Numera Nuarin-tas alupas 17.
Nuarin-tas alupas 17.
1 Et elwa nauincai u Eron ache irai auicai u ilpu atimi alupas et twelv. 10 Er udei mika yi itai asjaaicnaig vai ilpu atimi imipalea.
1IS tas a Ihova ehele Moses, um ika,
2Namu tas aiek ehele nup Isreel, um lucsei niseuc inyi twelv ehele ilpu atimi alupas asega ura, athi um athi ehni, era esjilid ara irai ilpu eteuc ira ra, niseuc inyi twelv: um aged athiathi nida atimi asega irai iseuc ura.
3Namu aged nidai Eron aiek an niseuc u ilpu mapoi Livai: inyi ethi ache niseuc um ehcai natimi esjilid irai ilpu eteuc iran.
4Namu lep ikni aiek anliin neom er asjapicnaig o un an nuhup u nelcau et amen intas alep iran, ekpu ehtet iramia ainyak eahki.
5Ja etpu elwa niseuc u natimi inig ekpu ehtai yin ainyak: ekpu lep atapnes intas has o nup Isreel ainyak era asaig vai caurau ara.
6Is tas a Moses ehele nup Isreel, ja eris alupai yin niseuc is ethi athiathi a ilpu atimi alupas asega, niseuc is ethi um ehcai natimi alupas is ethi eris esjilid irai ilpu eteuc ira ra ara, niseuc is twelv: is amen niseuc u Eron irai iseuc ura.
7Is ikni niseuc iji ehki a Moses an nuhup u Ihova anliin neom iyehki is amen intas alep iran.
8Is wat lahlah an tak apnyin is apan a Moses anliin neom iyehki is amen intas alep iran; ja is idim ehcohodaig niseuc u Eron, um ehcai ilpu mapoi Livai, is ehcohodaig, um elwa, um oho, is eteuc nohwan.
9Is iknipagki niseuc asega a Moses an nuhup u Ihova um imiapan ehele nup Isreel: eris almoi ara, eris leh athiathi niseuc ura natimi asega.
10Is ika a Ihova ehele Moses, Imiapam niseuc u Eron an nuhup u nelcau et amen intas alep iran, um aminjinaig par itai asjaaicnaig vai ilpu atimi imipalea; napu lep atapnes intas has ura aiek an nuhup unyak, va eri jim emesmas ara.
11Is ago a Moses is uce: is ago aien is idivaig is asaig ehelen a Ihova.
12Eris tas a nup Isreel ehele Moses, um ika, Ecrupu idim emesmas aijama, uhpu auahas cama, uhpu idim auahas cama asega.
13Erupu emesmas ara asega era apan ubutpotet u neom u Ihova ara: etpu auahas ehni cama inmas, ka oʼo?
Currently Selected:
Numera Nuarin-tas alupas 17.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)