Jabuura 118
118
Jabuura 118
1Njettee Joomiraaɗo sabo wo moƴƴuɗo.
Hinney makko timmataa faa abada.
2Yimɓe Israa'iila mbi'a:
Hinney makko timmataa faa abada.
3Ƴuwdi Haaruuna du wi'a:
Hinney makko timmataa faa abada.
4Hulooɓe Joomiraaɗo mbi'a:
Hinney makko timmataa faa abada.
5Wakkati ngondunoomi e ɓillaare ndeen, mi noddii Joomiraaɗo
de nootii kam, danni kam lay.
6Joomiraaɗo na wondi e am.
Mi hulataa faa'e.
Walaa ko ɓiɓɓe-Aadama mbaawi e am.
7Joomiraaɗo na wondi e am,
imo wallita kam.
Mi yi'an saamugol wayɓe am.
8Moolaade Joomiraaɗo
na ɓuri hoolaade ɓii-Aadama.
9Moolaade Joomiraaɗo
na ɓuri hoolaade ardiiɓe.
10Lenyi janani fuu piilakeno kam,
ammaa mi halkirii ɗi e innde Joomiraaɗo.
11Ɗi piilorake kam tatteeji fuu,
ammaa mi halkirii ɗi e innde Joomiraaɗo.
12Ɗi piilorake kam hono yowre nyaaki,
ammaa ɗi kalkii law hono no ji'e bulaaɗe,
mi halkirii ɗi e innde Joomiraaɗo.
13A yerƴirii kam e semmbe faa liɓaa kam,
ammaa Joomiraaɗo wallii kam.
14Joomiraaɗo woni semmbe am!
kanko woni mo manammi,
kanko woni kisinɗo kam.
15Ilinaali jaalorgal ummake ley koɗorɗe fonnditiiɓe:
Semmbe Joomiraaɗo gollii!
16Semmbe Joomiraaɗo ɓangii!
Semmbe Joomiraaɗo gollii!
17A'aa, mi maayataa, mi wuuran!
Mi fillitoto kabaaru golle Joomiraaɗo.
18Joomiraaɗo eeltii kam,
ammaa o accaay maayde hooƴi kam.
19Omtanee kam dammbuɗe, dammbuɗe ɗowtantooɓe Laamɗo,
faa mi naata, mi yetta Joomiraaɗo.
20Inan dammbugal Joomiraaɗo,
fonnditiiɓe fuu naatira ngal.
21Miɗo yette, sabo a jaabake kam,
de laataniɗaa kam kisinoowo.
22Hayre nde nyiɓooɓe calii ndeen,
laatake tiigorde nyimngo ngoon.
23Ɗum wo golle Joomiraaɗo,
iɗum haaynii e gite meeɗen.
24Ndee, wo nyalaande nde Joomiraaɗo waɗi!
Nde laatanoo en nyalaande seyo e mbelɗum.
25Yaa Joomiraaɗo, hisin min!
Yaa Joomiraaɗo, hokku min daliili!
26Barke woodanii garduɗo e innde Joomiraaɗo.
Miɗen mbarkina on gilla ley suudu Laamɗo seniindu.
27Joomiraaɗo kam woni Laamɗo,
imo yaynirana en e annoora makko.
Ardondiree, mono fuu tiigoo licce,
faa kewton luwe sakkirde.
28Aan woni Laamɗo am, miɗo yette!
Aan Laamɗo am, miɗo teddine.
29Njettee Joomiraaɗo, sabo wo moƴƴuɗo.
Hinney makko timmataa faa abada!
Currently Selected:
Jabuura 118: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
