Esaaya 59
59
Haala hakkeeji cenndooji on e Joomiraaɗo
1A'aa, junngo Joomiraaɗo raɓɓiɗaa faa hunngoo hisinde.
Nowru makko du sukkaa faa o hunngoo nanude.
2Wo hakkeeji mooɗon ɗiin cenndi on e Laamɗo mooɗon.
Wo junuubaaji mooɗon ɗiin tottintini mo e mooɗon,
de kaɗi mo nanande on.
3Juuɗe mooɗon tuunii saabe ƴiiƴam.
Kolli mooɗon tuunii saabe hakkeeji.
Toni mooɗon na njuppa fewre.
Ɗemle mooɗon na mermerta bone.
4Fay gooto filataako goonga,
fay gooto yaadataa sariya e goonga.
Yimɓe na njowa hoolaare muɓɓen dow ɓolum,
na kaalaa haalaaji fewreeji.
Iɓe ndeeda bone, iɓe ndima war-hoore.
5Iɓe tonnyina ɓoccooɗe mboddi
iɓe canyira gaaraaji caycayɗooje.
Nyaamuɗo ɓoccooɗe ɗeen fuu maayan.
Si gootel majje fusaama du, wo ngoola wurtotoo e muuɗum.
6Gaaraaji majje ɗiin mbaawaa waɗeede kaddungal.
Ɓe mbaawaa suddirde ko'e maɓɓe e golleeji maɓɓe ɗiin.
Golleeji maɓɓe ɗiin wo golleeji bonɗi.
War-hooreeji na ngoni e juuɗe maɓɓe.
7Koyɗe maɓɓe na ndoggana waɗude ko boni.
Iɓe karanoo rufude ƴiiƴam laaɓuɗo.
Miilooji maɓɓe wo bonɗi.
Iɓe ngadda halkere e bonanda to ɓe panti fuu.
8Ɓe anndaa laawol jam.
Sariya goongaajo walaa e laawi maɓɓe.
Ɓe ngaɗanii ko'e maɓɓe laawi oonyiiɗi.
Jokkuɗo ɗi fuu anndataa jam.
No yimɓe Laamɗo annditiri hakkeeji muɓɓen
9Saabe ɗuum de sariya dartiiɗo na woɗɗi e meeɗen.
Fonnditaare du hewtataako en.
Eɗen keɗinoo annoora, ammaa wo nimre kokkaɗen!
Eɗen keɗinoo jayngol, ammaa wo ley nimre njahaten.
10Eɗen memmemta hono wumɓe ɗakkol kokuwol.
Eɗen tartarta hono yimɓe ɓe ngalaa gite.
Eɗen pergoo hakkunde naange hono yahooɓe wakkati niɓel-niɓel.
Eɗen nga'i hono maayɓe hakkunde selluɓe.
11Eɗen ubba hono ursuuji.
Eɗen uuma hono buugaali.
Eɗen keɗinoo sariya ponnditiiɗo, ammaa en keɓay faa'e.
Eɗen keɗinoo kisindam, ammaa iɗam woɗɗidi e meeɗen.
12Sabo lutti amin na ɗuuɗi yeeso maaɗa.
Hakkeeji amin na kiitoo min.
Lutti amin na ngondi e amin.
Miɗen anndi junuubaaji amin.
13Ɗuum woni: Muurtangol e jammbaade Joomiraaɗo,
tottitaade woɗɗoo Laamɗo meeɗen,
haalude haala torra e muurtere,
haalude fewre e miilooji fewreeji.
14Saabe ɗuum de sariya dartiiɗo na yeccoroo gaɗa,
fonnditaare woɗɗake,
hoolnaare na fergoo ley luumo,
dartaare walaa nokku.
15Goonga lallii,
boɗɗiiɗo ko boni fuu laatake ƴakketeeɗo.
Joomiraaɗo yi'i ko fonnditaare timmii,
de ɗuum metti ɗum sanne.
16O yi'i ko neɗɗo fay gooto walaa.
Ɗum haaynii o ko fay gooto ummaaki saabe majjum.
Ndeen o haɓani hoore makko de o jaalii.
Fonnditaare makko semmbinɗini mo.
17O ɓornii sariya dartiiɗo hono saayo njamndi,
O hippii kufune kisindam dow hoore makko.
O ɓornii kaddule yomnitagol hono toggoore.
O mojii kiram hono mojamaare.
18O yoɓtoto mono fuu fodde golle muuɗum.
O yoɓtoto haɓdiiɓe makko.
O yuppan tikkere dow haɓdooɓe e makko ɓeen fodde golleeji muɓɓen.
O yoɓtoto leyɗe hakkunde maayo fodde ngakkiiji muɓɓen.
19Innde Joomiraaɗo hulete gilla gorgal.
Teddeengal makko du yi'ete gilla lettugal.
Sabo o yottodoto e semmbe hono maayo manngo,
foofaango Joomiraaɗo wifan dow maggo.
20Dimɗinoowo waran Siyona,
to yimɓe Yaakuuba tuubuɓe e lutti muɓɓen ɓeen.
Konngol Joomiraaɗo.
21Joomiraaɗo wi'i:
Miin kaa, inan amaana mo ngaɗdanmi e maɓɓe:
Ruuhu am gonɗo e maaɗa e haalaaji am ɗi ngattumi e hunnduko maaɗa ɗiin
ittataake e hunnduko maaɗa
e kunnduɗe taaniraaɓe maaɗa
e jaatiraaɓe taaniraaɓe maaɗa gilla joonin faa abada.
Currently Selected:
Esaaya 59: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 59
59
Haala hakkeeji cenndooji on e Joomiraaɗo
1A'aa, junngo Joomiraaɗo raɓɓiɗaa faa hunngoo hisinde.
Nowru makko du sukkaa faa o hunngoo nanude.
2Wo hakkeeji mooɗon ɗiin cenndi on e Laamɗo mooɗon.
Wo junuubaaji mooɗon ɗiin tottintini mo e mooɗon,
de kaɗi mo nanande on.
3Juuɗe mooɗon tuunii saabe ƴiiƴam.
Kolli mooɗon tuunii saabe hakkeeji.
Toni mooɗon na njuppa fewre.
Ɗemle mooɗon na mermerta bone.
4Fay gooto filataako goonga,
fay gooto yaadataa sariya e goonga.
Yimɓe na njowa hoolaare muɓɓen dow ɓolum,
na kaalaa haalaaji fewreeji.
Iɓe ndeeda bone, iɓe ndima war-hoore.
5Iɓe tonnyina ɓoccooɗe mboddi
iɓe canyira gaaraaji caycayɗooje.
Nyaamuɗo ɓoccooɗe ɗeen fuu maayan.
Si gootel majje fusaama du, wo ngoola wurtotoo e muuɗum.
6Gaaraaji majje ɗiin mbaawaa waɗeede kaddungal.
Ɓe mbaawaa suddirde ko'e maɓɓe e golleeji maɓɓe ɗiin.
Golleeji maɓɓe ɗiin wo golleeji bonɗi.
War-hooreeji na ngoni e juuɗe maɓɓe.
7Koyɗe maɓɓe na ndoggana waɗude ko boni.
Iɓe karanoo rufude ƴiiƴam laaɓuɗo.
Miilooji maɓɓe wo bonɗi.
Iɓe ngadda halkere e bonanda to ɓe panti fuu.
8Ɓe anndaa laawol jam.
Sariya goongaajo walaa e laawi maɓɓe.
Ɓe ngaɗanii ko'e maɓɓe laawi oonyiiɗi.
Jokkuɗo ɗi fuu anndataa jam.
No yimɓe Laamɗo annditiri hakkeeji muɓɓen
9Saabe ɗuum de sariya dartiiɗo na woɗɗi e meeɗen.
Fonnditaare du hewtataako en.
Eɗen keɗinoo annoora, ammaa wo nimre kokkaɗen!
Eɗen keɗinoo jayngol, ammaa wo ley nimre njahaten.
10Eɗen memmemta hono wumɓe ɗakkol kokuwol.
Eɗen tartarta hono yimɓe ɓe ngalaa gite.
Eɗen pergoo hakkunde naange hono yahooɓe wakkati niɓel-niɓel.
Eɗen nga'i hono maayɓe hakkunde selluɓe.
11Eɗen ubba hono ursuuji.
Eɗen uuma hono buugaali.
Eɗen keɗinoo sariya ponnditiiɗo, ammaa en keɓay faa'e.
Eɗen keɗinoo kisindam, ammaa iɗam woɗɗidi e meeɗen.
12Sabo lutti amin na ɗuuɗi yeeso maaɗa.
Hakkeeji amin na kiitoo min.
Lutti amin na ngondi e amin.
Miɗen anndi junuubaaji amin.
13Ɗuum woni: Muurtangol e jammbaade Joomiraaɗo,
tottitaade woɗɗoo Laamɗo meeɗen,
haalude haala torra e muurtere,
haalude fewre e miilooji fewreeji.
14Saabe ɗuum de sariya dartiiɗo na yeccoroo gaɗa,
fonnditaare woɗɗake,
hoolnaare na fergoo ley luumo,
dartaare walaa nokku.
15Goonga lallii,
boɗɗiiɗo ko boni fuu laatake ƴakketeeɗo.
Joomiraaɗo yi'i ko fonnditaare timmii,
de ɗuum metti ɗum sanne.
16O yi'i ko neɗɗo fay gooto walaa.
Ɗum haaynii o ko fay gooto ummaaki saabe majjum.
Ndeen o haɓani hoore makko de o jaalii.
Fonnditaare makko semmbinɗini mo.
17O ɓornii sariya dartiiɗo hono saayo njamndi,
O hippii kufune kisindam dow hoore makko.
O ɓornii kaddule yomnitagol hono toggoore.
O mojii kiram hono mojamaare.
18O yoɓtoto mono fuu fodde golle muuɗum.
O yoɓtoto haɓdiiɓe makko.
O yuppan tikkere dow haɓdooɓe e makko ɓeen fodde golleeji muɓɓen.
O yoɓtoto leyɗe hakkunde maayo fodde ngakkiiji muɓɓen.
19Innde Joomiraaɗo hulete gilla gorgal.
Teddeengal makko du yi'ete gilla lettugal.
Sabo o yottodoto e semmbe hono maayo manngo,
foofaango Joomiraaɗo wifan dow maggo.
20Dimɗinoowo waran Siyona,
to yimɓe Yaakuuba tuubuɓe e lutti muɓɓen ɓeen.
Konngol Joomiraaɗo.
21Joomiraaɗo wi'i:
Miin kaa, inan amaana mo ngaɗdanmi e maɓɓe:
Ruuhu am gonɗo e maaɗa e haalaaji am ɗi ngattumi e hunnduko maaɗa ɗiin
ittataake e hunnduko maaɗa
e kunnduɗe taaniraaɓe maaɗa
e jaatiraaɓe taaniraaɓe maaɗa gilla joonin faa abada.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022