Abiya, 119. Jesuwa, 10. Sekaniya, 1211. Eliyazibe, 12. Jakimu, 1313. Hupa, 14. Jezebeyabe, 1415. Biliga, 16. Imeri, 1517. Heziri, 18. Hapizeji, 1619. Petaiya, 20. Jezikele, 1721. Jakimi, 22. Gamuli, 1823. Delaya, 24. Maziya. 19Aliwa kafuna kalabege mwa makalelo anne nikuru nikuru, kavolowa muNyumbani mwa Yehova mohariha nnga mwemo mwaarumile nikolo newa Arawu, nnga mwemo Nabwiya Mulugu wa aIzarayeli mwamurumele liye.
20Zela aLevi amohiwa ohala, asogolrelri ewa ba ala: Mwa atu a muibalini mwa Amiramu ali Subayeli. Mwa atu a muibalini mwa Subayeli ali Jediya. 21Zela atu a muibalini mwa Reyabiya, musogolrelri wewa ali Isiya. 22Mwa atu a muibalini mwa aIzari ali Selomite. Mwa atu a muibalini mwa Selomite ali Jahate. 23Ahima a Heboroni ba ala: Murandji baliwa aitaniwa Jeriya, wanembinli aitaniwa Amariya, waneraru aitaniwa Jahaziyeli, wanennayi aitaniwa Jekamiyawu. 24Mwana Uziyeli aitaniwa Mika, Mika mwanaye aitaniwa Samiri. 25Mika mbalaye aitaniwa Isiya. Isiya mwanaye aitaniwa Zakariya. 26Ahima a Merari kali: Mali na Musi. Mwana Jaziya aitaniwa Beno. 27Ahima a Merari okumela wa Jaziya ba ala: Beno, Sowawu, Zakuri na Ibiri. 28Ahima a Mali kali Eliyazari na Kixi. Eliyazari ule kambanle mwana. 29Mwana Kixi ali Jerameyele. 30Ahima a Musi kali Mali, Ederi na Jerimoti. Anna bali atu a muibalini mwa Levi, mohara nnga mwemo mwaindjivele maziza ewa. 31Aliwa eto kohosakanya jogu ya ngari vamentoni va mwene Davi, na vamentoni va Zadoki na Ayimeleki na vamentoni va asogolrelri a muibalini mwa anamakuta na aLevi afwiwa nnga mwemo mwairilena atu a muibalini mwa Arawu. Atu a muibalini mwa mwana mulukulu na atu a muibalini mwa mbalaye mung'onong'ono kairilena na makalelo amohive se nsakulro.
Currently Selected:
1 Koronika 24: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
