Jabuura 143
143
Jabuura 143
1Jabuura Daawda
Yaa Joomiraaɗo, hettina du'aaw am,
nanu bullaali am,
de njaaboɗaa kam sabo a koolniiɗo, a ponnditiiɗo.
2Taa hiita maccuɗo maaɗa,
sabo buurɗo fay gooto laaɓaa yeeso maaɗa.
3Ganyo torrii kam,
liɓii kam de niisi kam.
O waɗii mi wuurii ley nimre
hono maayɓe gilla ko ɓooyi.
4Mi tampii sanne,
hakkillo am wemmbake!
5Miɗo miccitoo ko wittii,
miɗo miiloo huunde fuu ko ngaɗuɗaa,
miɗo fillitoo golle juuɗe maaɗa.
6Miɗo ɓanti juuɗe am faro maaɗa,
inani kam yeeso maaɗa, hono leydi ɗomɗundi. (*Selah)
7Yaa Joomiraaɗo, jaabam law!
Yonki am na nesa dillude!
Taa tottintinam yeeso maaɗa.
Taa mi laatoo hono jippotooɓe ley saabeere.
8Faaminam hinney maaɗa gilla subaka,
sabo wo aan kooliimi.
Anndinam laawol ngol ndewanmi,
sabo miɗo fooɗanoo to maaɗa.
9Yaa Joomiraaɗo, dannam e wayɓe kam,
sabo to maaɗa cuuɗotoomi.
10Ekintinam waɗude muuyɗe maaɗa,
sabo aan woni Laamɗo am.
Ruuhu maaɗa na wooɗi.
O ɗowa kam faa e nokkuure hoolniinde.
11Wuurnam, yaa Joomiraaɗo,
saabe teddeengal innde maaɗa.
Wurtinam e ɓillaare saabe fonnditaare maaɗa!
12Piɗɗaa wayɓe kam saabe hinney maaɗa,
kalkaa haɓdiiɓe am fuu,
sabo miin wo mi maccuɗo maaɗa.
Currently Selected:
Jabuura 143: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
