Jabuura 115
115
Jabuura 115
1Wanaa saabe amin, yaa Joomiraaɗo, wanaa saabe amin,
Ammaa saabe teddeengal innde maaɗa
e hinney maaɗa e hoolnaare maaɗa.
2Ko saabii de lenyi janani na mbi'a:
Ndelle toy Laamɗo maɓɓe oon woni?
3Laamɗo meeɗen oon na woni dow kammu,
imo waɗa ko o haajaa fuu.
4Tooruuji maɓɓe wo kaŋŋe e cardi ngaɗiraa,
kujje ɗe ɓiɓɓe Aadama tafiri e juuɗe muɓɓen.
5Iɗi ngoodi kunnduɗe ammaa ɗi mbaawaa haalude.
Iɗi ngoodi gite ammaa ɗi mbaawaa yi'ude.
6Iɗi ngoodi noppi ammaa ɗi mbaawaa nanude.
Iɗi ngoodi hinere ammaa ɗi mbaawaa uurnaade.
7Iɗi ngoodi juuɗe ammaa ɗi mbaawaa meemude.
Iɗi ngoodi koyɗe ammaa ɗi mbaawaa yahude.
Fay soonaango waawaa wurtaade e daaɗe majji.
8Laamɗo waɗa waɗooɓe ɗi ɓeen nannda e majji.
Hooliiɓe ɗi ɓeen laatoo hono majji.
9Onon Israa'iilankooɓe, koolee Joomiraaɗo.
Kanko woni balloowo mon, kanko laatii wawaade mooɗon.
10Onon suudu Haaruuna, koolee Joomiraaɗo.
Kanko woni balloowo mon, kanko laatii wawaade mooɗon.
11Onon hulooɓe Joomiraaɗo, koolee Joomiraaɗo.
Kanko woni balloowo mon, kanko laatii wawaade mooɗon.
12Joomiraaɗo na miccitoo en. O barkinan en.
O barkinan Israa'iilankooɓe.
O barkinan suudu Haaruuna.
13O barkinan hulooɓe mo,
sukaaɓe e mawɓe fuu.
14Joomiraaɗo ɗuuɗinan on,
onon e ɓiɓɓe mooɗon.
15Laatee ɓe Joomiraaɗo barkini,
kanko taguɗo kammu e leydi oon.
16Kammu wo jeyal Joomiraaɗo,
ammaa o hokki leydi laatoo jeyal ɓiɓɓe-Aadama.
17Wanaa maayɓe manata Joomiraaɗo,
wanaa jippiiɓe ley nokkuure yeewniinde ɓeen.
18Ammaa enen kaa, en njettan Joomiraaɗo
gilla joonin faa abada!
Haleluuya!
Currently Selected:
Jabuura 115: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
