Zakaliya 3
3
Shimono sha muluwe hali Mukulwane wa bakankombela nimwabo
1 #
Ezi 5:2; Kuh 12:10. Niho Nyambi ya Ngula amoneshele Yoshuwa Mukulwane wa bakankombela nimwabo, hinga emana ku meho a lingeloyi lya Nyambi ya Ngula na Shatana kami hinga emana kami ku liboko lyendi lya shilyo na kumuyatisha. 2Lingeloyi lya Nyambi lyambile kuli Shatana ngayi, “Nyambi ya Ngula akukalihile, obe shatana! Nyambi ya Ngula ou wahatile Yelushalema akukalihile! Ou muntu unengi ngo nkuni banayokolo mu mundilo.”
3 #
Yun 9. Yoshuwa wemanine ku meho a Lingeloyi hinga avwala bivwalo bya mazilo. 4Lingeloyi lyatongwezele obo bemaninenga nalyo ngayi, “Muvwulenu bivwalo bya mazilo.” Niho atongwezele Yoshuwa ngayi, “Mona nakufumishakale wubi, pe nili na ku kuvwalika bivwalo byabiwahe.”
5Lingeloyi lyambile kami ngayi, “Lehenu bamuvwalike kahoshi kakuyela ku mutwe wendi.” Niho bamuvwalikile kahoshi kakuyela ku mutwe wendi na kumuvwalika bivwalo byabipya, Lingeloyi lya Nyambi hinga lyemana.
6Lingeloyi lya Nyambi lyambilile Yoshuwa ngayi, 7Eshe nisho anamba Nyambi wa Makunge, ndi ukwenda mu zinzila zami na kulama mazu wami, pe ukalela litala lyami na kwikala na ngovu ha bipango byami, kami nika kupana ngovu hakati ka mangeloyi awa anemana kuno ku meho wami. 8#Yel 23:5; 33:15. Haya yuvwilila, obe Yoshuwa Mukulwane wa bakankombela nimwabo na bantu aba banekala hambili yobe, ndaba banengi bantu bali na kalimukisho ka byuma byabiwahe, monenu nili na kuleta mukamulimo wami ukutumbiwa ngayi, “Mwahi.” 9Mona, ha limanya elye nayaka kumbili ya Yoshuwa! Hali meho mutanu na abili, nikamangulaho na kutikitaho, nisho anamba Nyambi wa Makunge, pe nikafumisha wubi wa litunga elye ha mutena umo. 10#Mika 4:4. Nyambi wa Makunge ukwamba ngayi, ha mutena uyo muntu na muntu mukati kenu ukehana ndambo yendi kwiza na kwikala nendi mu nceto ya mikolobozi ya shinyanca na mu nceto ya mutondo wa mukuyu.
Currently Selected:
Zakaliya 3: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
