Esaaya 3
3
No laamu Yahuuda jiiɓondiriri
1Goonga! Joomiraaɗo, Laamɗo Jom Kammu e Leydi oon
teetan Urusaliima e Yahuuda ko laatii barke e ballal fuu.
O ommban to nyaamdu e ndiyam ƴuuranta ɓe fuu.
2Sordaasi ɓurɗo semmbe e konunke,
carotooɗo e annabaajo,
daggadaajo e ardiiɗo,
3mawɗo sordaasiiɓe capanɗe njoyo e tedduɗo,
tindinoowo e baawɗo sukunyaaku,
maneteeɗo waawude ndaggadaaku ɓeen fuu,
4mi waɗan jokolɓe laatoo kaanankooɓe muɓɓen,
mi umminan sukaaɓe ndawrana ɓe.
5Yimɓe kollondiran semmbe hakkunde muɓɓen.
Mono fuu filoto yaaɓude banndum.
Suka jokolle huyfinan nayeejo.
Neɗɗo ɓolo yaagataako tedduɗo.
6Gorko nanngan sakiike muuɗum, ley ɓaade bammum de wi'a:
«Saabe aɗa woodi saayo, laata hooreejo amin!
Laamoɗaa dow bille kalkuɗe ɗeen».
7Nyannde ndeen joomum wi'an:
«Mi wanaa cawroowo,
wooɗi du ley suudu am, nyaamdu walaa, koltal walaa.
Ndelle taa ngaɗee kam hooreejo yimɓe».
8Urusaliima fergake, Yahuuda saamii.
Haalaaji muɓɓen e ngakkiiji muɓɓen yeeso Joomiraaɗo
na laatii hono muurtere yeeso teddeengal muuɗum.
9Geese maɓɓe na ceedoo ko woni e maɓɓe.
Iɓe kaalta hakkeeji maɓɓe hono ko waɗunoo Sodoma.
Ɓe cuuɗataa ɗi.
Ɓe mbonii ɓe pooɗanii ko'e maɓɓe bone.
10Mbi'ee: Ponnditiiɗo na woni e jam!
Sabo o nyaaman barke golleeji makko lobbi ɗiin.
11Bone mawɗo woodanii bonɗo!
Sabo o waɗete fodde golleeji makko bonɗi ɗiin.
12Torrooɓe lenyol ɓeen wo sukaaɓe.
Dawranooɓe ngol du wo rewɓe.
Lenyol am, ɗowooɓe ma ɓeen lallinii ma!
Ɓe mooytii laawol ngol ndewuɗaa ngool.
No ardiiɓe carortee
13Joomiraaɗo ummake faa hiitoo.
O darake faa o saroo yimɓe.
14Joomiraaɗo saroto mawɓe lenyol muuɗum e ardiiɓe muɓɓen fuu.
O wi'an: On kalkii ngesa inabooje.
On teetii jawdi talkaaɓe on kebbinii cuuɗi mooɗon.
15Ko saabii de oɗon njaaɓa yimɓe am,
oɗon tirfa ndimaaku talkaaɓe?
Noon Joomiraaɗo, Laamɗo Jom Kammu e Leydi oon wi'i.
No rewɓe Urusaliima nyaaƴooɓe kiitortee
16Joomiraaɗo wi'i:
Saabe rewɓe Siyona na laatii mawnitiiɓe,
iɓe njaha iɓe toowni ko'e maɓɓe,
iɓe maƴƴina gite faa ɓe pooɗa ndaarɗe,
iɓe njaara e nyaaƴo,
iɓe cenƴina kootonɗe koyɗe maɓɓe dey,
17Joomiraaɗo waɗan le'e ko'e maɓɓe laaɓa tar.
Joomiraaɗo femmban tiiɗe maɓɓe.
18Nyannde ndeen, Joomiraaɗo ittan feɗo maɓɓe: Jawe koyɗe, e callali e koɗi nannduɗi e lewru, 19e kootonɗe noppi e jawe juuɗe e cuddamaaje nyaynaaɗe 20e melli ŋarɗuɗi e callali koyɗe e kaɓɓorɗi e paali urdi e buuɗi daande e 21kootonɗe kolli e ɗe kine 22e kolte hiirooji e saayooji mawɗi e suuliyaaji e dangaaji bakketeeɗi e 23danndorɗe e kolte ley e lefi e joyiije.
24Luumngol ko nyoli loomtan uurngol turaare.
Ɓoggol loomtan kaɓɓorgol.
Pemmbol loomtan moorgol.
Wudere bootooru loomtan kaddule tiiɗɗe coggu.
Ɓatite loomtan ŋari.
Haala rewɓe Urusaliima maayraaɓe goriraaɓe muɓɓen
25Kaafaaje liɓan worɓe maaɗa, aan Siyona.
Ayyo, sordaasiiɓe maaɗa semmbiɗinɓe ɓeen maayan ley wolde.
26Yimɓe maaɗa uuman, mbulla maayɓe muɓɓen.
Ɓe teetete ko ɓe ngoodi fuu de ɓe ndeppoo e leydi.
Currently Selected:
Esaaya 3: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
