Jabuura 116
116
Jabuura 116
1Miɗo yiɗi Joomiraaɗo sabo imo nana daande am.
Imo nana bullaali am.
2O hettindanake kam.
Mi noddan mo haddi nguurndam am fuu.
3Ɓoggi maayde kaɓɓiino kam,
callali laahara piilakeno kam,
mettorgal e torra keewiino kam.
4Ndeen noddumi innde Joomiraaɗo,
miɗo wi'a: Yaa Joomiraaɗo, dannam!
5Joomiraaɗo wo jurmotooɗo, wo ponnditiiɗo,
Laamɗo meeɗen wo keewɗo yurmeende.
6Joomiraaɗo na reena ɓe ngalaa anndal.
Mi laatakeno lokkaajo, ammaa o hisinii kam.
7Ɓernde am, yecca fukka!
Sabo Joomiraaɗo waɗanii kam ko wooɗi.
8Yaa Joomiraaɗo, a dannii yonki am e maayde.
A mooytanii kam gonɗi am.
A reenii koyɗe am e fergorde,
9faa mi yaha yeeso Joomiraaɗo,
dow leydi wuurɓe.
10Miɗo hoolinoo fay nde mbi'annoomi:
«Mi torrake sanne!»
11Ley wemmbere am, mi wi'iino:
«Yimɓe fuu wo fenooɓe».
12Ɗume mbaawumi waɗande Joomiraaɗo
saabe moƴƴereeji ɗi waɗani kam?
13Mi ɓantan yardude kisindam.
Mi noddiran Joomiraaɗo innde muuɗum.
14Mi yottinan ko aadiimi waɗande Joomiraaɗo ɗuum,
yeeso yimɓe muuɗum fuu.
15Maayde hooliiɓe Joomiraaɗo
na laatii ko teddi yeeso muuɗum.
16Yaa Joomiraaɗo, goonga mi maccuɗo maaɗa,
mi maccuɗo ɓii korɗo maaɗa.
A haɓɓitii kam e ɓoggi.
17Mi sakkante kirsamaari faa mi yette.
Mi noddan innde maaɗa, yaa Joomiraaɗo.
18Mi yottinan ko aadiimi waɗande Joomiraaɗo ɗuum,
yeeso kawrital yimɓe muuɗum,
19ley taliyaare suudu Joomiraaɗo,
hakkunde maaɗa, aan Urusaliima!
Haleluuya!
Currently Selected:
Jabuura 116: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
