Esaaya 44
44
Israa'iila, taa hulu!
1Joonin kaa, hettina Yaakuuba, maccuɗo am!
Aan Israa'iila mo cuɓiimi!
2Inan ko Joomiraaɗo taguɗo ma,
gaɗuɗo ma gilla ley reedu inna ma,
laatiiɗo balloowo maaɗa oon wi'i:
Taa hulu Yaakuuba, aan maccuɗo am.
Mi suɓake ma, aan Yesurun.
3Sabo mi weccan ndiyam dow leydi ɗomɗundi.
Mi waɗan gooruuji ila dow leydi njoorndi.
Mi neldan ruuhu am dow ɓiɓɓe maaɗa,
mi jippinan barke am dow ƴuwdi maaɗa.
4Ɓe puɗɗan hakkunde huɗo,
hono leɗɗe hunnduko ndiyam iloojam.
5Oo ɗoo wi'an: Mi jeyaaɗo Joomiraaɗo.
Oo too du innditorto innde Yaakuuba.
Goɗɗo fayen winndan e juuɗe muuɗum: Mi jeyaaɗo Joomiraaɗo,
de nyaaƴira innde Israa'iila.
Haala tafooɓe tooruuji
6Inan ko Joomiraaɗo, kaananke Israa'iila,
dimɗinoowo ɗum,
Joomiraaɗo Jom Kammu e Leydi oon wi'i:
Miin woni arandeejo, miin woni cakitotooɗo.
Laamɗo goɗɗo fuu walaa si wanaa miin.
7Moy nanndi e am?
Joomum ƴeewnoo faa toowa,
de holla kam ko waɗi
gilla nde tagunoomi yimɓe arandeeɓe,
ɓe kaalana kam ko waroyta jaango
e ko waɗoyta yeeso fuu.
8Taa kulee, taa nesi mon taƴa!
Yalla mi hollayno on ɗum gilla arande naa?
Oɗon laatii seedeeɓe am!
Yalla Laamɗo goɗɗo na woodi si wanaa miin naa?
Tefaare wonnde fuu walaa, mi anndaa ɗum.
9Tafooɓe tooruuji ɓeen lallan soy.
Ko ɓe korsinnoo ɗuum du nafataa faa'e.
Kujje ɗeen ngoni seedeeɓe maɓɓe.
Ɗe mbaawaa yi'ude.
Ɗe ngalaa anndal.
Ɗe cemtinan ɓe.
10Tafude tooru
e sehude leggal gomma fuu, nafataa faa'e!
11Tokkuɓe ɗi ɓeen fuu cemtan.
Gollooɓe ɗum ɓeen fuu wo ɓiɓɓe-Aadama tan.
Ɓe fuu ɓe kawrita
ɓe ngara yeeso am.
Ɓe fuu ɓe kulan de ɓe cemta.
12Bahillo na wulnira njamndi e ƴulɓe kuɓɓooje,
de tappira ndi martoo njamndi teddunde.
Imo gollira e semmbe junngo makko.
Ammaa si o yolbii fu, o hunngoto semmbe.
Si o yaray ndiyam du, o soman.
13Cehoowo leɗɗe na foorta ɓoggol,
na diidira e binndirgal muuɗum,
na heefira ɗum e keefirgal,
na waɗira alhaali neɗɗo e diidirgal,
o nanndina ɗum e ɓii-Aadama
faa o joƴƴina ɗum ley cuurel gomma.
14Imo soppa leɗɗe seddere,
o hooƴa leɗɗe mawɗe ɗe o acci mawni
hakkunde cukkuri ladde ɗeen.
O tiiroo leɗɗe pen de ƴoonde mawnina ɗe.
15Ɓii-Aadama na gollitoroo ɗe faa huɓɓa yiite.
Imo gollitoroo ɗe faa o ƴuuloo.
Imo gollitoroo ɗe faa o duppa buuru.
Imo gollitoroo ɗe du faa o waɗira tooru gomma.
O hofoo, o ndaarda ɗum alla
mo o sujidanta.
16O faɗɗa feccere leɗɗe makko dow yiite.
O nyaamira teewu e feccere leɗɗe ɗeen.
O duppa teewu faa o haara.
O ƴuuloroo ɗe o wi'a: Yettoore Laamɗo!
Miɗo ƴuuloo, miɗo yi'a ɗemle yiite!
17Ko heddii e majjum fuu, o waɗiran ɗum tooru gomma,
tooru makko.
Imo teddina ndu,
imo sujida yeeso mayru,
imo waɗa du'aaw, imo wi'a:
Dannam, sabo aan woni alla am!
18Yimɓe ɓeen ngalaa anndal, ngalaa hakkillo.
Gite maɓɓe cuddaama taa ɓe nji'a,
ɓerɗe maɓɓe du cukkaama taa ɓe keɓa paamal.
19O miiltataako, o walaa anndal.
O walaa paamal faa o wi'a:
Mi faɗɗii feccere majjum ley yiite.
Mi duppii buuru dow ƴulɓe majjum.
Miɗo duppa teewu, miɗo nyaama.
Ko heddii ɗuum du, mi waɗiran ɗum ko nyiddinii!
Mi sujidan mi teddina leggal ɓolal!
20Imo haɓɓondira hoore makko e ko laatii ndoondi.
Ɓernde makko hiilii mo.
O dannataa hoore makko, o wi'ataa:
Yalla ko njogiimi e junngo am nyaamo ɗuum, wanaa fewre tan naa?
Taguɗo adunaaru oon woni annduɗo no ɗum waɗiri
21Miccita kulle ɗeen, Yaakuuba,
siwtor ɗum, Israa'iila, sabo wo a maccuɗo am.
Mi tagii ma faa laatoɗaa maccuɗo am.
Israa'iila, mi yeggitataa ma.
22Mi mooytii lutti maaɗa hono no ruulde saayirta noon.
Hakkeeji maaɗa du hono no cuddi ndillirta noon.
Yecca wartu to am, sabo mi rimɗinii ma.
23Onon kammuuli, ilinee
sabo Joomiraaɗo waɗii goɗɗum.
Onon luggeefi leydi, kellee!
Onon baamle, pekkitee jaleeɗe!
Onon cukkuri e leɗɗe gonɗe e mooɗon fuu, ceyee,
sabo Joomiraaɗo rimɗinii lenyol Yaakuuba.
O hollii darja makko ley Israa'iila.
24Inan ko Joomiraaɗo, dimɗinoowo ma,
taguɗo ma gilla ley reedu inna maaɗa oon wi'i:
Miin Joomiraaɗo, wo miin tagi huunde fuu,
miin tan feerti kammuuli,
miin weɗɗiti mbeɗu leydi.
25Miɗo jiiɓa kaayeefiiji jom'en mantalla.
Miɗo majjina tiimnooɓe.
Miɗo yeccina jom'en hakkillo gaɗa.
Miɗo waɗa anndal muɓɓen laatoo puuyndam.
26Miɗo tabintina konngol maccuɗo am.
Miɗo waɗana dabareeji nelaaɓe am daliili.
Miɗo wi'a dow Urusaliima:
Yimɓe njooɗoto e maaɗa.
Galluuje Yahuuda du nyiɓtete.
Mi dartinan kokuuji majje kalkaaɗi ɗiin.
27Mi wi'ii diyeele lugguɗe: Njooree!
Mi waɗan gooruuji maaɗa koorta.
28Miɗo wi'a dow Sirus:
Wo o duroowo am,
a hiɓɓinan muuyɗe am fuu.
Miɗo wi'a dow galluure Urusaliima:
Nde nyiɓtete!
Suudu Dewal mawndu nduun du:
Joƴƴinirɗe maaɗa ndarnete!
Currently Selected:
Esaaya 44: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 44
44
Israa'iila, taa hulu!
1Joonin kaa, hettina Yaakuuba, maccuɗo am!
Aan Israa'iila mo cuɓiimi!
2Inan ko Joomiraaɗo taguɗo ma,
gaɗuɗo ma gilla ley reedu inna ma,
laatiiɗo balloowo maaɗa oon wi'i:
Taa hulu Yaakuuba, aan maccuɗo am.
Mi suɓake ma, aan Yesurun.
3Sabo mi weccan ndiyam dow leydi ɗomɗundi.
Mi waɗan gooruuji ila dow leydi njoorndi.
Mi neldan ruuhu am dow ɓiɓɓe maaɗa,
mi jippinan barke am dow ƴuwdi maaɗa.
4Ɓe puɗɗan hakkunde huɗo,
hono leɗɗe hunnduko ndiyam iloojam.
5Oo ɗoo wi'an: Mi jeyaaɗo Joomiraaɗo.
Oo too du innditorto innde Yaakuuba.
Goɗɗo fayen winndan e juuɗe muuɗum: Mi jeyaaɗo Joomiraaɗo,
de nyaaƴira innde Israa'iila.
Haala tafooɓe tooruuji
6Inan ko Joomiraaɗo, kaananke Israa'iila,
dimɗinoowo ɗum,
Joomiraaɗo Jom Kammu e Leydi oon wi'i:
Miin woni arandeejo, miin woni cakitotooɗo.
Laamɗo goɗɗo fuu walaa si wanaa miin.
7Moy nanndi e am?
Joomum ƴeewnoo faa toowa,
de holla kam ko waɗi
gilla nde tagunoomi yimɓe arandeeɓe,
ɓe kaalana kam ko waroyta jaango
e ko waɗoyta yeeso fuu.
8Taa kulee, taa nesi mon taƴa!
Yalla mi hollayno on ɗum gilla arande naa?
Oɗon laatii seedeeɓe am!
Yalla Laamɗo goɗɗo na woodi si wanaa miin naa?
Tefaare wonnde fuu walaa, mi anndaa ɗum.
9Tafooɓe tooruuji ɓeen lallan soy.
Ko ɓe korsinnoo ɗuum du nafataa faa'e.
Kujje ɗeen ngoni seedeeɓe maɓɓe.
Ɗe mbaawaa yi'ude.
Ɗe ngalaa anndal.
Ɗe cemtinan ɓe.
10Tafude tooru
e sehude leggal gomma fuu, nafataa faa'e!
11Tokkuɓe ɗi ɓeen fuu cemtan.
Gollooɓe ɗum ɓeen fuu wo ɓiɓɓe-Aadama tan.
Ɓe fuu ɓe kawrita
ɓe ngara yeeso am.
Ɓe fuu ɓe kulan de ɓe cemta.
12Bahillo na wulnira njamndi e ƴulɓe kuɓɓooje,
de tappira ndi martoo njamndi teddunde.
Imo gollira e semmbe junngo makko.
Ammaa si o yolbii fu, o hunngoto semmbe.
Si o yaray ndiyam du, o soman.
13Cehoowo leɗɗe na foorta ɓoggol,
na diidira e binndirgal muuɗum,
na heefira ɗum e keefirgal,
na waɗira alhaali neɗɗo e diidirgal,
o nanndina ɗum e ɓii-Aadama
faa o joƴƴina ɗum ley cuurel gomma.
14Imo soppa leɗɗe seddere,
o hooƴa leɗɗe mawɗe ɗe o acci mawni
hakkunde cukkuri ladde ɗeen.
O tiiroo leɗɗe pen de ƴoonde mawnina ɗe.
15Ɓii-Aadama na gollitoroo ɗe faa huɓɓa yiite.
Imo gollitoroo ɗe faa o ƴuuloo.
Imo gollitoroo ɗe faa o duppa buuru.
Imo gollitoroo ɗe du faa o waɗira tooru gomma.
O hofoo, o ndaarda ɗum alla
mo o sujidanta.
16O faɗɗa feccere leɗɗe makko dow yiite.
O nyaamira teewu e feccere leɗɗe ɗeen.
O duppa teewu faa o haara.
O ƴuuloroo ɗe o wi'a: Yettoore Laamɗo!
Miɗo ƴuuloo, miɗo yi'a ɗemle yiite!
17Ko heddii e majjum fuu, o waɗiran ɗum tooru gomma,
tooru makko.
Imo teddina ndu,
imo sujida yeeso mayru,
imo waɗa du'aaw, imo wi'a:
Dannam, sabo aan woni alla am!
18Yimɓe ɓeen ngalaa anndal, ngalaa hakkillo.
Gite maɓɓe cuddaama taa ɓe nji'a,
ɓerɗe maɓɓe du cukkaama taa ɓe keɓa paamal.
19O miiltataako, o walaa anndal.
O walaa paamal faa o wi'a:
Mi faɗɗii feccere majjum ley yiite.
Mi duppii buuru dow ƴulɓe majjum.
Miɗo duppa teewu, miɗo nyaama.
Ko heddii ɗuum du, mi waɗiran ɗum ko nyiddinii!
Mi sujidan mi teddina leggal ɓolal!
20Imo haɓɓondira hoore makko e ko laatii ndoondi.
Ɓernde makko hiilii mo.
O dannataa hoore makko, o wi'ataa:
Yalla ko njogiimi e junngo am nyaamo ɗuum, wanaa fewre tan naa?
Taguɗo adunaaru oon woni annduɗo no ɗum waɗiri
21Miccita kulle ɗeen, Yaakuuba,
siwtor ɗum, Israa'iila, sabo wo a maccuɗo am.
Mi tagii ma faa laatoɗaa maccuɗo am.
Israa'iila, mi yeggitataa ma.
22Mi mooytii lutti maaɗa hono no ruulde saayirta noon.
Hakkeeji maaɗa du hono no cuddi ndillirta noon.
Yecca wartu to am, sabo mi rimɗinii ma.
23Onon kammuuli, ilinee
sabo Joomiraaɗo waɗii goɗɗum.
Onon luggeefi leydi, kellee!
Onon baamle, pekkitee jaleeɗe!
Onon cukkuri e leɗɗe gonɗe e mooɗon fuu, ceyee,
sabo Joomiraaɗo rimɗinii lenyol Yaakuuba.
O hollii darja makko ley Israa'iila.
24Inan ko Joomiraaɗo, dimɗinoowo ma,
taguɗo ma gilla ley reedu inna maaɗa oon wi'i:
Miin Joomiraaɗo, wo miin tagi huunde fuu,
miin tan feerti kammuuli,
miin weɗɗiti mbeɗu leydi.
25Miɗo jiiɓa kaayeefiiji jom'en mantalla.
Miɗo majjina tiimnooɓe.
Miɗo yeccina jom'en hakkillo gaɗa.
Miɗo waɗa anndal muɓɓen laatoo puuyndam.
26Miɗo tabintina konngol maccuɗo am.
Miɗo waɗana dabareeji nelaaɓe am daliili.
Miɗo wi'a dow Urusaliima:
Yimɓe njooɗoto e maaɗa.
Galluuje Yahuuda du nyiɓtete.
Mi dartinan kokuuji majje kalkaaɗi ɗiin.
27Mi wi'ii diyeele lugguɗe: Njooree!
Mi waɗan gooruuji maaɗa koorta.
28Miɗo wi'a dow Sirus:
Wo o duroowo am,
a hiɓɓinan muuyɗe am fuu.
Miɗo wi'a dow galluure Urusaliima:
Nde nyiɓtete!
Suudu Dewal mawndu nduun du:
Joƴƴinirɗe maaɗa ndarnete!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022