Esaaya 58
58
Haala suumayeere nde Joomiraaɗo yamiri
1Fiyu nyonaango, taa deƴƴina!
Ɓantu daande maaɗa hono fuufaango luwal,
mbi'aa yimɓe am ɓeen ko luttii,
ɓannginanaa suudu Yaakuuba hakkeeji muuɗum.
2Iɓe piloo kam subaka pinɗo fuu.
Iɓe njiɗi anndude laawi am,
hono lenyol gaɗoowol ko fonnditii,
ngol yoppay sariya Laamɗo muuɗum.
Iɓe ŋaaroo kam kiite goongaaje,
iɓe njiɗi ɓattaade Laamɗo.
3Iɓe mbi'a:
Yaa Laamɗo, ɗume suumagol amin nafi,
si a taykataako ɗum?
Ko ɗume de miɗen ɗalitoo ndiyam e nyaamdu,
de a anndanaa ɗum?
Inan fay nyannde cuumiɗon du,
oɗon ngaɗa giɗaale mooɗon,
oɗon torra gollanooɓe on.
4Nde cuumiɗon du, wo fitina e kalala e guƴƴe bonɗe tan.
Si oɗon keddii e suumoraade noon,
noy keɓirton jaabaneede faa dow kammuuli toon?
5Yalla wo nii suumayeere nde njamirmi ndeen worri,
nyalaande nde ɓii Aadama leeƴinta hoore muuɗum ndeen?
Yalla wo turude hoore muuɗum hono kuɗol,
naa fukkodaade e bootooru dow ndoondi?
Yalla wo ɗuum ndaarduɗaa suumayeere,
nyalaande nde Joomiraaɗo seyorotoo ndeen naa?
6Inan suumayeere nde kaajaami:
Haɓɓitin haɓɓiraaɓe callali e bonnde,
taƴaa ɓoggi maccungaaku,
njoppaa torreteeɓe ndillida e ndimaaku
de ittaa ko laatii donngal dow ko'e yimɓe fuu.
7Kokkaraa jolbuɗo nyaamdu,
ngartiraa talkaaɓe ɓe ngalaa ɗo cuuroo ɓeen ley ɓaadeeji.
Koltinaa holuɓe.
Taa tottitoɗaa sakiike maaɗa?
8Ndeen annoora maaɗa fooyan hono pooyngol fajiri.
Semmbe maaɗa wartan law.
Fonnditaare maaɗa ardete,
de teddeengal Joomiraaɗo reenire gaɗa.
9Ndeen a noddan de Joomiraaɗo noote.
A ɗaɓɓan walleede de o jaabe o wi'a: Inani kam!
Si a woɗɗinii e maaɗa gollinde golle maccungaaku,
si a selii felɓude e haalude haalaaji bonɗi fu,
10de aɗa hokka dafaaɗo ko kaajaɗaa aan e hoore maaɗa,
aɗa haarna jurminiiɗo,
ndeen annoora maaɗa yaynan ley nimre,
nimre maaɗa ndeen du yayniran hono hakkunde naange.
11Joomiraaɗo ɗowete wakkati fuu.
O haarnete fay ley ladde yoornde de o semmbinɗina terɗe maaɗa.
A laatoto hono sardiŋe kaarɗo ndiyam,
hono ildude ndiyam nde ndiyam muuɗum hoortataa.
12Saabe maaɗa, yimɓe nyiɓtoto bille arandeeje.
A ummintinan joƴƴinirɗe jamaanuuji paltiiɗi.
A noddirte cukkoowo guɗɗe kokuuji, moƴƴintinoowo laawi,
faa yimɓe njooɗoo e jam.
Haala nyalaande fowteteende welnde Joomiraaɗo
13Si a hakkilii taa kuyfinaa nyalaande fowteteende ndeen,
tawa a waɗay giɗaaɗe maaɗa nyannde nyalaande am seniinde ndeen,
de a inndirii nyalaande ndeen nyalaande welnde.
Si aɗa wi'a nyalaande Joomiraaɗo seniinde ndeen wo nyalaande teddunde,
si a teddinirii nde e yoppugol anniyaaji maaɗa,
tawa a waɗay gollal maaɗa fay gootal,
a haalay haalaaji ɓoli fu,
14ndeen a weltorto Joomiraaɗo,
de mi waɗa mbaancoɗaa dow baamle leydi ndiin.
Mi nyaamnete ndonngu Yaakuuba, baaba maaɗa.
Wo hunnduko Joomiraaɗo wi'i noon.
Currently Selected:
Esaaya 58: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 58
58
Haala suumayeere nde Joomiraaɗo yamiri
1Fiyu nyonaango, taa deƴƴina!
Ɓantu daande maaɗa hono fuufaango luwal,
mbi'aa yimɓe am ɓeen ko luttii,
ɓannginanaa suudu Yaakuuba hakkeeji muuɗum.
2Iɓe piloo kam subaka pinɗo fuu.
Iɓe njiɗi anndude laawi am,
hono lenyol gaɗoowol ko fonnditii,
ngol yoppay sariya Laamɗo muuɗum.
Iɓe ŋaaroo kam kiite goongaaje,
iɓe njiɗi ɓattaade Laamɗo.
3Iɓe mbi'a:
Yaa Laamɗo, ɗume suumagol amin nafi,
si a taykataako ɗum?
Ko ɗume de miɗen ɗalitoo ndiyam e nyaamdu,
de a anndanaa ɗum?
Inan fay nyannde cuumiɗon du,
oɗon ngaɗa giɗaale mooɗon,
oɗon torra gollanooɓe on.
4Nde cuumiɗon du, wo fitina e kalala e guƴƴe bonɗe tan.
Si oɗon keddii e suumoraade noon,
noy keɓirton jaabaneede faa dow kammuuli toon?
5Yalla wo nii suumayeere nde njamirmi ndeen worri,
nyalaande nde ɓii Aadama leeƴinta hoore muuɗum ndeen?
Yalla wo turude hoore muuɗum hono kuɗol,
naa fukkodaade e bootooru dow ndoondi?
Yalla wo ɗuum ndaarduɗaa suumayeere,
nyalaande nde Joomiraaɗo seyorotoo ndeen naa?
6Inan suumayeere nde kaajaami:
Haɓɓitin haɓɓiraaɓe callali e bonnde,
taƴaa ɓoggi maccungaaku,
njoppaa torreteeɓe ndillida e ndimaaku
de ittaa ko laatii donngal dow ko'e yimɓe fuu.
7Kokkaraa jolbuɗo nyaamdu,
ngartiraa talkaaɓe ɓe ngalaa ɗo cuuroo ɓeen ley ɓaadeeji.
Koltinaa holuɓe.
Taa tottitoɗaa sakiike maaɗa?
8Ndeen annoora maaɗa fooyan hono pooyngol fajiri.
Semmbe maaɗa wartan law.
Fonnditaare maaɗa ardete,
de teddeengal Joomiraaɗo reenire gaɗa.
9Ndeen a noddan de Joomiraaɗo noote.
A ɗaɓɓan walleede de o jaabe o wi'a: Inani kam!
Si a woɗɗinii e maaɗa gollinde golle maccungaaku,
si a selii felɓude e haalude haalaaji bonɗi fu,
10de aɗa hokka dafaaɗo ko kaajaɗaa aan e hoore maaɗa,
aɗa haarna jurminiiɗo,
ndeen annoora maaɗa yaynan ley nimre,
nimre maaɗa ndeen du yayniran hono hakkunde naange.
11Joomiraaɗo ɗowete wakkati fuu.
O haarnete fay ley ladde yoornde de o semmbinɗina terɗe maaɗa.
A laatoto hono sardiŋe kaarɗo ndiyam,
hono ildude ndiyam nde ndiyam muuɗum hoortataa.
12Saabe maaɗa, yimɓe nyiɓtoto bille arandeeje.
A ummintinan joƴƴinirɗe jamaanuuji paltiiɗi.
A noddirte cukkoowo guɗɗe kokuuji, moƴƴintinoowo laawi,
faa yimɓe njooɗoo e jam.
Haala nyalaande fowteteende welnde Joomiraaɗo
13Si a hakkilii taa kuyfinaa nyalaande fowteteende ndeen,
tawa a waɗay giɗaaɗe maaɗa nyannde nyalaande am seniinde ndeen,
de a inndirii nyalaande ndeen nyalaande welnde.
Si aɗa wi'a nyalaande Joomiraaɗo seniinde ndeen wo nyalaande teddunde,
si a teddinirii nde e yoppugol anniyaaji maaɗa,
tawa a waɗay gollal maaɗa fay gootal,
a haalay haalaaji ɓoli fu,
14ndeen a weltorto Joomiraaɗo,
de mi waɗa mbaancoɗaa dow baamle leydi ndiin.
Mi nyaamnete ndonngu Yaakuuba, baaba maaɗa.
Wo hunnduko Joomiraaɗo wi'i noon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022