Esaaya 35
35
Haala seyo wartugol nannganooɓe Urusaliima
1Ladde yoornde e leydi njoorndi fuu ceyoto.
Naɗɗol joorngol welweltan de finnda pinndiiji.
2Nde hurroto pinndi de nde weltoroo jimi e ilinaali seyo.
Nde hokkete Teddeengal Liban e ŋari waamnde Karmel e ladde Saron.
Ɓe nji'an Teddeengal Joomiraaɗo e mbooɗirka Laamɗo meeɗen.
3Cemmbinɗinee juuɗe lokkaaje,
teeŋinee koppi jaccitinɗi.
4Mbi'ee huluɓe na mbemmbii ɓeen:
Cemmbinɗinee ɓerɗe mooɗon, taa kulee.
Ndaaree! Laamɗo meeɗen na ɗoo!
yoɓtagol waran, jukkungo Laamɗo jippoto.
Kanko e hoore makko, o waran o hisina on.
5Ndeen gite wumɓe nji'an.
Noppi faaɗuɓe nanan.
6Bonnguujo fittan hono lewla.
Muumo du ilinorto seyo.
Ndiyam ilan e ladde yoornde.
Njaayri Araba heewan gooruuji.
7Leydi mbulndi laatoto daɗɗo ndiyam.
Ngenndi ɗomka laatoto bubbirɗi.
To ɓoosaaji ladde pukkotonoo toon fuɗan huɗo e soɗorko.
8Ɗoon laawol lobbol seekete.
Ngol inndiree laawol ceniingol.
Mo laaɓaa fuu heɓataa rewude ngol,
sabo yimɓe Joomiraaɗo tan ngol waɗanaa.
Fuuyɓe keɓataa rewude dow maggol.
9Laddeeru yaaɓataa e maggol.
Huunde ladde nyanngunde fay wootere heɓataa yottaade ngol.
Fay gootel e majje tawataake toon.
Yimɓe ɓe Joomiraaɗo hisini tan keɓata yahude dow maggol.
10Ɓe Joomiraaɗo rimɗini ɓeen ngartan.
Ɓe ƴuurdan Siyona e ilinaali seyo.
Seyo duumiingo yi'ete e geese maɓɓe.
Seyo e mbelɗum kawran e maɓɓe.
Ndeen suno e mettorgal ndoggan ndilla.
Currently Selected:
Esaaya 35: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
