Tindinoowo 1
1
Ƴamɗe dow nafaa huunde fuu
1Inan haalaaji ɗi tindinoowo ɓii Daawda, laamiiɗo Urusaliima haali. 2O wi'i:
Ɓolum e ɓolum! Wo ɓolum tan!
Ayyo, huunde fuu wo ɓolum.
3Nafaa oye neɗɗo heɓata ley golleeji muuɗum ɗi tampanta ley adunaaru sorndu naange ɗiin fuu?
4Jamaanuuji na ngara na paltoo
de adunaaru kaa na heddii ɗo wonnoo faa abada.
5Naange na fuɗa na hiira
de soƴƴoo na doggana to fuɗirnoo toon katin.
6Henndu wifiran horɗoore, ndu wifira soɓɓiire,
de ndu soƴƴoo to ndu ƴuurunoo,
ndu heddoroo noon indu fiiloo indu fiiltoo.
7Gooruuji fuu maayo ndoggirta,
de maayo kaa heewataa.
Gooruuji du celataa doggirde to ndoggirannoo.
8Huunde fuu wo tampiri
faa ɓuri ko mbaawɗen haalude.
Abada gite kaarataa jiiɗe,
noppi du kaarataa nanɗe.
9Ko wonnoo ɗum wonata,
ko waɗanoo ɗum du waɗoytee.
Ko heyɗi fuu soraay naange nge.
10Si ni wi'aama: «ndaaree inan ko heyɗi»,
paamon iɗum woodunoo gilla ko ɓooyi,
ley wakkatiiji paltiiɗi e jamaanu meeɗen.
11Ko hewtunoo arandeeɓe ɗuum miccataake.
Noon ni woni warooɓe jaango ɓeen du,
jokkoyɓe ɗum'en miccoytaako ko hewtata ɗum'en.
Ko tindinoowo yiiti ley filnde mum
12Miin tindinoowo, mi laamakenoo Israa'iila ley galluure Urusaliima. 13Mi tinnake e janngude e hiinyirde hakkillo ko waɗata ley sorndu kammu fuu, de tawumi Laamɗo ronndii ɓii-Aadama donngal mettungal. 14Mi ndaarii ko waɗetee ley sorndu naange ndu fuu, mi tawii wo ɓolum. Fuu na nanndi e riiwude henndu.
15Ko oonyii waawataa oonyiteede,
ko walaa du limataako.
16Mbiimi hoore am: «Ndaar, mi heɓii anndal luggungal faa ɓuri artunooɓe kam laamaade Urusaliima ɓeen fuu, wooɗi du mi heɓii hakkillo e anndal faa mawni.» 17Mi waɗiino anniya faamude ko woni hakkilantaaku, wooɗi mi faama puuyndam e kaanɗi du, de tawumi ɗum du fuu wo riiwude henndu.
18Sabo dey, kebbinaaɗo hakkillo hebbinte ɓernde mettunde.
Ɓeydude anndal wo ɓeydude dukkuru.
Currently Selected:
Tindinoowo 1: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
