Esaaya Ko taweten ley dewtere ndee
Ko taweten ley dewtere ndee
Dewtere Esaaya na waawi fecceede pecce tati:
Feccere go'aɓerde na haala kabaaru lenyol Yahuuda (suura 1 faa yaade 39). Wakkati oon Yahuuda na wuurdunoo e kulol Asuurankooɓe e Baabilankooɓe manngol. Go'o kaa, Asuurankooɓe na ndawranannoo lenyol ngool, wooɗi du, ingol wuurdunoo e muurtere, ingol waɗannoo hakkeeji, ingol laatinoo yedduɓe Laamɗo. Wo saabe ɗuum de Esaaya yamiri Yahuudiyankooɓe ɓeen e hooreeɓe muɓɓen fuu njeccoo to Joomiraaɗo, Laamɗo muɓɓen. Esaaya holli ɓe ko Laamɗo wurtinan e suudu Daawda gorko gaddoowo jam ley duuniyaaru (suura 9:2-7).
Feccere ɗiɗaɓerde na haala kabaaru nanngeede Yahuudiyankooɓe njaaree Baabiila (suura 40 faa yaade 55). Esaaya holli ɓe ko Laamɗo waaltinan ɓerɗe maɓɓe wooɗi du yeccinan ɓe Israa'iila de barkina leydi maɓɓe ndiin. Esaaya holli du no laamu Laamɗo ɓurdi huunde fuu ley adunaaru, no ɓurdi tooruuji e kaanankooɓe duuniyaaru ndu. O wi'i ɓe ko Laamɗo anniyake barkinde lenyi adunaaru fuu saabe barke nelaaɗo muuɗum mo Israa'iila oon.
Ley feccere tataɓerde ndeen Esaaya na haala kabaaru yeccagol Yahuudiyankooɓe ley Urusaliima (suura 56 faa yaade 66). Esaaya semmbinɗini lenyol Yahuuda, holli ɓe ko Joomiraaɗo yottinan aadi muuɗum, o hiitoto duuniyaaru ndu. O tindini ɓe ɓe mbuurda e fonnditaare, ɓe ngaɗa ko dartii, ɓe ngolla golle lobbe, ɓe teddina nyalaaɗe ceniiɗe powteteeɗe, ɓe tinnoo e waɗude sadakaaji e du'aawuuji ɗi Laamɗo yiɗi.
Iisaa janngii Esaaya 61:1-2 wakkati fuɗɗannoo golle muuɗum ley duuniyaaru ndeen (Lukka 4:18-19).
Ko'e haalaaji mawɗe
Suura 1 faa 39: Haala sappangol Yahuudiyankooɓe faa njeccoo to Joomiraaɗo.
Suura 40 faa 55: Haala no Laamɗo hisinirta Yahuudiyankooɓe.
Suura 56 faa 66: Haala laamu Joomiraaɗo dow huunde fuu.
Currently Selected:
Esaaya Ko taweten ley dewtere ndee: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022