Josua Nuarin-tas alupas 16.
Nuarin-tas alupas 16.
1 Niji ehni inpece u ilpu mapoi Josef. 5 Nehni inpece u ilpu mapoi Ifreem. 10 Era eti esjilid irai up u Kenan ara.
1Et ahes nahaijin pece u ilpu mapoi Josef u Jortan ubutpotet pan Jeriko, um yetpan u inwai Jeriko an nahaijin namasacen an ridjai o un; um lep ahes Jeriko um yetpan an lolan nedoon Bedel,
2um ahes Bedel um yetpan Lus, um lep yetpan an nahaijin pece Arkai, um yetpan Atarod,
3et lep asuol pan Jafletai an nete o un, um yetpan an nahaijin pece Bed-horon sepagko, um yetpan Ciser: et lep yetpan u injap.
4Eris leh nahaijin pece ura a ilpu mapoi Manasi im Ifreem, ohwat halav atamaig u Josef.
5Nahaijin pece u ilpu mapoi Ifreem nigki, et idivaig ilpu eteuc ira ra: is eteuc Atarod-atar an nahaijin an ridjai o un, um aridjipan Bed-horon ijinies;
6Et lep apok nahaijin pece ura Mikmeda an nahaijin inig et ahes narutu iran; et lep apan Teanad-sailo an nahaijin an ridjai o un, um ahtaregdei an nahaijin an ridjai o un um yetpan Janoha;
7et lep ahes Janoha um asuol pan Atarod, um yetpan Nearad, um yetpan Jeriko, um yetpan Jortan.
8Et lep ahes nahaijin pece ura Tappua um yetpan an nofowai Kena an nete o un; um lep yetpan u unjap. Nahaijin pece u ilpu mapoi Ifreem nigki et idivaig ilpu eteuc ira ra.
9Et lep eteuc nahaiji niji maliyum u ilpu mapoi Ifreem an nahaijin pece u ilpu mapoi Manasi, niji maliyum alupas asega im niji maliyum haklin iran.
10Eris eti ahlo nup u Kenan ara eris amen Ciser ara: ja era amen a nup u Kenan ehele nup Ifreem um imihum pam an nopan inig, um alupai ra nimtan.
Currently Selected:
Josua Nuarin-tas alupas 16.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)