Numera Nuarin-tas alupas 7.
Nuarin-tas alupas 7.
1 Nitai tup ahtai u ilpu atimi alupas an nativaig u neom itap. 10 Niji itai tup ahtai ura, athi um athi ehni, an nativaig u natau. 89 Et tas a Atua ehele Moses ijinies an tapnes an nelcau et amen intas alep iran.
1AN nadiat iyehki is ago ehni neom itap a Moses, um atladwi narakei iran, um imiitap, um lep atladwi narakei, um imiitap niji itai asega iran, im natau im niji itai asega urin;
2eris ikni itai tup ahtai ura a ilpu atimi alupas u nup Isreel, eris esjilid irai ilpu eteuc ira ra ara, um ilpu atimi alupas irai iji elcau, eris esjilid ara irai ra sji ehki eris esvi ra:
3eris ikni niji itai tup ahtai ura an nuhup u Ihova ara, nikavaig, nitai atga eris adahpoi is siks, im kurimatau is twelv; nitai atga is ethi va natimi alupas is ero, im kurimatau is ethi vai ra asega athiathi: eris imiapan an nuhup u neom itap ara.
4Is tas a Ihova ehele Moses, um ika,
5Namu lucsei aiek ehele ra, par ago itai an neom er asjapicnaig o un; um alupai ilpu mapoi Livai, athi um athi ehni, yi idivaig nauritai ura asega.
6Is lucsei niji itai atga a Moses im kurimatau, um alupai ilpu mapoi Livai.
7Is alupai ilpu mapoi Cerson nitai atga is ero aien im kurimatau is for, is idivaig nauritai ura:
8is lep alupai ilpu mapoi Mererai nitai atga is for aien im kurimatau is eet, is idivaig nauritai ura, an nikmai Idamar inhal u Eron natimi ahlap.
9Ja is eti alupai ilpu mapoi Kohad tah nitai aien: vaig inig nikavaig, eris apos itai irai euhlira ara, nauritai ura an nuarin itap nigki.
10Eris lep ikni itai a ilpu atimi alupas va nativaig natau an nadiat iyehki eris atladwi narakei iran, eris ikni niji itai tup ahtai ura an nuhup u natau a ilpu atimi alupas.
11Is ika a Ihova ehele Moses, Erumu ikni niji itai tup ahtai ura a ilpu atimi alupas, athi um athi ehni, ira adiat ura va nativaig natau.
12Aien aigki is ikni niji itai tup ahtai o un an nadiat uhup aien is Neeson inhal u Aminatab, natimi alupas u ilpu mapoi Juta:
13nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:
14im nipjinitai colt is ethi is sikel is ten nopoc iran, is ohua nitai auanipin upene iran:
15im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
16im inhakli nanin is ethi par itai ahlap va nedo has:
17im kurimatau is ero, im siip atamaig is faiv, im nanin atamaig is faiv, im inhakli siip is faiv, is eteuc inmesese is ethi ira ra: nitai ahlap naaurinig nigki u Neeson inhal u Aminatab.
18Is ikni niji itai tup ahtai o un a Nedaniil inhal u Suar, natimi alupas u ilpu mapoi Isakar, an nadiat sekunt:
19nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:
20im nipjinitai colt is ethi is sikel is ten nopoc iran, is ohua nitai auanipin upene iran:
21im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
22im inhakli nanin is ethi par itai ahlap va nedo has:
23im lep kurimatau is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai ahlap u Nedaniil inhal u Suar nigki.
24Is ikni niji itai tup ahtai o un a Elaiab inhal o Hilon, natimi alupas u ilpu mapoi Sebulun, an nadiat dirt;
25nitai tup ahtai o un nigki, nikavaig, nelcau silver is ethi, is sikel is wun huntret im dirte nopoc iran, im nijibeson is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:
26im nipjinitai colt is ethi is sikel is ten nan, is ohua nitai auanipin upene iran:
27im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
28im inhakli nanin is ethi par itai ahlap va nedo has:
29im lep kurimatau is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai ahlap u Elaiab inhal u Hilon nigki.
30Is ikni niji itai tup ahtai o un a Elaisur inhal u Setiur, natimi alupas u ilpu mapoi Ruben, an nadiat ford:
31nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:
32im nipjinitai colt is ethi is sikel is ten nopoc iran, is ohua nitai auanipin upene iran:
33im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
34im inhakli nanin is ethi par itai ahlap va nedo has:
35im kurimatau atamaig is ethi, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai ahlap u Elaisur inhal u Setiur nigki.
36Is ikni niji itai tup ahtai o un a Silumiel inhal u Surisateai, natimi alupas u ilpu mapoi Simeon, an nadiat fifd:
37nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:
38im nipjinitai colt is ethi is sikel is ten nopoc iran, is ohua nitai auanipin upene iran:
39im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
40im inhakli nanin is ethi par itai ahlap va nedo has:
41im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai ahlap u Silumiel inhal u Surisateai nigki.
42Is ikni niji itai tup ahtai o un a Elaiasaf inhal u Tiuel, natimi alupas u ilpu mapoi Cat, an nadiat siksd:
43nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:
44im nipjinitai colt is ethi is sikel is ten nopoc iran, is ohua nitai auanipin upene iran:
45im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
46im inhakli nanin is ethi par itai ahlap va nedo has:
47im kurimatau atamaig is ero, im siip atamaig is faiv, im inhakli nanin atamaig is faiv, im inhakli siip is faiv, is eteuc inmesese is ethi ira ra, par itai ahlap naaurinig: nitai tup ahtai u Elaiasaf inhal u Tiuel nigki.
48Is ikni niji itai tup ahtai o un a Elisama inhal u Amihut, natimi alupas u ilpu mapoi Ifreem, an nadiat sevend:
49nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:
50im nipjinitai colt is sikel is ten nopoc iran, is ohua nitai auanipin upene iran:
51im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
52im inhakli nanin is ethi par itai ahlap va nedo has:
53im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Elisama inhal u Amihut nigki.
54Is ikni niji itai tup ahtai o un a Cameliel inhal u Pitesur, natimi alupas u ilpu mapoi Manasi, an nadiat eetd:
55nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:
56im nipjinitai colt is ethi is sikel is ten nopoc iran, is ohua nitai auanipin upene iran:
57im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
58im inhakli nanin is ethi par itai ahlap va nedo has:
59im kurimatau atamaig is ero, im siip atamaig is faiv, im nanin atamaig is faiv, im inhakli nanin is faiv is eteuc inmesese is ethi ira ra, par itai ahlap naaurinig: nitai tup ahtai u Cameliel inhal u Pidesur nigki.
60Is ikni niji itai tup ahtai o un a Abaitan inhal u Citeonai, natimi alupas u ilpu mapoi Benjamin, an nadiat naind:
61nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap atnamud:
62im nipjinitai colt is ethi is sikel is ten nopoc iran, is ohua nitai auanipin upene iran:
63im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
64im inhakli nanin is ethi par itai ahlap va nedo has:
65im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Abaitan inhal u Citeonai nigki.
66Is ikni niji itai tup ahtai o un a Ahiiser inhal u Amisateai, natimi alupas u ilpu mapoi Tan, an nadiat tend:
67nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom; is ohua nitai erahki irai flaur upene eris atise narakei iran par itai ahlap an nitai caig:
68im nipjinitai colt is ethi is sikel is ten nopoc iran, is ohua nitai auanipin upene iran:
69im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
70im inhakli nanin is ethi par itai ahlap va nedo has:
71im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Ahiiser inhal u Amisateai nigki.
72Is ikni niji itai tup ahtai o un a Paciel inhal u Okran, natimi alupas u ilpu mapoi Eser, an nadiat elevend:
73nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, sikel an nuarin itap marom: is ohua nitai erahki irai flaur upene eris atise narakei iran par itai ahlap an nitai caig:
74im nipjinitai colt is sikel is ten nopoc iran, is ohua nitai auanipin upene iran:
75im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
76im inhakli nanin is ethi par itai ahlap va nedo has:
77im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Paciel inhal u Okran nigki.
78Is ikni niji itai tup ahtai o un a Ahaira inhal u Inan, natimi alupas u ilpu mapoi Naftalai, an nadiat twelfd:
79nitai tup ahtai o un nigki, nikavaig, nelcau silver is ethi is sikel is wun huntret im dirte nopoc iran, im nipjibeson silver is ethi is sikel is sevente nopoc iran, is ohua nitai erahki irai flaur upene eris atise narakei iran, par itai ahlap an nitai caig:
80im nipjinitai colt is ethi is sikel is ten nopoc iran, is ohua nitai auanipin upene iran:
81im kurimatau atamaig is ethi, im siip atamaig is ethi, im inhakli siip is ethi is eteuc inmesese is ethi iran, par itai ahlap atnamud:
82im inhakli nanin is ethi par itai ahlap va nedo has:
83im kurimatau atamaig is ero, im siip atamaig is faiv, im nanin atamaig is faiv, im inhakli siip is faiv is eteuc inmesese is ethi ira ra, par itai ahlap naaurinig: nitai tup ahtai u Ahaira inhal u Inan nigki.
84Eris imiitap natau a ilpu atimi alupas u nup Isreel an nadiat iyehki eris atladwi narakei iran, um ikni nelcau silver is twelv, im nipjibeson silver is twelv, im nipjiitai colt is twelv:
85is sikel is wun huntret im dirte nopoc iran nelcau silver is ethi, im sikel is sevente nopoc iran nipjibeson is ethi: is sikel is tu dausant im for huntret (2,400) nopoc irai ipjiitai silver asega, sikel an nuarin itap marom:
86im nipjiitai colt is twelv, is ohua nitai auanipin upene iran, is sikel is ten nopoc iran is ethi, sikel an nuarin itap marom: is sikel is wun huntret im twente (120) colt asega irai ipjiitai.
87Eris twelv kurimatau atamaig uri niji itai ahlap atnamud, eris twelv siip atamaig, eris twelv inhakli siip is eteuc inmesese is ethi ira ra, im lep nitai ahlap an nitai caig urin: eris lep twelv inhakli nanin par itai ahlap va nedo has.
88Eris twente for kurimatau atamaig asega uri niji itai ahlap atnamud, eris sikste siip atamaig, eris sikste nanin atamaig, eris lep sikste inhakli siip is eteuc inmesese is ethi ira ra. Nitai tup ahtai ji igki va nativaig natau an nopan iyehki eris upyi hup um atladwi narakei iran.
89IS apan a Moses anliin neom er asjapicnaig o un par tas ehelen, ja is atahaijeg nohran tah aien intas vaig ehelen ijinies an tapnes an nelcau is amen intas alep iran, juju an niblai ohwat jerub is ero: is lep tas ehelen aien.
Currently Selected:
Numera Nuarin-tas alupas 7.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)