Levitikus Nuarin-tas alupas 18.
Nuarin-tas alupas 18.
1 Niji atmehgan et itap. 19 Niji edo has esjilid.
1IS tas a Ihova ehele Moses, um ika,
2Namu tas aiek ehele nup Isreel, um ika ehele ra, Ek Ihova ainyak Atua unyimia.
3Akumu jim ago nedo o nup Ijipt aijaua akis amen ehele ra aijaua: um jim ago nedo o nup u Kenan, ek imiapan caua ehele ra ainyak: um jim auanago ura.
4Akumu ago nedo unyak aijaua, um apos intas alep unyak, um atga iran: ek Ihova ainyak Atua unyimia.
5Akumu apos intas alep unyak aijaua, im nedo unyak: el et ago tah natimi, etpu umoh vaig aien; ek Ihova ainyak.
6Etmu jim asaig natmehgan ehelen tah natimi ehpan iran tah caua, um amen ehelen: ek Ihova ainyak.
7Namu jim asaig natmehgan aiek ehele risum: et idim risum aien, um ehgai etmam; et itap vai euc par amen ehelen.
8Namu jim asaig natmehgan aiek ehele ehgai etmam: et eti risum inveijec aien: ja is amen ehelen a etmam.
9Namu jim asaig natmehgan aiek ehele natahig iram, el et inhalav atahig u etmam aien, ka inhalav atahig u risum, el eris apos yin an nimnim, ka eris apos yin an taka uarin: et itap vai euc par amen ehelen.
10Namu jim asaig natmehgan aiek ehele inhalav atahig u inhalav atamaig unyum, ka inhalav atahig u inhalav atahig unyum: erus ahes ehelum arau.
11Namu jim asaig natmehgan aiek ehele inhalav atahig u ehgai etmam, is apos yin a etmam: et atahig iram aien.
12Namu jim asaig natmehgan aiek ehele natahig irai etmam: et atimi ehpan irai etmam aien.
13Namu jim asaig natmehgan aiek ehele etwai risum: et atimi ehpan irai risum aien.
14Namu jim asaig natmehgan aiek ehele ehgai etwai etmam, um jim amen ehele ehgan: et risum aien.
15Namu jim asaig natmehgan aiek ehele ehgai inhalav atamaig unyum: et ohanig unyum aien; et itap vai euc par amen ehelen.
16Namu jim asaig natmehgan aiek ehele ehgai etwam: is amen ehelen a etwam.
17Namu jim asaig natmehgan aiek ehelen tah intakata im inhalav atahig o un, um jim asaig natmehgan aiek ehele inhalav atahig u inhalav atamaig o un, ka inhalav atahig u inhalav atahig o un; era ilpu atimi ehpan iran ara: nedo has nigki.
18Namu jim asaig natmehgan aiek ehele etwai ehgam, um auahas inliinmopon, va namen unyum ehelen, an numoh o un.
19Namu jim apan ehelen tah intakata aiek um amen ehelen, an nechim amen vaig o un vai inhas iran.
20Im lep inig, namu jim ago ingeijid ehele ehgai natimi eblaamnem unyum aiek, um auahas euc iran.
21Um jim ati tah irai ilpu hal unyum, mika yi apan an cap aien ehele Molek, um jim auahas nidai Atua unyum: ek Ihova ainyak.
22Namu jim amen ehelen tah natamaig aiek, et idivaig ehelen tah intakata: nedo er amcel vaig nigki.
23Namu jim amen ehelen tah nitai eklim edo irai pece aiek, um auahas euc iran: etmu jim aiji tah intakata an nuhup u tah nitai eklim edo irai pece mika yi amen ehelen: nedo has esjilid nigki.
24Jim auahas caua aijaua an tah nitai iji igki: eris auahas ra irai itai iji igki asega a nup urai pece iji ig ekpu ahlo ra ainyak an nuhup unyimia:
25et has inpece: ekpu aru iran ainyak va nedo has iran, etpu lep alo ira atimi inpece.
26Akumu apos intas alep unyak aijaua im nedo unyak, um jim ago tah nitai iji igki er amcel vaig; kit et tah natimi iramia, ka tah nup urai taka uarin et amen ehelemia aien:
27eris ago nedo iji igki asega er amcel vaig a nup uran pece eris upyi uhup iramia ara, um auahas inpece;
28vai yi jim lep alo iramia inpece, et idivaig is alo ira atimi iji ig eris upyi hup iramia ara.
29El et ago tah nedo iji igki er amcel vaig, uhmu idim iknipagki ilpu atimi ago nitai iji igki ehele atimi ura.
30Akumu apos intas alep unyak aijaua, va aki jim ago tah nedo iji igki er amcel vaig aijaua, eris upyi ago, um jim auahas caua iran: et uce intas alep unyak Ihova Atua unyimia.
Currently Selected:
Levitikus Nuarin-tas alupas 18.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)