Banndi 24
24
Haala sappo e njeenayaɓa
1Taa muuyu nanndude e bonɓe,
taa muuye jaadal maɓɓe,
2ngam ɓerɗe maɓɓe miilataakona toonya,
ɗemle maɓɓe ngaddataana bone.
Haala noogayaɓa
3Hakkillo nyiɓata suudu,
paamal darnirta ndu no wooɗiri.
4Anndal du, hebbinta cuuɗi yeesooji gineeji korsuɗi.
Haala noogay e ngo'aɓa
5Jom hakkillo ina heewi baawɗe,
gooduɗo anndal ina ɓeyda semmbe mum.
6Konu, sanaa dabare.
Jaalagol du, sanaa tindinooɓe ɗuuɗɓe.
Haala noogay e ɗiɗaɓa
7Anndal yawtii hoore puuyɗo,
o walaa ko o haala ley dawrirde.
Haala noogay e tataɓa
8Miilotooɗo waɗude ko boni, wo umminoowo hakkillo.
9Dabare puuyɗo woni hakke,
jalnortooɗo ina nyiddinii to yimɓe.
Haala noogay e nayaɓa
10Si a tampii nyannde ɓillaare fu,
ɗum hollii a walaa semmbe.
Haala noogay e njoyaɓa
11Dannu wareteeɓe ɓe ngaɗaay baasi,
taa accu ɓe ndaasiree faro maayde ɓolum.
12Si a wi'i: «Minen, min anndaa.»
Etoowo ɓernde tagaaɗo fuu oon kaa na anndi.
Kiilniiɗo yonki maa oon na anndi.
Wanaa kanko yoɓata neɗɗo fuu fodde golle mum naa?
Haala noogay e njeegoyaɓa
13Ɓiyam, nyaamu njuumndi, ngam na wooɗi,
belɗum njuumndi du na weli nder hunnduko maa.
14Anndu du, hakkillo noon welirta yonki maa,
si a heɓii ngo, a maatan mbelɗum ley ko waroyta,
jikke maa du halkataake.
Haala noogay e njeɗɗaɓa
15Taa ngaɗaa dabare teetude ɓaade ponnditiiɗo
hono no bonɗo waɗata noon,
taa sankitin wuro muuɗum.
16Sabo ponnditiiɗo fay si saami nde jeɗɗi, ummoto.
Bonɓe kaa, caaman ley masiiba.
Haala noogay e njeetataɓa
17Taa weltora boɓɓagol ganyo ma.
Nde o fergake, taa welta.
18Sabo si Joomiraaɗo yi'ii ɗum fu, ɗum mettan ɗum,
de itta tikkere ndeen dow makko.
Haala noogay e njeenayaɓa
19Taa ɓernan waɗooɓe ko boni,
taa hiru bonɓe.
20Sabo bonɗo waawaa tabitinde,
hoodere muuɗum nyifete.
Haala capanɗe tataɓa
21Ɓiyam, hulu Joomiraaɗo, hulu kaananke du,
taa yigondir e muurtanooɓe ardiiɓe muɓɓen,
22ngam tikkere Joomiraaɗo e nde kaananke cankitilawan ɓe.
Moy anndi iri kulol manngol ngol ɓe neldetee?
Haalaaji dow hakkillo
23Inan haalaaji jom'en hakkillo:
Nder kiite, ɓurdinde yimɓe wooɗaa.
24Bi'oowo bonɗo: «A ponnditiiɗo» fu,
yimɓe kuɗan ɗum, lenyi tikkanan ɗum.
25Ammaa hiitotooɓe bonɓe njahan yeeso,
ɓe mbarkinte barke mawɗo.
26Jaabagol goonga
wo hono wuundagol yigiiwo.
27Fadde maa waɗude suudu,
remu ngesa maa no wooɗiri,
timminaa golle magga fuu.
28Taa seeda dow goɗɗo si a walaa sabaabu,
taa waɗu iri fewre nde.
29Taa wi'u: «Sanaa mi yomnitoo,
mi waɗan mo haddu ko o waɗi kam.»
30Laawol waddi kam dow ngesa jaasuɗo,
ɗakkol kohogol puuyɗo.
31Inani nga, gi'e ina ndarii nokku fuu,
huɗo na daɗɗii nder magga,
kokuwol magga ina saamii.
32Miin le, ko nji'umi ɗum fu, miiliimi dow majjum,
de inan ko paamumi:
33ɗoyngol seeɗa, ŋoŋugol seeɗa,
piilondirol juuɗe faa fowta,
34ndeen talkaaku e waannde njippoto dow maaɗa,
hono teetoowo e janoowo.
Currently Selected:
Banndi 24: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
