Esaaya 15
15
Haala halkere leydi Mo'ab
1Annabaaku dow Mo'ab:
Ley jemma gooto galluure ndeen halkaa,
Ar-Mo'ab laatii nokkuure yeewniinde.
Ley jemma gooto galluure ndeen halkaa,
Kir-Mo'ab laatii nokkuure yeewniinde.
2Yimɓe na njaha to cakkirɗe muɓɓen wuro Dimon
dow nokkuuje cakkirɗe faa mboyowa.
Mo'abinkooɓe na mbulla dow ko hewtii galluure Nebo e nde Medeba.
Ko'e fuu pemmbaama, bahe fuu kuusaama.
3Ley taliyaaje galluuje fuu wo ɓoorniiɓe bootooji.
Dow cuuɗi e ley luuɓe fuu yimɓe na nyonoo, na njoora gonɗi.
4Jooɗiiɓe ley galluuje Hesbon e Eleyale fuu na mbulla.
Daaɗe muɓɓen na nanee faa Yahas.
Saabe ɗuum de konunkooɓe Mo'ab na peekoo na nyonoo,
nesi muɓɓen na taƴa.
5Miɗo maata yurmeende dow Mo'ab.
Dogguɓe njottake faa Sowar e Eglat-Selisiya.
Ɓe kooƴii laawol Luuhit, iɓe mboya.
Nyonaali maɓɓe na nanee dow laawol Horonayim.
6Diyeele Nimrim laatake nokkuuje jeewniiɗe.
Huɗo yoorii, puɗ-puɗal fuu kalkii.
Ko feewi fuu walaa katin.
7Saabe ɗuum de ɓe njaari jawdi ndi ɓe keddodinoo ndiin du faro too pogowol Arabim.
8Bojji nanaama ley leydi Mo'ab fuu,
Nyonaali maɓɓe kewtowii faa Eglayim.
Ɗi njottake faa Ɓulli Elim.
9Diyeele Dimon keewii ƴiiƴam.
Mi ɓeydanan Dimon masiibaaji goɗɗi.
Mi nelan laddeeru nyaama hedditiiɓe leydi Mo'ab.
Mi nelan ndu to heddiiɓe ley leydi ndiin fuu.
Currently Selected:
Esaaya 15: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
