Esaaya 45
45
1Inan ko Joomiraaɗo wi'i dow mo suɓii oon,
dow Sirus mo ardoriimi semmbe
faa mi yaaɓa lenyi yeeso muuɗum,
mi haɓɓita kaɓɓorɗi kaanankooɓe,
mi omta dammbuɗe yeeso muuɗum,
de dammbuɗe galluuje keddoo na mbeeɗii.
2Miin e hoore am mi ardete,
mi hoynante laawol maaɗa,
mi helan gampuuje njamndi mboɗeeri,
mi heltoto cabbi njamndi ɓaleeri.
3Mi hokkete jawdi ndesaandi, jawdi cuuɗaandi
faa paamaa wo miin Joomiraaɗo noddirte e innde maaɗa.
Wo miin woni Laamɗo Israa'iila.
4Saabe Yaakuuba maccuɗo am,
e Israa'iila cuɓaaɗo am,
de noddirmi ma e innde maaɗa,
kokkumi ma innde mawnde,
fay ko a anndaano kam ɗuum fu.
5Miin woni Joomiraaɗo, goɗɗo fuu walaa.
Laamɗo goɗɗo walaa si wanaa miin.
Mi segilake ma faa njaaloɗaa ley wolde,
fay ko a anndaano kam ɗuum fu.
6Noon waɗata faa faamee
gilla puɗal naange faa yaade caamal muuɗum,
faa'e walaa si wanaa miin.
Miin woni Joomiraaɗo,
goɗɗo fuu walaa.
7Miin tagi annoora, miin waɗi nimre.
Miin hokkata jam, miin waddata bone.
Wo miin Joomiraaɗo woni gaɗoowo ɗum ɗum fuu.
8Aan kammu, saaku baade,
duule ɗeen jippina fonnditaare.
Aan leydi, omta faa kisindam fuunta,
de fonnditaare du fuɗda e majjum.
Wo miin Joomiraaɗo woni taguɗo ɗum.
9Bone woodanii pilotooɗo fitina e taguɗo ɗum,
tawee le, joomum wo loonde
hakkunde looɗe gaɗiraaɗe loope.
Yalla loonde wi'an taguɗo ɗum: Ɗume ngaɗataa?
Maa du wi'a: Golle maaɗa ɗeen wo ɓole!
10Bone woodanii biiɗo bammum: Ɗume ndimuɗaa?
Maa biiɗo inna muuɗum: Ɗume ɓeynuɗaa?
11Inan ko Joomiraaɗo, Ceniiɗo Israa'iila,
taguɗo on oon wi'i:
Yalla oɗon kaajaa ƴamude kam ko waroyta naa?
Yalla onon kokkata kam yamiroore dow ɓiɓɓe am
e dow golle juuɗe am naa?
12Wo miin tagi leydi
de tagumi ɓii-Aadama dow mayri.
Wo juuɗe am peerti kammu,
wo miin dawranta annooraaji kammu fuu.
13Miin ummini gorko mo sariya dartiiɗo oon,
wooɗi mi dartinan laawi makko fuu.
O nyiɓtoto galluure am
de o yoppa yimɓe am nannganooɓe ɓeen,
tawa njoɓanaaka, mbattitiraaka e dokkal.
Noon Joomiraaɗo Jom Kammu e Leydi oon wi'i.
14Inan ko Joomiraaɗo wi'i:
Riiku leydi Misira e nafaa leydi Kuus
e keɓal Sabankooɓe, toowɓe ɓeen
fuu faltorto to maaɗa de laatoo jeyal maaɗa.
Lenyi ɗiin ndewan gaɗa maaɗa na kaɓɓiraa e callali.
Ɓe kofoto yeeso maaɗa iɓe ngaɗa du'aaw iɓe mbi'a:
Wo to maaɗa tan Laamɗo woni.
Alla goɗɗo fuu walaa.
Tooruuji ɗiin wo ɓoli.
15Goonga, wo a Laamɗo cuuɗotooto,
aan Laamɗo Israa'iila, kisinoowo!
16Semteende hurra sehooɓe tooruuji ɓeen fuu.
Ɓe cemta de ɓe ngonda e wemmbere.
17Ammaa Israa'iila kaa, wo Joomiraaɗo hokkata ɗum kisindam faa abada.
On cemtataa, on mbemmbataako faa abada abaadin.
18Sabo inan ko Joomiraaɗo, taguɗo kammu,
Laamɗo, taguɗo leydi de tami ndi, tabintini ndi,
mo tagiray ndi ɓolum,
ammaa faa yimɓe njooɗoo e mayri oon wi'i:
Miin woni Joomiraaɗo,
goɗɗo fuu walaa si wanaa miin.
19Mi haaliray e cuncukka ley nokkuure niɓɓunde nder adunaaru.
Mi wi'aay ƴuwdi Yaakuuba: Pilee kam ɓolum!
Miin Joomiraaɗo, kaaloowo ko dartii,
miɗo holla ko fonnditii.
20Kawritee de ngaron,
ɓattee on fuu, onon hedditiiɓe hakkunde lenyi!
Tiigiiɓe leɗɗe tooruuji muɓɓen ɓeen
nyaagotooɓe alla gomma
mo waawaa hisinde ɗum'en ɓeen,
ngalaa anndal.
21Ngooynee seedaaku mooɗon, ngaddon haala mooɗon!
Ɓe fuu ɓe kawrita ɓe mbatida!
Yalla moy haali haala majjum gilla arande?
Moy holli ɗum gilla ko ɓooyi?
Si wanaa miin Joomiraaɗo?
Laamɗo goɗɗo walaa si wanaa miin.
Si wanaa miin,
Laamɗo ponnditiiɗo, kisinoowo walaa si wanaa miin.
22Onon jooɗiiɓe faa keerol leydi,
njeccee to am de kison!
Sabo miin woni Laamɗo,
goɗɗo fuu walaa.
23Mi hunorake innde am
konngol am ngool wo ponnditiingol,
konngol ngol yeddataake abada:
Koppi fuu ndikkinto yeeso am,
ɗemle fuu kunorto innde am.
24Yimɓe mbi'an dow am:
Wo e Joomiraaɗo tan fonnditaare e semmbe ngoni.
Tikkannooɓe mo ɓeen fuu ngaran to makko de cemta.
25Saabe Joomiraaɗo de ƴuwdi Israa'iila fuu
ndaardetee wo fonnditiiɓe.
Ɓe mantorto innde makko.
Currently Selected:
Esaaya 45: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 45
45
1Inan ko Joomiraaɗo wi'i dow mo suɓii oon,
dow Sirus mo ardoriimi semmbe
faa mi yaaɓa lenyi yeeso muuɗum,
mi haɓɓita kaɓɓorɗi kaanankooɓe,
mi omta dammbuɗe yeeso muuɗum,
de dammbuɗe galluuje keddoo na mbeeɗii.
2Miin e hoore am mi ardete,
mi hoynante laawol maaɗa,
mi helan gampuuje njamndi mboɗeeri,
mi heltoto cabbi njamndi ɓaleeri.
3Mi hokkete jawdi ndesaandi, jawdi cuuɗaandi
faa paamaa wo miin Joomiraaɗo noddirte e innde maaɗa.
Wo miin woni Laamɗo Israa'iila.
4Saabe Yaakuuba maccuɗo am,
e Israa'iila cuɓaaɗo am,
de noddirmi ma e innde maaɗa,
kokkumi ma innde mawnde,
fay ko a anndaano kam ɗuum fu.
5Miin woni Joomiraaɗo, goɗɗo fuu walaa.
Laamɗo goɗɗo walaa si wanaa miin.
Mi segilake ma faa njaaloɗaa ley wolde,
fay ko a anndaano kam ɗuum fu.
6Noon waɗata faa faamee
gilla puɗal naange faa yaade caamal muuɗum,
faa'e walaa si wanaa miin.
Miin woni Joomiraaɗo,
goɗɗo fuu walaa.
7Miin tagi annoora, miin waɗi nimre.
Miin hokkata jam, miin waddata bone.
Wo miin Joomiraaɗo woni gaɗoowo ɗum ɗum fuu.
8Aan kammu, saaku baade,
duule ɗeen jippina fonnditaare.
Aan leydi, omta faa kisindam fuunta,
de fonnditaare du fuɗda e majjum.
Wo miin Joomiraaɗo woni taguɗo ɗum.
9Bone woodanii pilotooɗo fitina e taguɗo ɗum,
tawee le, joomum wo loonde
hakkunde looɗe gaɗiraaɗe loope.
Yalla loonde wi'an taguɗo ɗum: Ɗume ngaɗataa?
Maa du wi'a: Golle maaɗa ɗeen wo ɓole!
10Bone woodanii biiɗo bammum: Ɗume ndimuɗaa?
Maa biiɗo inna muuɗum: Ɗume ɓeynuɗaa?
11Inan ko Joomiraaɗo, Ceniiɗo Israa'iila,
taguɗo on oon wi'i:
Yalla oɗon kaajaa ƴamude kam ko waroyta naa?
Yalla onon kokkata kam yamiroore dow ɓiɓɓe am
e dow golle juuɗe am naa?
12Wo miin tagi leydi
de tagumi ɓii-Aadama dow mayri.
Wo juuɗe am peerti kammu,
wo miin dawranta annooraaji kammu fuu.
13Miin ummini gorko mo sariya dartiiɗo oon,
wooɗi mi dartinan laawi makko fuu.
O nyiɓtoto galluure am
de o yoppa yimɓe am nannganooɓe ɓeen,
tawa njoɓanaaka, mbattitiraaka e dokkal.
Noon Joomiraaɗo Jom Kammu e Leydi oon wi'i.
14Inan ko Joomiraaɗo wi'i:
Riiku leydi Misira e nafaa leydi Kuus
e keɓal Sabankooɓe, toowɓe ɓeen
fuu faltorto to maaɗa de laatoo jeyal maaɗa.
Lenyi ɗiin ndewan gaɗa maaɗa na kaɓɓiraa e callali.
Ɓe kofoto yeeso maaɗa iɓe ngaɗa du'aaw iɓe mbi'a:
Wo to maaɗa tan Laamɗo woni.
Alla goɗɗo fuu walaa.
Tooruuji ɗiin wo ɓoli.
15Goonga, wo a Laamɗo cuuɗotooto,
aan Laamɗo Israa'iila, kisinoowo!
16Semteende hurra sehooɓe tooruuji ɓeen fuu.
Ɓe cemta de ɓe ngonda e wemmbere.
17Ammaa Israa'iila kaa, wo Joomiraaɗo hokkata ɗum kisindam faa abada.
On cemtataa, on mbemmbataako faa abada abaadin.
18Sabo inan ko Joomiraaɗo, taguɗo kammu,
Laamɗo, taguɗo leydi de tami ndi, tabintini ndi,
mo tagiray ndi ɓolum,
ammaa faa yimɓe njooɗoo e mayri oon wi'i:
Miin woni Joomiraaɗo,
goɗɗo fuu walaa si wanaa miin.
19Mi haaliray e cuncukka ley nokkuure niɓɓunde nder adunaaru.
Mi wi'aay ƴuwdi Yaakuuba: Pilee kam ɓolum!
Miin Joomiraaɗo, kaaloowo ko dartii,
miɗo holla ko fonnditii.
20Kawritee de ngaron,
ɓattee on fuu, onon hedditiiɓe hakkunde lenyi!
Tiigiiɓe leɗɗe tooruuji muɓɓen ɓeen
nyaagotooɓe alla gomma
mo waawaa hisinde ɗum'en ɓeen,
ngalaa anndal.
21Ngooynee seedaaku mooɗon, ngaddon haala mooɗon!
Ɓe fuu ɓe kawrita ɓe mbatida!
Yalla moy haali haala majjum gilla arande?
Moy holli ɗum gilla ko ɓooyi?
Si wanaa miin Joomiraaɗo?
Laamɗo goɗɗo walaa si wanaa miin.
Si wanaa miin,
Laamɗo ponnditiiɗo, kisinoowo walaa si wanaa miin.
22Onon jooɗiiɓe faa keerol leydi,
njeccee to am de kison!
Sabo miin woni Laamɗo,
goɗɗo fuu walaa.
23Mi hunorake innde am
konngol am ngool wo ponnditiingol,
konngol ngol yeddataake abada:
Koppi fuu ndikkinto yeeso am,
ɗemle fuu kunorto innde am.
24Yimɓe mbi'an dow am:
Wo e Joomiraaɗo tan fonnditaare e semmbe ngoni.
Tikkannooɓe mo ɓeen fuu ngaran to makko de cemta.
25Saabe Joomiraaɗo de ƴuwdi Israa'iila fuu
ndaardetee wo fonnditiiɓe.
Ɓe mantorto innde makko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022