Josua Nuarin-tas alupas 21.
Nuarin-tas alupas 21.
1 Era alupai ilpu mapoi Livai ara niji maliyum et forte eet irai itai asjaaicnaig, era lucsei ara ehele nup urai elcau asega et eche. 43 Et alupai ilpu mapoi Isreel a Atua inpece, im natumop, et idivaig intas upyi asaig o un.
1ERIS apan ehele Eliesar natimi ahlap, im Josua inhal u Nun, im ilpu atimi alupas esjilid u nup Isreel a ilpu atimi alupas esjilid u ilpu mapoi Livai;
2eris tas ehele ra ara Sailo an pece Kenan, um ika, Is asaig a Ihova irai Moses mika uhpu alupai cama niji maliyum par amen iran, im niji uari obohtan arehed iran va niji itai eklim edo irai pece unyima.
3Eris alupai ilpu mapoi Livai ira ahaiji pece ura a nup Isreel niji maliyum iji igki im niji uari obohtan arehed iran, et idivaig intas o Ihova.
4Is yetpan nitai asjaaicnaig uhup urai ilpu mapoi Kohad: eris lep ohuun niji maliyum is dirtiin a ilpu mapoi Livai eris ahes ehele Eron natimi ahlap ara, vai itai asjaaicnaig, ira ahaiji pece u ilpu mapoi Juta, im ilpu mapoi Simeon, im ilpu mapoi Benjamin.
5Eris lep ohuun niji maliyum is ten a nahaiji ilpu mapoi Kohad ira ahaiji pece u ilpu mapoi Ifreem, im ilpu mapoi Tan, im nahaiji ilpu mapoi Manasi.
6Eris lep ohuun niji maliyum is dirtiin a ilpu mapoi Cerson, vai itai asjaaicnaig, ira ahaiji pece u ilpu mapoi Isakar, im ilpu mapoi Eser, im ilpu mapoi Naftalai, im nahaiji ilpu mapoi Manasi an pece Besan.
7Eris lep ohuun niji maliyum is twelv a ilpu mapoi Mererai is idivaig ilpu eteuc ira ra, ira ahaiji pece u ilpu mapoi Ruben, im ilpu mapoi Cat, im ilpu mapoi Sebulun.
8Eris alupai ilpu mapoi Livai niji maliyum iji igki a nup Isreel irai itai asjaaicnaig, is idivaig is asaig a Ihova irai Moses.
9Eris alupai ra niji maliyum iji igki eh mun anvai a ilpu mapoi Juta, im ilpu mapoi Simeon,
10eris ohuun a ilpu mapoi Eron, eris lep ilpu mapoi Kohad ara, eris lep ilpu mapoi Livai ara: is idim uhup inuarin ura.
11Eris alupai ra inmaliyum u Arba, etmai Enak, inmaliyum Hibron marom, irai lola edoon Juta, im lep inuari obohtan arehed iran.
12Ja eris alupai Keleb inhal u Jefunni umai inmaliyum iyehki, im niji maliyum haklin iran mika yi ohuun aien.
13Et um uco eris alupai ilpu mapoi Eron natimi ahlap Hibron im niji uari obohtan arehed iran, mika yi maliyum eri ahapan iran a ilpu atimi atgei atmas; im Libna im niji uari obohtan arehed iran,
14im Jatir im niji uari obohtan arehed iran, im Estemoa im niji uari obohtan arehed iran,
15im Holon im niji uari obohtan arehed iran, im Tibir im niji uari obohtan arehed iran,
16im Een im niji uari obohtan arehed iran, im Jutta im niji uari obohtan arehed iran, im Bed-simes im niji uari obohtan arehed iran; niji maliyum is nain irai elcau is ero erahki.
17Im lep an nahaijin pece u ilpu mapoi Benjamin, Cibeon im niji uari obohtan arehed iran, im Ciba im niji uari obohtan arehed iran,
18im Anadod im niji uari obohtan arehed iran, im Almon im niji uari obohtan arehed iran; niji maliyum is for.
19Is dirtiin niji maliyum alupas asega u ilpu mapoi Eron, ilpu atimi ahlap, im lep niji uari obohtan arehed iran.
20Eris lep ohuun niji maliyum alupas an nahaijin pece u ilpu mapoi Ifreem a ilpu mapoi Kohad nahaiji ilpu mapoi Livai marom.
21Eris alupai ra Sikem ara im niji uari pece arehed iran, an lolan nedoon Ifreem, mika yi maliyum eri ahapan iran a ilpu atimi atgei atmas; im Ciser im niji uari pece arehed iran,
22im Kibseem im niji uari obohtan arehed iran, im Bed-horon im niji uari pece arehed iran; niji maliyum is for.
23Im lep an nahaijin pece u ilpu mapoi Tan, Elteki im niji uari pece arehed iran, im Cibedon im niji uari pece arehed iran,
24im Ajalon im niji uari pece arehed iran, im Cadrimmon im niji uari obohtan arehed iran; niji maliyum is for.
25Im lep an nahaijin pece u nahaiji ilpu mapoi Manasi, Teanak im niji uari pece arehed iran, im Cadrimmon im niji uari pece arehed iran; inmaliyum is tu.
26Is ten niji maliyum alupas asega im niji uari obohtan arehed iran u nahaiji ilpu mapoi Kohad.
27Eris lep alupai ilpu mapoi Cerson, ilpu mapoi Livai marom, Colan an pece Besan im niji uari pece arehed iran, an nahaijin pece u nahaiji ilpu mapoi Manasi, mika yi maliyum eri ahapan iran a ilpu atimi atgei atmas; im Biestera im niji uari pece arehed iran; inmaliyum is ero.
28Im lep an nahaijin pece u ilpu mapoi Isakar, Kaison im niji uari pece arehed iran, im Tabari im niji uari pece arehed iran,
29im Jarmud im niji uari pece arehed iran, im En-cannim im niji uari pece arehed iran; niji maliyum is for.
30Im lep an nahaijin pece u ilpu mapoi Eser, Maisal im niji uari pece arehed iran, im Abton im niji uari pece arehed iran,
31im Helkad im niji uari pece arehed iran, im Rihob im niji uari pece arehed iran; niji maliyum is for.
32Im lep an nahaijin pece u ilpu mapoi Naftalai Kites an pece Calili im niji uari pece arehed iran, mika yi maliyum eri ahapan iran a ilpu atimi atgei atmas; im Hamod-tor im niji uari pece arehed iran, im Kartan im niji uari pece arahed iran; inmaliyum is eseij.
33Is dirtiin niji maliyum alupas asega u ilpu mapoi Cerson is idivaig ilpu eteuc ira ra, im niji uari pece arehed iran.
34Eris lep alupai ilpu mapoi Mererai, nahaiji ilpu mapoi Livai marom, an nahaijin pece u ilpu mapoi Sebulun, Jokniam im niji uari pece arehed iran, im Karta im niji uari pece arehed iran,
35im Timna im niji uari pece arehed iran, im Neehalal im niji uari pece arehed iran; niji maliyum is for.
36Im lep an nahaijin pece u ilpu mapoi Ruben, Biser im niji uari pece arehed iran, im Jahesa im niji uari pece arehed iran,
37im Ketemod im niji uari pece arehed iran, im Mifead im niji uari pece arehed iran; niji maliyum is for.
38Im lep an nahaijin pece u ilpu mapoi Cat, Remod an pece Cileat im niji uari pece arehed iran, mika yi maliyum eri ahapan iran a ilpu atimi atgei atmas; im Mehaneem im niji uari pece arehed iran,
39im Hesbon im niji uari pece arehed iran, im Jeser im niji uari pece arehed iran; niji maliyum asega is for.
40Et um uco eris leh niji maliyum is twelv, vai itai asjaaicnaig a ilpu mapoi Mererai, nahaiji ilpu mapoi Livai marom.
41Is forte im eet niji maliyum alupas asega im niji uari pece arehed iran u ilpu mapoi Livai ira ahaiji pece u nup Isreel.
42Is eteuc niji uari pece arehed irai maliyum alupas iji igki asega: is um uce niji maliyum alupas iji igki asega.
43Is alupai nup Isreel a Ihova inpece asega is asaig ehele ilpu retpora aien, mika etpu alupai ra aien; eris ohuun ara um amen iran.
44Eris amen upene ara, is idivaig intas asega u Ihova ehele ilpu retpora: is eti atidai an nuhup ura tah natimi irai ilpu atimi tak atimi ira ra; is ikni ilpu atimi tak atimi ira ra asega irai ikmara a Ihova.
45Is eti etjo tah nitai upene inig is asaig a Ihova ehele nup Isreel; is yetpam nitai iji ehki asega.
Currently Selected:
Josua Nuarin-tas alupas 21.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)