Esaaya 27
27
Haala jaalorgal dow kuunga maayo kulɓiniinga
1Nyalaande ndeen, Joomiraaɗo hiitorto kuunga maayo kulɓiniinga ngaan
e kaafaahi muuɗum mbelnaaki, mawki cemmbiɗinki kiin.
Ɗum woni mbolla mannga ndoggoowa,
mbolla ƴoƴunga ngaan.
O waran ngoola maayo ngaan.
Joomiraaɗo e ngesa muuɗum inabooje
2Nyalaande ndeen, njimanon ngesa inabooje,
nga inaboojam mbelɗam.
3Miin Joomiraaɗo, wo miin woni deenoowo nga,
miɗo rufana nga ndiyam wakkati fuu.
Miɗo dooma nga jemma e nyalooma
taa fay gooto halka nga.
4Mi waldaa e tikkere katin.
Si mi yi'ii tuppe e gi'e fu,
mi yaaɓan dow muɓɓen,
de mi watta ɗum'en fuu e yiite.
5Si wanaa ɗe ngaɗi laataniimi ɗe moolorde,
de jam waɗi hakkunde am e majje,
de jam waarti hakkunde am e majje.
6Ley ko warata, suudu Yaakuuba waɗan ɗaɗi,
Israa'iila finndan, waɗa bukki,
de ɓiɓɓe muuɗum keewa ley adunaaru fuu.
Haala yaafeede ƴuwdi Yaakuuba
7Yalla Joomiraaɗo fiyirii lenyol muuɗum ngool
hono no fiyiri yimɓe fiyannooɓe ngol noon naa?
Yalla o wariri ɓe
hono no o wariri halkannooɓe ngol noon naa?
8Laamɗo hiitorake ɓe e riiwude ɓe, e dillinde ɓe.
O riiwirii ɓe e henndu makko semmbiɗindu nyannde henndu lettugal.
9Wo noon hakkeeji Yaakuuba mooytirtee.
Wooɗi inan ko yaafaneede hakkeeji ɗiin rimata:
O waɗan kaaƴe cakkirɗe ɗeen fuu laatoo hono ndoondi.
Leɗɗe tooru Asera e bulirɗe ure fuu lallan.
10Galluure semmbinɗinaande ndeen laatake winnde.
Wo nokkuure yeewniinde, yoppaande hono ladde yoornde.
Gorri ngaran ndura toon,
pukkoo toon de nyaamida huɗo e licce nokkuure ndeen fuu.
11Nde licce ɗeen njoorowi fu, ɗe keltete.
Rewɓe ngaran kuɓɓa ɗe.
Sabo lenyol ngool walaa paamal.
Gaɗuɗo ngol oon du yurmataako ngol,
taguɗo ngol oon hinnataako ngol.
No yimɓe Israa'iila njeccorii leydi muɓɓen
12Nyannde ndeen Joomiraaɗo samman leɗɗe jaytun
gilla maayo Efrat faa yottoo pogowol Misira.
De onon Israa'iilankooɓe, on cuɓirte gooto gooto.
13Nyalaande ndeen, fuufaango luwal manngo waɗan.
Ndeen lallunooɓe ley leydi Asuura
e riiwiranooɓe leydi Misira ɓeen fuu
ngaran cujida yeeso Joomiraaɗo
dow waamnde seniinde ley Urusaliima.
Currently Selected:
Esaaya 27: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
